طيب انا مهندس ميكانيك خبرة سنتين راتبي حول ١٥ الف
مع جميع البدلات طبيعة عمل و ريموت إيرا و نقل و سكن
كم تعطيني ارامكو تقريبا لو رحت لهم و كم البدلات ؟
وإذا كان عملي في منطقة نائية كم بيكون ؟
علما بأني مخلص pdp ولا عندي بونص بعملي الحالي
انت كملت ٧ سنين خدمه قبل ما تدخل ارامكو. ارامكو عطوك ١٤٣٦٠ ريال اللي هو اقل راتب لقريد ١٢… اعتقد وقتها انهم اجحفوك بالراتب…
بس اهنيك بصراحه، كافحت بشكل ممتاز… هل في بالك انك تطلع لشركه من شركات الجبيل الكبيره عشان تعدل راتبك؟ او الوقت هذا ماهو مناسب؟
1 Like
السلام عليكم ورحمة الله وبركاتة
ابشرك انقبلت في الجبيل براتب اساسي 26059 ريال اساسي بعد 4 سنوات بحث والحمد لله على كل حال وانشاء الله مااجلس سنتين او 3 الا وناقل شركة اخرى حتى اتقاعد مبكر زين بعد مااكمل 25 سنة خدمة وارتاح من الدوامات والعذاب واتقاعد وانسى حياة الهندسة
7 Likes
ماشاء الله عليك مكافح وتستاهل ماحصلت
الاساسي ماشاء الله كويس لكن الزيادات بهالشركة هل تفرق عن ارامكو بشكل كبير ولا؟ اما 3% مجحفة
موظف ارامكو في المناطق النائية من اول مايتوظف بدون خبره راتبه السنوي تقسيم 12 يصل الى اكثر من 20 الف ريال
ماشاء الله الله يزيدك يارب يعني تقريبا الفل باكج يوصل 35 الف شهري
اخ estimator انت قيمتك ذهب في القطاع الخاص لاتجلس في شركتك السوق عرض وطلب وصدقني لو تغير مكانك بتحصل 20 الف اساسي بس تحرك وكلم شركات التوظيف واكتبلك resume محترمة وركز على PMP صدقني راح تلقى براتب ببدلات 25 الف-26 الف ريال والله يوفقك لاتستنى الشركات تكلمك حط سيرة ذاتيه في gulf talent , monster gulf, bayt بتحصل اعرف زميلي مشاء الله حصل عرض في السويدي في الجبيل Project Manager بعد 15 سنة في الاستشارات براتب اساسي 33 الف ريال مع بدل السكن 41250 ريال غير المواصلات توفرها الشركة بس هو ركز على شهادة مدير مشروع محترف والولد معدله 2.1 من 4 في الجامعه وضعه كان يالله يالله تخرج اللحين اخذ شقة دبلكسية في الشبيلي في ارقى احياء الخبر واخذ سيارة لاند كروزر جديد اقساط 23 الف ريال يبقى له هو وزوجته وطفل له 18 الف ريال وممشي حياته
2 Likes
لا ماتوصل المبلغ هذا بس حسب سحب التامينات المبلغ الشهري = 26059 * 1.25*0.9+ 1000=30316 SAR monthly
ثلاثين الف وثلاثمائة شهريا ولا 19 الف ريال شهريا والله انها تفرق خاصة في ظل الاسعار الجنونية اللي صارت وتكاليف المعيشة والحمد الله على كل حال
الزيادات 4%-5% للجيد جدا احسن من 2.5% و3%
***انا خذيت درس صراحه كل سنتين ثلاث غير شركة كمهندس ولا تطول في شركة الا اذا كان وضعك ممتاز بالشركة اللي انت فيها وعندك ووعود بالترقية والمناصب غير كذا لا تعب نفسك
اهم شي صحتك واسرتك وادي عملك بما يرضي الله واجتهد ماعليك من المخربين في بيئات العمل وصفي نيتك والله بيفتحلك ابواب الرزق
******الصدقة مهمة لااحد يكذب عليك موهلاتك تشفع لك في الرزق الشافع هو الله سبحانه
2 Likes
منذ سنوات قبل ان تتكلم و السي في في هذه المواقع gulf talent , monster gulf, bayt و لا من مجيب!!!!!!
