السلام عليكم
يا شباب أحد عنده فكره عن الدبل ميجر يعني تخصصين
كيف الطريقه ؟؟؟
وش المطلوب؟؟؟
و…؟؟؟
Sorry
Double Major
أخطأت في التهجئه آسف
اللي اعرفه أن التخصصين يكون قريبين من بعض
يعني مثلا …
هندسة الكومبيوتر و علوم الحاسب
أو
الهندسة الكيميائية و الكيمياء
فما يكون التخصصين مختلفين مثل الرياضات و هندسة الطيران و الفضاء … وين هذا من هذاك ؟؟؟
و ثاني شئ …
لو مثلا اخذت ( دبل ميجر ) … هندسة كومبيوتر و علوم حاسب
فتأخذ مواد هندسة الكومبيوتر ---> شئ عادي
لكن كل المواد الاخيتارية … تكون من علوم الحاسب
ما ادري … هذا الكلام حسب معلوماتي
تكفون شباب علمونا عن هالموضوع… أنا أعرف أنه ف الجامعات الغربية والأمريكية الطالب يدرس تخصصين… الرئيسي أو الميجر Major والفرعي أو المينر Minor…
بس أنا أعرف واحد يدرس تخصصين مالهم علاقة ببعض… بزنس وجيتار (موسيقى)
السلام عليكم
والله الي اعرفه انا عن هذا الموضوع قليل لكن راح اقوله وانتوا تاكدوا
الي اعرفه عن دبل ميجر انك تاخذ اي تخصصين تحب تدرسهم سواء كان لهم علاقه ببعض او لا
لكن جرت العاده ان الشباب ياخذون تخصصين قريبين من بعض تسهيلا عليهم فقط وليست الزاما
والمثال التالي راح يبينلك الفكره
انا تخصصي هندسه كيميائيه وهي 133 ساعه منها 6 كورسات كيمياء (24ساعه)
وتخصص الكيمياء حوالي 127 ساعه
فلو اني حبيت اخذ الكيمياء كتخصص ثاني فهذي ال6 مواد راح تكون مشتركه في التخصصين وراح تنخصم من 127 ساعه يعني يبقى علي 103ساعه
بس لو كان تخصصي هندسه ميكانيكيه الي فيها كورس كيمياء واحد(4ساعات) واردت اني اخذ كيمياء كتخصص ثاني فانا مطالب اني ادرس ال5 كورسات الي درسوها الكيميكل يعني يبقى علي 127-4=123ساعه
ارجو اني وصلت لك المعلومع بدون تعقيد
أول شي مشكورين ع هالتواصل ف هالموضوع اللي أنا أشوفه مهم حقنا احنا الطلاب، خاصة أنه راح نتخرج بتخصصين…
أنا ما أعرف شلون نظام الدراسة بتخصصين… هل يعني لازم ندرس 133 + 103 = 236 ساعات علشان نحصل تخصصين؟ ف هالحالة ما راح يكون هناك تخصص فرعي والثاني رئيسي… لأنك انت استكملت جميع متطلبات التخرج…
أقصد… لو كان هناك تخصص فرعي يعني لازم أن تكون عدد الساعات اللي لازم تدرسها علشان تحصل هالتخصص بتخصص ثانوي أو فرعي أقل من الساعات اللي لازم تدرسها علشان تحصل عليه كتخصص رئيسي… باختصار… لما تدرس 103 ساعات يكون حاله نفس التخصص اللي انت تدرسه… يعني إثنيناتهم رئيسين… أما لو درست مثلا يعني 65 ساعة راح يكون تخصص فرعي…
