هلا فيكم يا اخوان في اول مشاركة واول موضوع واول حرف واول …الخ
صراحة الموضوع بيطلع قرون براسي من كثر الهم والغم اللي فيني حتى صرت اسمع موال عراقي اداوي جروحي فيه والسبب القدرات باجي لها اسبوعين , مو الخميس هذا الي بعده تاريخ 25/4
ماني عارف شسوووووي @@
شكلي ببرشم >> يا شين طلاب الثانوية بس
وياليت من اللي عندي خبرة يفيدني
لأني سألت ناس بثالث ثانوي انا بثاني ثانوي للعلم ] قالوا لي لو تذاكر من هنا إلين يوم الدين هي تعتمد على المخ + الحظ , وذكروا لي اسماء ناس داجين جابوا نسب عالية وهم ما ذاكروا , واخوي اختبر 3 مرات وار نسبة حصلها هي 73 % قالي ان الاختبار سهل …ألخ يعني ناس تقول ذاكر وناس تقول ما ينفعك وتقول سهل وماي
احترت
قالوا لي ما ينفعك الكتاب لو تشتري , سألتهم قلت طيب ما يصدف يكون فيه حوالي 30 سؤال تقريباً موجود ؟
قالوا : لا انسى , كل اختبار يتغير الأسألة ما يمديك , حنا حاولنا ندرس ونشد حيلنا وجبنا مدرسين وذاكرنا رياضيات اعداد الكم لكن ماكو فايدة هي حظ ومخ بعد التوفيق من الله
فياليت يا أخوان تفيدوني مع العلم اني قريت موضوع محمد ابو علامة ] عن القدرات وبعمل فيه لكن ما يكفي لقمع قلقي
عموما اختبار القدرات على أيامي >> وخررررررر عن الشايب
كان فيه تركيز على الكسور يعني اعرف وشلون تجمعها وتطرحها وتضربها … الخ,
كيف تساوي المعادلات لإيجاد المجاهيل يعني عندك معادلتين ومجهولين (س )و( ص) و شلون توجد قيم س و ص من المعادلة وممكن يكون أكثر من مجهولين برضه…
المقارنات عموما,
إيجاد النسبة المئوية مثلا محل سوا تخفيض 25% على البضاعة اللي سعرها 3420ريال كم سعر البضاعة بعد الخصم؟ و أفكار من هذا القبيل
بالنسبة للقسم اللغوي:
الله يعينك لأن لازم تكون قرايتك سريعة وتعرف تطلع معاني الكلمات من قطعة مثلا و ناظر كتابهم فيه أمثلة حلوة على كذا…
عموما أنت شف كتابهم حتى لو قالوا لك مهوب مفيد لأن الناس يختلفون في الاراء لكن الكتاب هذا ما طبع و نشر ونصحوا فيه إلا وهو مفيد أنت افهمه و اعرف طريقة أسئلته و ترا يجيك اختبار تجريبي على CD مع الكتاب هذا ممكن يعلمك و شلون تنظم وقتك أثناء الاختبار,
عموما جهز عمرك لأن بتجلس تقريبا 4-6 ساعات على كرسي طاولة مدري وش تبي وبدون شاهي ولا قهوة واحمد ربك إن جابوا لك مويه بعد
وحاول تتمرن على تعبية الدوائر عشان ماتروح عليك درجات بسبة ان تلوينك لها سيء,
تمنياتي لك بالتوفيق,
واسأل مدرسينك ترا ممكن يفيدوك
سألتهم وقالوا لك …
شوي … سألتهم وقالوا لك …
شوي بعد … سألتهم وقالوا لك …
طيب وش رايك بما انهم ( اخوياك الفالحين ) فاهمين زين ويجاوبون على كل استفساراتك ليه ما وجهت لهم هالسؤال ؟
ياخوي لازم يكون عندك ثقة بنفسك … وخل عندك روح التحدي …
أول شي يا طويل العمر … اختبار القدرات ليس كما وصفوه لك اصحابك أبدا أبدا …
فالاختبار صحيح أنه ليس له كتاب يذاكر منه وبالتالي لا تستطيع تطبيق مفهوم الحفظ اللي من طلعنا على الدنيا وإحنا نطبقه … الاختبار يا عزيزي يعتمد على ثقافتك بشكل عام وعلى مدى فهمك …
صحيح أن ما فيه منهج مخصص للمذاكرة فبالتالي بيكون صعب شوي عليك بما أنك لم تختبره الى الان …
لكن الواقع يا عزيزي أنه اختبار ليس بالصعب أبدا …
وكل ما يحتاجه منك هو الثقة في الله سبحانه والثقه بنفسك وانك تستطيع تجاوز هذا الاختبار وأحراز درجة عالية جدا … ناظر الناس اللي حولك … وش يفرقون عنك ؟
ليه هم يقدرون يجيبون درجات زينه وأنت لأ ؟
علما بانك ما اختبرته للحين ؟
فكر شوي بتلقى أن اصحابك هم اللي زرعوا عندك هالخوف وأنه كل شي ما ينفع مع هالاختبار …
ياخوي الكتاب حق القياس كتاب ممتاز جدا جدا جدا … واللي يقولك ما منه فائدة والله ما عنده ما عند جدتي …
افتح الكتاب واجلس عليه … ولا تكون مثل كثير من الناس اللي يجلسون عليه بيوم وليلة ولا يستفيدون شي بعدين كل ما يقابل واحد يقوله والله اشتريت الكتاب وما استفدت شي …!!
