التحضير : يسمح بالتأخير 5 دقائق و 10 دقائق مرات
طريقة الشرح : حصة شرح حصة حل مسائل
المياجر: كومن
الفاينلات :كومن
القريد النهائي: c+
الصوت: ممتاز
إضافات :
المدرس تغير تغير كبير و عكس الي مكتوب هنا
و بعض الاحيان يمر اسبوع ما يحضر نهائيا
و بكل صراحة الفيزيا تعتمد عليك كثر ما تحل مسائل تجيب قريد
درست عنده لكتشر 101 سمستر 121
التحضير :
نهاية كل كلاس
طريقة الشرح :
ممتاز في الشرح بس لما تسأله ياخذ وقت لين يجاوبك واحيانا ما يوصل المعلومة
الكويزات :
صعبة
المياجر:
كومون
الفاينلات :
كومون
القريد النهائي:
b
الصوت:
واضح
إضافات :
الدكتور يحاول بقدر الأمكان انه يساعد الطلاب ودايما يقول يا شباب اللي يواجه مشاكل حتى لو في في حاجة ثانية غير الفيزكس يجيني الاوفيس اور
متكبر بكل ماتعنيه هذة الكلمة
انا حضرة معة لاب واحد وبعد الاب على طول دردبتة
حسيت اني مخنوق في الاب وكان في اي لحضة اترك الاب واطلع
حط رجلك من عندة
السلام عليكم
شباب الدكتور انا منزل معه السمستر الجاي
وبوقت جدا ممتاز وجدولي مرتب
هل اضحي اني اعفس الوقت عشان اغيره ولا المدرس يمشي الحال ؟
سؤال ثاني الفيزيكس يعتمد على المدرس بشكل كبير ؟؟؟
يمشي الحال لو تعتمد على نفسك
يمشي الحال
انا نزلت معه سمستر 121
هو مو سيء
هو شبه كويس
اصلا الفزكس لو مين الدكتور اللي منزل عنده لازم تذاكر
فأنا انصحك انك ماتغيره اذا الوقت مناسبك
موفق 
phys 101 ترم 141 التحضير : ورقة يمررها وتوقع عليها
الشرح : يستخدم سلايدات بس شرحو سيئ نوعا ما ويوصل الفكره بطريقة سيئة وصوتو منخفض ويجيب النوم
الواجبات : لا يوجد
الكويزات : متوسطة وبعضها صعب
تقييم : C+
اذا نزلت عندو اعتمد على السلف ستدي افضل لك
up
التحضير :
على حسب المزاج ويطرد المتاخرين الا اللي يجون بعذر
طريقة الشرح :
يفتح السلايدات ويقعد يقرى لين يوصل لمسالة ويشرحها ثم يحلها (سيء جدا بالشرح والحل بعد) واذا ساله احد يعلق على مايفكر ويجاوب عليك وانت وحظك يطلع لك شي راندوم من عقله وماتدري هو شي يتعلق بالدرس ولا؟؟؟؟؟؟
وبعض النقاط مايبي يشرحها بالكلاس مثل كيف تحدد الساين والساين ويقعد يطقطق عليها بالريسيايتشين والكلاس ؟؟؟ وش المغزى من هالفله اللي على راس الطلاب الله اعلم
وبرضو اشياء ثانيه بس ماببالي حاليا
الكويزات :
صعبة ومو على مستوى شرحه ولا مستوى الاولد على مستوى موازي للشرح الخايس حقه
المياجر:
كومون
الفاينلات :
كومون
القريد النهائي:
f
الصوت:
ينسمع بس يجيب النوووووووووووووووووووووووووووم
إضافات :
الو بتنزل عنده خلك سلف ستدي (دفره زون والاونلاين كورس وحل اولد قد ماتقدر) وتحمل غثته بالكلاس لانه مايسمح بالتاخير و التكية على الجوال
وبرضو الاوفس اور عنده يقلب سايكولوجي مايحلك سوالك بس يبينلك وين انت مشكلتك ثم يشرحلك السوال(يقراه مره ثانيه بس) ثم يقولك بس الباقي عليك والفايدة 0
فيزياء 101 - ترم 191
التحضير : مايسمح للمتأخرين أكثر من 5 دقائق يدخلون إلا بعذر والتحضير بورقة توقع عليها.
