اخلاق
بس بخيل في القريدات
أوافق الأخ الكريم
بصراحة المدرس بطل …سو اللي يبغيه وجيب درجات طيبة في الاختبارين (اختيار من متعدد) … لا تتأخر وحسسه انك مجتهد ومهتم وابشر بقريد طيب 
واذا طلب منكم شي عليه بونص لا تفوته تراه يرفع قريدك
سكشنّا بعد ماعطانا درجات أول اختبار للفتنس وشاف درجاتنا مو عالية حيل … طلب مننا نكتب باراقراف عن احد المواضيع اللي اخذناها بخط يدنا وبيعطينا عليها بونص +5
للأسف ماسووه الا 4 طلاب أو 5 من أصل 18 تقريبا … انا من ناحيتي سويته والحمد لله حسيت انه كان السبب في ترفيع قريدي <<قريد ما اتوقعته لأني لاعب كرة قدم عادي ولست مثل بعض الناس تحسهم محترفين 
التحضير :
ماهو شديد في التحضير ويحضر في نهاية الكلاس اذا احد جا متأخر او شي ويقدر ظروف الطلاب .
طريقة الشرح :
المادة مافيه شرح لكن الي يسويه انه يعلم بداية الكلاس وش الي بتاخذه ثم يشوف الطلاب كيف يطبقون كلامه … غالبا قبل نهاية الكلاس بربع ساعة انت مخلص وماشي واذا عندك ظرف او شي يمشيك بدري .
الكويزات :
ما كان فيه الا كويز واحد وسهل جدا حتى وان كنت ساحب على المادة تبدع فيه .
القريد النهائي:
B+
الصوت:
واضح بالرغم انه شايب
إضافات :
محترم ومتعاون بشكل كبير لكن في القريدات يكونه في عدم انصاف مثلا انا ما كنت اعرف اسبح وسحبت على اختبار السباحة وعطاني B ولولا عندي غيابات كان خذت A بينما روميتي كان مبدع ودايما يمدح فيه ايدويل عطاه B مع انه ماغاب ولا غياب . لكن الي سمعته انه لاتغيب وحاول تخليه يحفظ خشتك و راح تاخذ احلى قريد
والله انه اخلاق
واشتغل معه و يعطيك حقك وزود
اذا ما عندك غيابات او غياباتك 2 او اقل اقل شي ممكن تاخذه
b+
حتى لو ما تشتغل
هو صحيح انه طيب , بس حسبي الله عليه ظلمني بقوة ! , اول كلاس قال لنا ( اللي يبغى a+ كل اللي يسويه انه يجيب 20 في الكويز وما يغيب ولا يوم )!
انا سويت اللي طلبه مني وكنت اسبح والعب كرة سلة , ولكنه في النهاية جيت وهو معطيني b رحت له وتناقشت معه وبعد ربع ساعه من الكلام زودني 4 وصارت b+ , وحسسني كمان انه متصدق علي بيها !!
والمشكلة فيه طلاب يغيبون عن الكلاسات بس يكتبون له الدرجات في الحاسب ومشبكين وضعهم معاه ومعطيهم a+ بالرغم من غياباتهم !
اخيرا , اذا تبي قريد حلو , العب مع فريقه اللي يلعب به كل كلاس مع سكاشن ثانية , والله يوفق الجميع .
اعطيه c
هالمدرس جدا جدا جدا طيب
واتفق مع كلام الأخوان بقوة
المدرس جدا جدا جدا ططييب … واخلاق …وكلا يبتسم ^^
بس بالقريدات !!
شى ثاني … واتوقع اني ماظبطته !!