تحتاج على الاقل مدة اربع الى خمس أيام وأنت تقرا الكتاب وتفهم ماهية الاختبار وكيفيته ونوعية الاسئلة …
وبتلقى في الكتاب كل ما تحتاجه من امثلة كافيه وواضحة وشاملة …
واللي بيجيك بالاختبار ما راح يختلف كثير عن اللي راح تقراه …
لكن المشكلة في الناس المحبطين دائما …!!
أنت واضح ان همتك عالية … والدليل أنك هنا في منتدى طلاب جامعة الملك فهد …
طيب دامك طموحك مثلا تدخل الجامعة , ليه ما تكون همتك عالية وتحرص على انك تفعل كل ما تستطيع فعله لهذا الاختبار … يعني بدل ما انت جالس وقولولي وش أسوي لأن فلان يقول ان الاختبار صعب وان الكتاب ما ينفع , ليه ما رحت واشتريت الكتاب وفتحته ونسيت كلام الناس …
وصدقني لو طبقت كلامي ووثقت بنفسك ودخلت الاختبار عادي وطبيعي بإذن الله بتجيب درجة ممتازة وعالية وبتشوف بنفسك …
وطبعا تحتاج حاجه مهمة وهي الثقة بالنفـــس والاستعداد للاختبار والنووم مبكر قبل يوم الاختبار …
وصدقني لا اللي قالك انه صعب بينفعك بكلامه ولا اللي قال لك لا تشتري الكتاب بينفعك …!
وانت عقلك براسك وتعرف خلاصك …
والله يوفقك ويوفق جميع الطلبة ونشوفهم باذن الله هنا في مرابع الجامعة …
على فكرة … موضوع مكانك غلط … فيه قسم إسمه ( الطريق الى جامعة الملك فهد ) هو منتدى مخصص لطلاب الثانوي واستفساراتهم …
عافاك الله يا الشايب هههههههههههههههه ماقصرت والله , انا معي اسبوعين ولله الحمد يمديني اشد حيلي واجيب لو اكثر من 70 الله يقسم اللي فيه خير بالنسبة لقمع قلقي ياخي مدري وين سامعها لكن قلت يلا بس خلنا نوريهم ان ثاني ثانوي عليهم لغة عربية ( حبتين ) هع
طيب يا أخوان أيهما أصعب اللغة العربية او الرياضيات بالقدرات ؟ بعدين عندي سؤال بالنسبة للتحصيلي متى أختبره لأني ما أعرف عنه اي شيء كما يقولون nothing
اتمنى الجواب وبكون متفاعل في هالموضوع ودعواكم يا اخوان وعسانا نلحقكم في جامعة الملك سعود للبترول اللهم امين
أخوي الفارس عافاك الله على كلامك الحلو وبالنسبة لمكان الموضوع غلط والله من الخرعه مدري وين اكتبه زين ما كتبته بس في الشكاوي خخخ >> هو فيه شكاوي ؟ >> اثار الخرعة
أنا باجر بشتري الكتاب بجلس افحط فيه لما اطلع طريقة الحل لكن ياخي انت عارف مدة السؤال 25 ثانية و ورياضيات يبيلك تحليل وتركيز وركادة, كيف اكون راكد ولي 25 ثانية ؟
اكثر ما يخوفني هو الووووووووووووقت time
اللغة العربية يمكن كثيرة بعد علي 25 ثانية مع اني دجه بالمواد الادبية لكن رياضيات يبالي تركيز وتحليل وهذي صفة فيني عند المواد العلمية اكون راكد لكن 25 ثانية ؟ بظل اطالع للساعة والوقت وكأني مجبور ع الامتحان بعدين ياخوي هم يعطوني ورقة خارجية ولالا ؟ واذا ما كفت اقدر اطلب بعد ولالا ؟ لعلمك اني راح اختبر في كلية المجتمع في حفر الباطن اااخ بس
يا حبيبي هذي فايدة الكتاب وحل التمارين اللي فيه …
هي اللي تعطيك القدرة على التوفيق في الوقت …
كل ما حليت مسائل أكثر كل ما قل الوقت اللي تستغرقه في حل المسألة الواحدة …
يعني تحل مسالة تاخذ خمس دقايق …
تحل ثانيه غيرها وثالثه ورابعه وخامسه …الخ بيصير شي طبيعي عندك مسالة الوقت …
فايدة الكتاب انه يعودك على اهم حاجة وهي التعود على طريقة المسائل وحلها بأسرع طريقة ممكنة …
بالنسبة للورقه الخارجية أذكر في احد الاختبارات عطونا مدري هو التحصيلي ولا القياس … لكن ما راح تحتاجها اعتقد واذا كنت تحتاجها بيعطونك …
أولا ترا لازم تكون أعصابك هااااااااادية وترا الارتباك يلعوزك ويخليك ما تعرف 3*3 وش يساوي !!