الشرح : يفتح سلايدات مأخذوة من الكتاب ويشرح الأفكار لكن شرحه عادي صراحه, وبعد كذا يحل مسائل من الكتاب وشرحه جيد فيها. لكن بالمجمل تحتاج تدرس بنفسك كثير هو يعطيك فكرة الدرس وبعض الحلول للأسئلة لكن تحتاج تتأكد أنك فاهم الفكرة من دروس البلاك بورد وتحل أسئلة الأولد اكزام بنفسك.
الواجبات : مافيه واجبات
الكويزات : درست الريساتيشن عنده يحل أسئلة أولد اكزام ويخليكم تجربون تحلونها صراحه أستفدت منها جداً, بالنسبه للكويزات عطانا حوالي 8 كويزات وأتوقع حذف أسوء واحد. كويزاته تعتمد على أفرج السكشن في حال أرتفع يصعبها والعكس صحيح وبصراحه حتى الصعبة لو مذاكر اولد اكزام تمام راح تقدر تحلها.
تقييم : ما ندمت أبداً أني نزلت عنده, إذا أنت مستعد تذاكر بنفسك فالدكتور بيساعدك ببعض الأشياء لكن إذا بتعتمد 100% على شرح الدكتور (وعلى فكرة أعتقد مهما كان الدكتور ممتاز لازم تذاكر بنفسك) فهذا خطأ وبيأثر على قريدك.
المياجر: كومون
الفاينلات : كومون
القريد النهائي: B
الصوت: مسموع
ترا الدكتور تغير بشكل كبير ومب متكبر ابدا. انا درست عنده ترم 191 وكان عادي بس يمكن في الشرح ما يقدر يوصل المعلومة عدل, اما التحضير والاخلاق الدكتور افضل بواجد من اللي مكتوب هنا. ايضا الدكتور كان يحاول قدر المستطاع انه يساعد الطلاب ودائما يقول يا شباب اللي يواجه مشاكل او اي شي حتى لو شي في غيرالفيزيا يجي الاوفيس اور.
(PHYS-101 T-201 (ONLINE
التحضير:
كان يعتبر شوي متساهل بس مو مره والظاهر انو عشان الترم كان اونلاين. احيان يحضر احيان لا
الشرح:
اقل من عادي الصراحة، ما يضيف لك اي شئ واذا كان عندك مفهوم لفكرة غالبا بيلخبطك الشرح حقه.
بس ١٠١ اساسا كان برعاية دفره زون واليوتيوب، محد كان يعتمد على شرحه.
الكويزات:
كان عند دكتور ثاني فا ما ادري كيف مستوى كويزاته
المياجر والفاينل:
كومن
اضافات:
شئ حلو فيه كان يحل مسائل كثير اولد اقزام لكن كان يخربها شرحه
Phys 101 (online) T-202
التحضير:
يحضر عن طريق التيمز.
الشرح:
شرحه عادي جدا، إذا اعتمدت على شرحه راح تفهم تقريبا 50% من الكونسبت، أيضا طريقة حله للأسئلة تلخبط مره ويدخلك في متاهات كثيره، لذا لا تعتمد على شرحه.
الكويزات:
الكويزاته سهله مره والافرج يكون مره عالي، افرج سكشني 16.5 من 20 وبسبب النورملازيشن الكل نقص 4.5 وطار علي قريد كامل ، اذا نزلت عنده حاول تجيب درجات عاليه في الكويرات، لان راح تنقص كثير بسبب النورملازيشن.
المياجر والفاينل:
كومن
القريد النهائي: D
الصوت:
يجيب النوم الصراحه.
إضافات: الدكتور محترم واخلق لكنه عنيد شويه، لا تعتمد على الدكتور أكثر من 50%.
فيزياء 101 - ترم 202 (اونلاين)
التحضير : ما كان يهتم للتحضير ويقول انه ياخذه من التيمز .
الشرح : عنده سلايدات خاصة فيه وشرحه الصراحة اقل من المطلوب. بس فيه بدائل كثييييير مثل الاونلاين كورس وتسجيلات شرح الدكاترة الثانيين.
الواجبات : مافيه
الكويزات : سهلة الى متوسطة كان يعطي 3 او 4 اسئلة واذا جاب كويز صعب جاب لك بس سؤال واحد يبي له.