وكان عندي غيابين يمكن او 3
واخذت c+ عنده
التقيم … c+ ^___^
1 Like
الخال هذاك مافي أحسن منه
حماسي ويعجبك في كل شي
التحضير اذكر كان يحضر اغلب الوقت
دارس عنده في الاوريا والكورسين في الجبل ماخذ فيها كلها a+ >> مجهود رياضي+تشبيك
الي بياخذ الكورس عنده لازم يبدع اول شي وثاني شي يشبك المدرس صح
بالتوفيق
سؤال : متى اخذت معه المادة اوريا ولا فرش ؟
التحضير : ينادي الأسماء بداية الكلاس - هو عادة يتأخر 5-10 دقايق عن الكلاس و أتوقع ما عنده مشكلة لو تأخرت شوي
طريقة الشرح : الهلث أند فتنس يجيب النوم شوي
الكويزات : لا بأس… يبيلها مذاكرة الصراحة خصوصا قسم الهلث أند فتنس
المياجر: -
الفاينلات : -
القريد النهائي: ودي أعطيه a+ لكن أخاف يخسف فيني بالجريد بعدين… لأني لاحظت كأنه شديد شوي بالأمور المتعلقة بالجريدز
الصوت: واضح جدًا
إضافات : الدكتور محترم جدا - لو تحاول تخليه يعرفك و ينتبه لك و تسولف معه عن الأرسنال بكون وضعك مية مية… بالعربي خلك فلة معه و طلع كل اللي عندك بالكلاس و إن شاء الله يضبطك بالجريد - غالبا ما ياخذ وقت الحصة الكامل و اذا شاف الجو ممطر يكنسل الكلاس
1 Like
ترم 151
كورس 101
التحضير : يوميا بالسيريال نمبر
طريقة الشرح : شرحه للكتاب شوي يجيب النوم
الكويزات : لازم تكون مطلع زيادة لأجل تجيب فل مارك
المياجر:
الفاينلات :
القريد النهائي:b+
الصوت: واضح
إضافات : بصراحة من ناحية اخلاق ممتاز , لكن مشكلته بالقريد قعيطي باختصار , لازم تشبكه لأجل a+ و اذا عطاك القريد النهائي ولا عجبك احشره لين يرفعك
انت بتستمع معه ولا ياخذ الليكتشر كامله لكن التشبيك ثم التشبيك ثم زيادة مجهود
1 Like
^^^^^
و لا تنسى الغياب لأنه ممكن تنزل قريد لأجل غياب او غيابين
1 Like
انا غبت كلاسين و ما نقصني ولا علامة ^
أذكر مرة قالنا بما معناه يعني اللي غاب غياب واحد ما عنده اي مشكلة… و اللي غاب كلاسين احتمال ما أسوي له ابجريد بس ما بنقصه
1 Like
151 - pe101
اتحضير : يحضر بالسيريال نمبر ويحضرك لو جيت متاخر
طريقة الشرح : الهيلث اند فيتنس كانت تجيب النوم لكن نهاية المحاضرات عطانا تحديد للكتاب الصغير وجت منه اسئلة الاختبار
القريد النهائي: أخذت a
إضافات : الدكتور اخلااق وطيب, لكن الدرجات ماش, انا ما عرفت للدكتور الا نهاية السمستر, الدكتور يبيك تشارك معه بالمنافسات بالدوري مثلا ويبي تشوفك تلعب مو مالك خلق تتمشى بالملعب
وغالبا الي ينزل الدرجات الغياب
اذا تبي تاخذ a+ كل الي عليك تشارك بالدوري حق الكورس ولا تغيب كثير
PE001-161
التحضير: يبتدي يحضر بعد 5 دقايق من بداية الكلاس بالسيريال نمبر ولو جيت متأخر يحضرك بس لاتمصخها
طريقة الشرح: يبتدي بإحماء بسيط لمدة 5 دقايق ، بعدها بشرح المهارة ويخلي الطلاب يطبقونها ويتابعهم أثناء التطبيق ثم يلعبون لمدة ربع ساعة ينهي الكلاس قبل 10 الى 15 دقيقة
الكويزات:كويز واحد نهاية السمستر لو تقرأ الكتاب وتركز في الكويز تاخذ فل مارك
المياجر:-
الفاينلات:-
الصوت: واضح جدا
إضافات: الدكتور طيب ومحترم ماقد شفته عصب مره ،
لكن في القريدات ماأنصف جميع الطلاب، عشان تاخذ ال+A لاتغيب أبدا ، حاول تخليه يحفظ خشتك سولف معاه عن رياضه ولاعبين أو حاول إنك تكون من لاعبين السكشن ، اذا ماكنت رياضي هو بيسوي بونص للطلاب اللي يحضروا الماتش بيزيدك قريد فحاول تحضره اذا كنت مهتم للقريد
القريد النهائي:A
1 Like
الدكتور حليو، نزل عنده
عنده بونص ويعطيك قريد حلو
PE102-182-Aerobics
التحضير : يحضر كل يوم وحتى لو تأخرت يحضرك
طريقة الشرح : المادة ما فيها شرح لكن أثناء دراسة الكتاب يخلي طالب يقرأ بصوت عالي ويعلق على كلام الكتاب
الكويزات : -
المياجر: -
الفاينلات : اختبار واحد سهل جدًا والكلاس اللي قبل الاختبار يراجع معنا بعض الأسئلة ويقول بتجيكم ف الاختبار يعني تقريبًا نص الأسئلة يعطينا اياها
القريد النهائي: A
الصوت: واضح جدًا
إضافات : الدكتور طيب جدًا أهم شي لا تغيب وخله يعرفك ، يستخدم الاكسل في تسجيل بيانات الاختبارات العملية لكنه ما يعرف له اكثر من مرة يضيع بياناتنا ، آخر أسبوع يقولك تعال ويعلمك قريدك ، في العادة يطلعنا بدري .
1 Like