على العموم انصحك تسأل اخوياك اللي بيختبرون قبلك أو اللي اختبروا قريب بطريقة الاسئلة وإذا يتذكرون شي منها أو اللي وقف معاهم ولا عرفوا له لأن غالبا الاسئلة هي هي ما تتغير …
^^^^^^
سيم سيم كلام وانا بعد نفس الوضع عندي القدرات واقفه بوجهي لاسيما بعد القرار الاخرق بالغاء المركزيه لانه صار الثانوي حدود 20% يعني يمكن بعد كم سنه ما تلقى اللي يذاكر اهم شي النجاح وبس لان الثانوي ما يأثر
:( ليه لما تجي انشاء الله تشوف الحفراويه شنب يفزعون لكـ بالماء وعصير ربيع وساعة على بروجكتر
ونرجع للقدرات شف اخوي الله يحيك عندنا بالمجتمع والقدرات اهم شي الوقت ثم الوقت لأن الاسئلة عاديه نوعا ما والكمي (الرياضيات) بنظري اسهل من اللغوي لاني بطيئ باستيعاب المقروء صدقني العام نفس الوضع كنت ماني عارف شي لاو بعد مو انا اللي سجلت واحد من ربعي كان بثالث وانا بثاني قالي انت شاطر ولازم تختبر وكنت اظنه بس كذا اختبار على الهامش بس يوم قرب الاختبار وقريت عنه انه شرط للقبول خفت واجد وقمت اخبط يمين وشمال واللي يقولي والله حليت كل شي وجبت 59 ودخلنا الاختبار من دون كتاب او شي واختبرت وبعد الاختبار النتايج كنت خايف و لما طلعت(بذاكـ الوقت بالنسبه لي) كانت الصاعقه كنت اتمنى اجيب 70 وطلعت 80 وما توقعتها واختبرت مره ثانيه وجبت 81 وكان زي ما قلت لك الكمي اسهل جبت 82 بالكمي و79 باللغوي وصدق المثل اللي يقول ابن آدم ما يملى افمه الا التراب وانا نفسك اختباري يوم الخميس بمجتمع الحفر وانشاء الثالثة ثابته لأن الـ81 مهي شي بظل القوانين والظروف الحاليه المزرييييييييييييييييييه
والله يعينك ويوفقك ويوفقني والجميع.
بالمناسبه اخوي الفارس صراحة حمستني وكلماتك كنت بحاجه لها شكرا لكـ
السلام عليكم
اختبار القدرات
أجمل إختبار سهههههههههههههههههههههل
بس لازم تدخله وانت مروق غير متوتر<<<<ولا بتجيب العيد
للعلم اختبار القدرات أسهل إختبار بيمر عليك
إقرا الكتاب حقهم وحل المسائل الموجودة فيه
مع عدم التقيد بشرحهم وإن شاءالله تجيب فوق التسعين
على فكرة ترا الاختبار في ثاني غير محسوب
س 1 : هل يمكن لطالب الصف الثاني الثانوي دخول اختبار القدرات ؟
يشترط المركز حالياً أن يكون الطالب قد أنهى الصف الثاني الثانوي لكي يدخل اختبار القدرات ويستفيد منه الاستفادة الكاملة. ويمكن للطالب دخول اختبار القدرات مرتين في الفترتين اللتين يقدم فيهما اختبار القدرات خلال العام الدراسي، أي خلال دراسته في الصف الثالث ثانوي. ويفضل أن يستعد الطالب قبل دخول الاختبار بالاطلاع على الأمثلة والاختبارات التجريبية الموجودة بالموقع وضمن الدليل التدريبي لاختبار القدرات العامة ، الذي يصدره المركز ويباع في المكتبات.
تقوووووووووول ثاني ثانووووووووووي مو محسوووووبة @@ طيب لو جبت 90% مثلاً , يكسحوني برع ما يقبلونها ><" لازم ثالث ثانوي , والله خايف ابدع بثاني وادج بثالث الله يقسم اللي فيه خير
وبخبركم بنتيجتي يا اخوان مع اني حاس انها بتكون بالستينات خخخخ ايا كانت , ما بيحسوبنها دام جذي
تسربت أخبار ان إدارة التعليم ( والخبر غير أكيد وابري ذمتي منها ) بمحافظة الأحساء أن الاختبار راح يكون موحد لمدارس الأحساء ( و أتوقع بتكون مفاجأة عشوائية يعني غير معلومة متى تجي وفي اي اختبار )
, وأشدد على أهمية الكتاب والسي دي لأنه هو اللي يوفر عليك الوقت بحل الاسئله
D