+1
1 Like
+1
1 Like
phys 101-071
طيب ويدف قريدات يعطيك كوز فيه شوية صلخ بس يقول لك افتح الكتاب وطالع الفورمولا
الريبورتات ما تقل عن 8 من 10 و يبين لك الاخطاء اللي تقع فيها بس ما يخصم عليك- احلى مافيه - ويعطيك الريبورت حق الاسبوع اللي طاف ويتناقش معك على الاخطاء ويعطيك قريدك
كوزاته اذا ما حليت يعطيك 3 من 10
الريبورت والكوز يعطيك اياه مكتوب فيها اسمك والاي دي حقك بالكومبيوتر وانت حل , افرجه عالي فيضطر ينزل الطلاب اللين يتوازن الافرج على 14 من 20 وما ياكلها الا الضحية اللي تحت الافرج - مثلي -
شرح غير جيد للتجربة
التجربة يخلي كل مجموعة تشتغل مع بعض ويسوون ريبورت واحد ومن ثم ينقلونه فيما بينهم
يعني يقوم بالشغل 2 من الطلاب و 3 من الطلاب داقينها سوالف في اللاب
اخلاقه عالية
ما عنده لاب فاينل
تستاهل انك تنزل عنده لاب
1 Like
ريسيتيشن فيزيكس 102 __ ترم 111
يبدأ يحل مسائل من الاولد اكزامز مرتبها عنده بسلايدات و موجودة عنده بالموقع
الكويزات كل اسبوع فيه كويز عليه خمس درجات و عادة ما تكون من نفس المسائل الموجودة في السلايد الخاص بالشابتر
بامكانك فنح الكتاب فقط اثناء الكويز
يشرح بعض المفاهيم و المبادئ قبل الحل كمراجعة سريعة
1 Like
شباب كيف الدكتور في الليكتشر فـ102 ؟
من ناحية تبسيط المنهج وشرح المسائل
1 Like
ما درس ليكتشر 101- 102 من فترة طويلة بسبب أنه كان رئيس للقسم ، أظن صعب تلقى معلومات حديثة عنه
للاسف كان راح يطلع جدول بيرفكت …
1 Like
كيف شرحه؟؟
102-t151
بنود التقييم :
التحضير : يحدد لك كرسي في أول محاضرة ويحضر بخريطة تظهر على الباوربوينت ويغير المقاعد بعد كل ميجر والتحضير في بداية المحاضرة ويحسب التأخير
طريقة الشرح : سلايدات الباوربوينت ويشرح عليها شرحه ممتاز
الكويزات : سهلة جدا وتصحيحه ممتاز يعطيك فوق حقك بمراحل
القريد النهائي: A+++
الصوت:هادي ولكن واضح ومسموع
إضافات :
الدكتور ممتاز جدا واخلاقه عالية جدا الله يسعده واذا حصلته لاتفوته
1 Like
102-t151
بنود التقييم :
التحضير : مثل م قال الي قبلي لكن في نقطة زيادة انو م يخصم على عدد الليتات بس لا تمصخها معاه، واذا عديت 5 غيابات حيروح عنك Ubgrade بس م راح يخصم على غياباتك من الكلاس الوورك
طريقة الشرح : يشرح على سلايداته الموجودة في الموقع وشرحه جداا ممتااااز لكنه بطيء في الشرح
الكويزات :تقريبا 10 كويزات و سهلة جدا ولا تفوتها وبعض الاحيان يجيبها من اسئلة الريسايتيشن ، طبعا الكويز سؤال واحد بسيط ويعطيك 10 دقايق عليه
القريد النهائي: A+++
الصوت:هادي وواضح وحتتعود عليه
إضافات :
الدكتور ممتاز جدااا واخلاقه جدا عاااااليه و مبتسم دايما ولا تفكر ابدا انك تسرح عنده لانه حيقفطك و حيسالك سوال في الدرس ، لكنه دكتور جدا طيب ولا تفوته ابداااا
م اقول الا الله يوفقك وين م كنت ي دكتور عبدالعزيز
PHYS102-142
التحضير : بالبداية كان متساهل و يسلك بالتحضير، بس يوم شاف الطلاب فلوها الله يهديهم صار يحضر بالبداية و اللي يجي بعدها ليت
طريقة الشرح : يشرح من سلايداته، شرحه حلو للكونسبت، نظامه كان أول 15 دقيقة تقريبًا يراجع الدرس القديم، و بعدها يشرح الدرس الجديد
الكويزات : سهلة، كان يجيب من أسئلة الريسيتيشن اللي موجودة في موقع الفيزيكس بس يغير فيها شوي، غالبا بس يغير الأرقام
المياجر: كومون
الفاينلات :كومون
القريد النهائي: A
الصوت: واضح و يشرح بالإنقليزي و العربي، ممتاز في ايصال المعلومة
إضافات :
الدكتور أخلاقه حلوة و حبيب و يتساعد معنا قد ما يقدر، و عادة يلقط اللي مسرحين بالكلاس و يسألهم و يخليهم يجاوبون