إضافات: 1-الدكتور يحاول يسوي اللي عليه وكان يسوي هلب سشنز للطلاب قبل كل كويز. 2- جدا محترم واستغرب كلام الطلاب اللي فوق هل تغير؟ الله اعلم. انصح بالدكتور لو ناويها سلف ستدي وتبي دكتور محترم ما يستقعد لك على كل شي.
المياجر: كومون
الفاينلات : كومون
التقييم النهائي: C+
الصوت: واضح بس يجيب النوم شوي اغلب الكلاس بنفس الرتم
الدكتور/ عبدالله السنيدي
T211 - Phys101 Lab
بتسليم الريبورت
شرحه سيء جداً ولا يفهم شيء, يكتب القوانين بالسبورة ويقول يله شوفوا المانوال وسوو التجربة واكتبوا الريبورت وعطوني!! وطبعاً لا طلبته مساعدة يجاوبك وهو مشمئز وقرفان.
صعبه صراحة مقارنة باللي موجود بالمانوال, يجيب اسئلة اولد اقزامز بكويزات لاب!!
القريد النهائي: D
إضافات :
لا تنزل عنده أبداً!!! حصل لي معه موقف خلاني افهم طريقة تفكيره المتخلفه… حضرت الكلاس التعريفي الأول ولكن تغيبت عن الثاني لأن حصل لي حادث وانا بطريقي للجامعة, كلمت الدكتور عشان أعوض الريبورت والكويز لان عليهم 2% من التوتال!! يعني تقريبا قريد, وقلي اكلم المسؤولين عن الغيابات وقالوا لي هذا القرار راجع لدكتورك…“كل واحد يرميني عالثاني”… طبعا بعد ما بلغته رفض بشكل تام واضطريت اشد الترم كامل معه وافلل كل شيء, ولكن لا زلت ناقص حدود 2% وهذا الشيء كان بيأثر علي! بعد نهاية اخر لاب رحت لمكتبه وكلمته بكل احترام ووريته درجاتي بالريبورتات السابقة ودرجاتي بالكويزات واثبت له اني كنت جداً مهتم, ووريته تقرير الحادث والخ وان الغلط مب علي, 100% عالطرف الثاني!! اقتنع بشكل بسيط وقلي اطبع له تقرير الحادث واعطيه اياه وبعدها راح يخليني اسوي التجربة ب30د فقط مع كتابة الريبورت كامل مقابل نصف الدرجة فقط… وطبعا الشكوى لله, وافقت لأني منحد, ولله الحمد الدرجة ذي فرقت معي قريد كامل.
.
درست عنده 101 و102
221-222
على العكس تماما من المذكور بالتعليقات القديمة، الدكتور غير متكبر. الي يميز الدكتور انه مو مشدد على الطلاب لا من ناحية الحضور ولا التركيز معه. أيام كثيرة ما يسجل حضور والتحضير يكون متأخر علشان حتى المتأخرين يحسبون حاضرين و ما يحرج أحد اذا ما كان مركز معه.شرحه يناسبني - لا يعني هذا انه يناسب كل الطلاب-لأنه يحل أسئلة كثيرة على كل فكرة مع التعليق على الأفكار الي ممكن تجي بالمياجر والمميز أيضا انه بكل محاضرة يراجع المحاضرة السابقة و سلايداته مفيدة لأنها تجمع أهم الأسئلة من الكتاب مع حل أغلبها . وإذاهو يدرس الريسيتيشن، عنده ملف فيه أسئلة أولد اكزام والكويزات بحسب ما اذكر ما تطلع من الملفين- الملف الأول هو السلايدات- صح أحيانا تكون صعبة بس مثل ما ذكرت يعتمد على مستوى الأسئلة بالملفات أو صعوبة الفصول. ما عنده مشكلة يأجل الكويزات إذا أغلب الطلاب اتفقوا على ذلك مع وجود سبب. وبالنهاية، الفيزياء مادة غير سهلة، يعني لا تتخيل انه فيه دكتور مثالي بتفهم منه كل محتوى المادة وتكون جاهز لأصعب الاختبارات. الأمر يعتمد عليك وعلى كثرة حلك للمسائل.
فضلت إني ما أحط قريد وأكتب أكبر عدد من التفاصيل إلي ممكن تهم أغلب الطلاب لأنها تعكس التجربة بشكل أفضل.