فهمتون عليي شباب لولا؟
وهذا الي حاصل
اذا اردت تدرس هندسه كيميائيه(MAJOR) وعلم الكيمياء (MINOR) راح تدرس من الكيمياء فقط 52 ساعه زياده على الهندسه الكيميائيه الي هي 133 لانك راح تشيل مواد الفرش والمواد لمشتركه بينهم وهي كثيره في هذي الحاله
اما اذى راح تدرس مثلا فيزياء وكيمياء فراح يكون الفرش هو المشترك وكان واحد من الشباب ماخذ هالتخصصين وشيب بالجامعه لين ما تخرج حوالي اخذ 10 سنين
بيني وبينك الي اهله مريشين والله منعم عليه يكمل ولا يهمه لكن الي اهله وضعهم المادي صعب شوي فالله يعينه على الخمس ويوفقه
طيب… التخصص الـ minor مو شرط أن يكون بنفس الشهادة اللي تحصلها ف الـ major… يعني تحصل بكالريوس + دبلوم… أو شي كذا
اذا انت متحمس لهذي الدرجة حط حيلك في تخصص واحد وبعدين كمل دراسات عليا والله يوفق الي يستاهل التوفيق
تخصص واحد احسن
أخي الكريم
أولا : لازم يكون معدلك فوق3
ثانيا: لما تقدم الطلب لازم تكون خلصت 30ساعة (حتى يحكموا على المعدل)
ثالثا: قسمك لازم يوفق … مثال
الولهان تخصصه CHE إذا يبغى يدخل ME لازم يوافق CHE أولا ثم ME
رابعا: ندخل في مشكلة قرب التخصصين أو بعدهم وعليها يعتمد موافقة قسمك لأن فيه مواد مشتركة و فيه مواد ممكن تتعادل…نرجع للمثال:
بين الكيميائية و مواد الفريشمن + Engl +IAS+ ICS
و فيه مواد تتعادل يعني الميكانيكال ياخذو ME215 و بالتالي مايحتاج ME205
مادة fluidموجودة في التخصصين (تتعادل)
مادة CE201 موجودة في التخصصين (CHE و ليس ACHE)
و هكذا…
كل ما كان التخصص الثاني قريب من تخصصك ترتاح
لكن ما حتدخل في المسألة إلا بعد الشرط الأول (GPA 3)
على العموم الله يوفقك
أخي الولهان:
عذرا لأني دخلتك في الموضوع بس حبيت أوضح بالمثال.
أرجو قبول إعتذاري
استشارة
انا:
22
و
اجنبي
و
0.5
و
Freshman هادا الـSemister بس لسه معايا مواد في الاوريا !!!
و
ان شاء الله فوق 3
و
ناوي على Double Major
و
خايف ما يمشي !!
و
التخصصين :حددت واحد و التاني لسه
و
الاول : Physics
و
التاني : ؟؟؟؟؟؟
و
ما اقدر اتخصص CE CHE ME EE PETE AE
ايش تنصحوني ؟؟؟ ايش الاجراءات اللي لازم اسويها ؟؟؟
انا خايف ما تظبط !!!!
ساعدوني |5| |5| |5|
و شكرا
أخي 22boy
أولا الشروط السابقة لازمة عليك
ثانيا …أجنبي
إللي أعرفه إن الجامعه ما تسمح لك بدخول الهندسة لأنها فقط للسعوديين أو إللي امهاتهم سعوديات.
و معظم التخصصات إللي إخترتها هندسة.