بس ما بيحرجهم طبعًا، غالبا بيساعدك تجاوب، يرجع تركيزك و يعلمك شيء جديد
بالنسبة لي عيبه الوحيد إنه ما كان يحل أسئلة بالكلاس، كان بس يشرح
كنت قبل المياجر أحضر كلاسات الدكتور عبدالكريم مكّي لأنه يحل أسئلة قديمة بالهبل
أنصحكم بالدكتور عبدالعزيز (هذا إذا لحقتم سكاشنه 
)، شرحه حلو بس يبيلك تعتمد على نفسك بحل الأسئلة، و تعال له بساعات المكتب، ما بيقصر
و الكويزات على إنه يجيب أسئلة تشبه أسئلة الريسيتيشن إلا إنه الآفرج ما كان مرة عالي، أذكر بالنورمالايزيشن نقصنا 0.4 بس
درسني 102
شرحه مو توب ولا سيء … يعتبر جيد وسلايداته هي الأفضل صراحة 
الدكتور متعاون وحبيب وكويزاته مو صعبة
102 ترم 152
لو لقيت أحمد سالم أو واثق البشير ( إذا كان يدرس الكورس ) رح عندهم
التحضير : يومي بداية الكلاس . تجي بعدها ليت
طريقة الشرح : سلايداته . ومشكلته ما يحل أولداقزام أبد بس أسئلته وأسئلة الريساتيشن
الكويزات : نص السمستر صار يجيبلنا كويزات نسخ لصق من الأولد إقزام ( ملف خاص يجمع منه حول 20 - 30 سؤال اولداقزام من 121 - 143 ) ويجيب لنا اياها مع تغيير الأرقام بس
المياجر:
الفاينلات :
القريد النهائي:
الصوت:واضح وجيد
إضافات : لا تخليه خيارك الأول . شخصيا اشوفه جيد بس الفيزيكس عندي مشكلة متأزمة معها :d
عموما الدكتور حبيب بس جدا ملتزم بالنظام من ناحية الغياب والتاخير وما يسمح لك تحضر الريستاشن مع سكشن ثاني
شرحه بالنسبة لي ما كان واضح لذيك الدرجة . يعني مقبول إلى جيد .
Phys 102 - T171
التحضير:
يحضرك بالكرسي اللي حدده لك بداية الترم (يتغير مع كل ميجر) على ملف باوربوينت.
يعطي late كثير، إذا بدأ يحضر ومر على كرسيك ومنت موجود فتاخذ late على طول.
يُفترض أنه يحسب كل 2 lates بغياب لكن الظاهر أنه يحذفها عنك في نهاية الترم.
طريقة الشرح:
يحب يكون الكل مركز معاه وما يتركك لا تستخدم الجوال ولا تنام ولا تذاكر لمادة ثانية ولا تسوي أي شيء وطريقته إذا شافك مو مركز يقوم يسألك سؤال بس يساعدك.
أسلوبه محترم جداً ويقولك ركز معي عشان تستفيد أنت. وللأمانة استفدت من تركيزي معاه كثير.
الكويزات:
4 كويزات فقط. 2 قبل الميجر الأول وواحد قبل الميجر الثاني وواحد قبل الفاينل.
أسئلته اختيارات ويجيب أسئلة زي الأولد اقزام تماماً.
في كل كويز يعطيك أربع أوراق: ورقة الأسئلة، ورقة التظليل، ورقة تحل عليها، والفورملا شييت.
أفرج شعبتنا في كل الكويزات كان تقريباً 3.7 من 10 وأترك لك حرية الحُكم . بس طبعاً هذا يفيدك في الـnormalization.
المياجر:
مشتركة
الفاينلات :
مشتركة
القريد النهائي:
A+
الصوت:
واضح جداً.
إضافات :
- تعامل الدكتور جبّار، ولأنه من القديمين فهو يعامل الطلاب زي أولاده تماماً.
- يسمح لك بالميك اب في الريسيتيشن بس يعطيك late.
طبعاً أنصح فيه وبقوة.
2 Likes
PHYS 102 - 192
التحضير : يخصص لكل طالب مقعد خاص فيه ، باخر المحاضرة يحضر بناء عليها فاذا شاف مقعدك فاضي ف انت غايب ، يغير مقاعد الطلاب بعد كل ميجر ، عنده ميكب وهو انك تحضر عند دكتور ثاني لكن لازم تكلمه اول شي ثم تروح تحضر وتجيب ورقة رسمية من الدكتور الثاني وتوديها له ، اذا شافك تستخدم جوالك يطردك من القاعة وعلى طول غايب
طريقة الشرح : عن طريق سلايداته الممتازة ، يشرح من سلايدات جديدة مكتوبة بخط يده ، ولكنها مشابهة للقديمة ، شرحه ككونسيبت جدا اسطوري يوصل لك المعلومة صح! ولكن من ناحية حل الامثلة شوي تعبان لانه يقراها ومايستخدم السبورة الا نادرا بالحل ، يستخدم السبورة عشان يكتب قوانين بس. اذا شافك سرحان يسألك عن نقطة واذا ماجاوبت يعيد شرحها لك ، يهمه فهم الطلاب للدرس.