الواسط تلعب دور هام
انا معاك الواسطة تلعب دور
********* الواقع مرير لكن الحمد لله على كل حال راحت الطفرة ولا استفدت انا اعرف اخوياي اعلى من راتبي الجديد حتى ب 14 الف في الاساسي ((( نقزوا اوفريين صدارة ومعادن))) ووصلوا الاساسيات الى 40 الف الى 45 الف توظفوا وظيفتين في 2013 وبدايات 2014 سنوات مرة كانت ذهبية اللي مااستغلها راحت عليه لكن نقول بلدنا بخير والخير جاي ونستنى طفرة بعد سنتين ثلاث وكان الهدف اني اوصل السقف الاعلى للتامينات قبل انا اشارف سن 50 السبب ابي اتقاعد بدري وافتح لي مشروع لي ولبنتي زائد راتب التقاعد لانه الصحه لن تظل
*****حط في بالك لو ظليت لل50 سنة ولقيت عرض وظيفي التامينات فيها قانون في التامينات الاوفر الجديد مايتعدى 10%
************الوظيفة الاخيرة كلمت واحد يعرف واحد يعرف واحد يدف الاوراق
**********لاني انقبلت في عدة وظائف في السنتين الاخيرة لكن لازم واحد يدف اوراقك تطلع من المقابلة ناجح يحطون اوراقك في الدرج وهذي مشكلة كبيرة لتوظيف السعوديين اهمال ادارات التوظيف وعدم الاهتمام خاصة بكادر المواطن وماعليك من الكلام وهذا كلام وصلني من مكتب التوظيف في سابك انا يمكن انقبلت 5 مرات في سابك لكن الاوراق يبغالها دف او تزكية من مسوول كبير خاصة اذا عندك خبرة وشهادات وطالب راتب محترم لانها اولا واخيرا ميزانيات ((((فريش يمكن لا عادي ))) لكن لو اجنبي مافي شي واسطة يخش على طول
*****************الحل بسيط جدا الصدقة يااخوان خاصة الهنود والعمال وياليت يكون اكل او ماء اللي ينظفون الشوارع للناس اللي ماعندهم واسطة الصدقة الصدقة و15 دقيقة يوميا استغفار في الليل قبل ماتنام واللله من مجرب اللي هو انا ماراح تحتاج لا واسطة امير ولا نائب رئيس الشركة الله يسخرهم لك
لانه معاك واسطة رب العالمين
5 Likes
لم أقرأ كل الردود ولكن أختصر الموضوع اذا كنت تريد ان ترفع راتبك خلال اول سنين مهنتك
التنقل الكثير مهم جدا وعامل اساسي في رفع الراتب كمثال لا تجلس الا ثلاث سنوات أو خمس سنوات في وظيفة او منصب معين وبعد ذلك غير لأن لو بتعتمد على الزيادات والترقيات ماراح يختلف ويزود الراتب بشكل كبير.
2 Likes
احسنت ياابو فواز صحيح التنقل كل ثلاث سنوات
شباب هذي الرواتب اللي فوق 20 الف… ممكن يحصل عليها المهندس بمنصب تقني او لازم يحول الى منصب اداري؟؟؟
بمعنى ايش المسار الوظيفي الافضل للمهندس …technical or managerial
اداري طبعا ياادارة مشاريع او هندسة تكاليف وتسعير يعني تخصص يكون في الادارة الهندسية
2 Likes
هندسة تكاليف تقصد
Supply chain management؟
no , it is estimation, Cost & quantity Surveying Cost management
Supply chain Management عبارة عن سلسة الايرادات وتتعلق ادارة المواد
موضوع جميل ونريد تعليقات وافاده اكثر
معاكم مهندس خبرة ٦ سنوات متخرج من ٢٠١٣ بمعدل ممتاز وراتبي الصافي ٩٥٠٠ توتال مع العلم ان البوزشن مو مهندس وللحين مو محصل لي وظيفة بمسمى مهندس مع العلم اني يوميا اقدم
يااخوان الي يعرف شركات توظف مهندسين يبلغنا لاهنتم
ياخي مو معقوله خبره ٦ سنوات ومو محصل شغل يناسب خبرتك!!
انتبه وانا اخوك من الخبره اللي ماتستفيد منها،، اشتغل بمجالك حتى ترتقي من وظيفه لاخرى،
لايكون همك بس راتب
يعني لو جاك ٨ بمجالك و١٠ بمجال ثاني روح لابو ٨ الاف لانها موقته
الشي الاخر. وش تخصصك ، اذا ميكانيكال يعني المشكله فيك اسمح لي. لاني عارف المجال زين والشركات والمقاولين اللي فيه
وغيره ممكن يفيدونك الاخوان
ولكن وانا اخوك فيه طلب على الخبره الا اذا كان تبحث عن شركه كبيره سابك ارتمكو صداره وغيرها
اخوي انا ميكانيكل وخبرتي في مشاريع البايب لاين وفي الستاتك اكويبمنت
انا ماابحث عن ارامكو او سابك انا ابحث عن اي وظيفة هندسية براتب معقول
انا حتى لو احصل وظيفة هندسية فريش يدخلوني انا راضي لكن مو محصل