الكويزات : تبدأ من الاسبوع الثالث ، عبارة عن سؤالين اختيارات ، لكل طالب كويز خاص فيه مختلف عن كل الطلاب الاخرين < اللي لاحظته ، صعوبتها مقاربة لصعوبة الاسئلة اللي يحلها بالريسايتيشن وافكارها مقاربة جدا بعد لذلك حلك لاسئلة الريسايتيشن بيخليك تضمن تجيب كامل ،، نظامه بتصحيح الكويز كالاتي : سؤالين كل واحد عليه 10 ، اذا جاوبت صح وظللت صح بتاخذ 10 بالسؤال ، اذا لا بتاخذ 3 حتى لو ماحليت شي ، تصحيحه فقط يعتمد عالاجابة النهائية.
الصوت : واضح جدا لانه يستخدم مايكروفون
اضافات : الدكتور له سياسة غريبة وعجيبة قد تكون مزعجة وقد تكون عادية ، نظامه بالريسايتيشن هو مع كل اسبوع يخصص 6 طلاب لحل 6 اسئلة مختلفة ، كل طالب يقوم عالسبورة يحل سؤاله مع الشرح ، الدكتور بيكون جالس ورا وكل شوي يعلق على طريقة كتابتك بالسبورة او تعويضك واستخدامك للقوانين ، او احيانا يعلق عن ذا لما تخلص حل ، كان شي مزعج لانه يضيع 10-15 دقيقة على سؤال واحد
في حال لا سمح الله صار سمستر 201 اونلاين:
طريقة التحضير هو تكتب الاي دي حقك بالشات بداية المحاضرة ، ضروري تكون مستمع له طول الوقت لانه مع كل كونسبت جديد بيسأل طالب وبيقعد يشرح معاه ، لانه مايحب يشرح لحاله يحس انه يتكلم مع جدران ، اذا مارديت غالبا على طول غايب او احيانا يعطيك فرصة ثانية بحيث يسألك بعدين
الريسايتيشن صار هو يشرحها ومع كل سؤال ينادي طالب يساعده بحل المسألة ، حتى لو مافاهم شي بتمشي امورك ومابيسوي لك شي ، اللهم بس يبي احد يتفاعل وياه بالحل
اما الشرح : تقريبا حبتين صار افضل من العادي ، لانه يستخدم القلم ويكتب قدامك ويرسم ويأشر مما يسهل عليك الفهم
بالنهاية حبيت اذكر انه اخلاق الدكتور من اروع واجمل ما مر علي ، يحرجك باخلاقه جدا جدا جميلة وتعامله ولا اروع الله يوفقه دنيا واخره
رغم كل شي ، ماندمت اني سجلت معه ، اذا انجبرت تسجل معه فلاتتردد ،،
1 Like
Phys102-T202 (عن بعد)
التحضير : اللي يخش المحاضرة في الزووم في أول 5 دقائق يتحضر تلقائي واللي يخش بعدها ولكن في أول 20 دقيقة يصير متأخر (كل 3 تأخيرات بغياب) واللي يخش بعد 20 دقيقة يصير غايب
طريقة الشرح : يشرح لنا من سلايدات خاصة فيه وشرحه يعني يحتاج أنك تكون محضر الدرس من قبل عشان تفهم كل شيء يقوله. والدكتور يتقبل الأسئلة ويجاوب عليها.
الكويزات : 6 كويزات وحذف لنا أسوأ واحد وكل كويز يكون 3 أسئلة ومتوسط الدرجات كان نازل 9/20 فرفعنا النورملايزيشين (طبعا كانت الكويزات غريبة، كان الكويز عبارة عن ملف وورد يرسله لنا بالإيميل وهذا الملف في الأسئلة وفيه فراغ تحت كل سؤال عشان تكتب فيه الجواب وبعدها تحفظ الملف وترسله للدكتور بالإيميل)
المياجر: موحدة
الفاينلات : موحدة
القريد النهائي: B
الصوت: واضح
إضافات : الدكتور من أجمل الدكاترة اللي مروا علي أخلاقا الله يحفظه ويوفقه. بس رغم ذلك أشوف أنه فيه دكاترة آخرين أفضل من ناحية الشرح. طريقة الدكتور في الشرح في الدراسة عن بعد هي أنه يختار واحد من الطلاب لكل جزئية من الدرس عشان يصير شرحه كأنه مناقشة بينه وبين الطالب (ما يحتاج أنك تكون مرة فاهم الجزئية لو اختارك للمناقشة لأن لو ما تعرف بيساعدك)