و ما أدري إن كان (أصلا)يسمحوا للأجنبي بـDouble Major
و أنصحك روح مبنى 9 و اسأل ترى الأمر يستحق السؤال
و تعال هنا قلنا إيش ردوا عليك حتى تعم الفائدة
و شكرا
double major
الي يبغى ياخذ تخصصين لازم :
- المعدل 3 و فوق
- مو لازم يكون التخصصين متقاربين
- ان يكون مجموع الساعات للتخرج 152 ساعة
يعني مثلا انا ME و ابغا تخصص ثاني EE لازم اخذ 133 حقت ال ME ,و اخذ اقل شي 19 ساعة EE على الاقل … يصير المجموع 152
الاخ 22boy
انا انصحك اذا ما يمديك تدخل هندسه انك تاخذ جيوفيزكس
انا اخذت تدريب في شركة بترول و كان يبغون طلاب جيوفيزكس و رواتبهم حلوه
و الله الموفق
الدبل ميجر على أصوله
صباح (مساء) الورد يا شباب
أولا… وقبل كل شي… أحييكم على هالروح العالية… وخلوكم واثقين إن اللي يحط نفسه فوق… لازم بيرقى فوق بإذن الله
أما بالنسبه لموضوع الدبل ميجر… فاسمحو لي اعطيكم الخلاصة فيه… لأني أنا متخرج بدبل ميجر قبل سنه ونص…
أولا: زي ما قالو الشباب… الدبل ميجر يحتاج GPA عالي شوي… 3 أو أعلى… ولا يفكرون الأقسام في قبول طالب ما خلص الفريشمن…
ثانيا: الطالب اللي ناوي يسوي دبل ميجر… لازم يحضر خطه دراسيه تشمل مواد التخصصين… بحيث الشروط الجايه تنطبق عليها… ولازم ياخذ موافقة القسمين على هالخطه… طبعا ما يسويها لحاله… يعني يشوف له دكتور أو دكتورين يشاورهم ويعاونونه
ملحوظه: بالنسبه لعلوم الحاسب وهندسة الحاسب… الخطه موجوده وجاهزه والكليه موافقه عليها… واللي يبغاها يسأل السكرتاريه حقين الأقسام
ثالثا: عشان الدبل ميجر يصير مقبول… لازم الطالب ياخذ 28 ساعه على الأقل أكثر من التخصص اللي ساعاته أكثر بين الاثنين… 
يعني… لو التخصص الأول ساعاته 129… والثاني 132… لازم الطالب يا خذ على الأقل 132+28=160 ساعه
رابعا: عشان الخطه تصير مقبوله… لازم تشمل كل المواد المشتركه بين التخصصين… والمواد الخاصه بكل تخصص… والمواد الاختيارية لكل تخصص…
ولو المواد هذي ما تكفي تكمل عدد الساعات المطلوب… لازم يصير فيه مواد اختيارية زياده
خامسا: عند التخرج… الطالب بياخذ شهادتين بكالريوس… في كل تخصص شهادة… وكأنه أخذ كل واحد لحاله… يعني ما فيه major و minor.
سادسا: بالنسبه للطلاب غير السعوديين… الموضوع يبغى له دعم (!!!) شوي عشان ياخذون تخصصات هندسه… خاصة في السنين الأخيره…
سابعا: في أغلب الحالات… يصير أحسن للطالب إنه ياخذ تخصص واحد… ويخلي السنه أو السنتين الزياده تصير في الماجستير… بس هذا يعتمد على عوامل كثيره ثانيه… من أهمها هدف الطالب من الدبل ميجر (طبعا… الدبل ميجر لازم يصير له هدف… مهوب بس تضييع وقت وزيادة مواد)
أتمنى للجميع التوفيق والنجاح
الأخ
Pathfinder
أشكرك على المشاركة القيمة جدا…
وأنا شاكر لكم أكثر يا أخ The Collector… وكل الشباب المشرفين والمشاركين على هالجهود اللي تبذلونها والانجازات اللي سويتوها…
صحيح أنا ما عرفت المنتدى إلا متأخر… لكن تصدقون إني في اليومين اللي راحو قريت أغلب المواضيع اللي فيه من يوم انفتح…
شكرا مره ثانيه على جهودكم…
سمعت واحد يقول Minor
هذي معنى تخصص داخل تخصصك : يعني أنت تخصصك “علوم حاسب” وتاخذ مواد أختيارية من نفس التخصص مثلا المواد التالية Databases و Datawareshousing و DataMining … يكون عندك MINOR في الداتابيسز …
أو مثلا تخصصك هندسة حاسب ، بس تآخذ موادك الإختيارية في النيتووركينج مثلا أو في الديجيتال ديزاين بلا بلا زي كذا
وعند جهينة الخبر اليقين
يا شباب يرجى التركيز…
أنا سألت وتأكدت وهذي هي التفاصيل…
- الـGPA لازم يكون فوق الثلاثة.
- عدد الساعات التي أنهيتها في التخصص الأول فوق 70 ساعة
- الفرق في الساعات بين التخصصين لازم يكون 30 ساعة أو أقل. علما بأن المواد المشتركة كـالـIAS & ENGL & ICS & Freshman & PE … تحسب مرة واحدة فقط…
وبهذا لابد من كون التخصصين قريبين من بعض.
أخوكم …
مجهووووووول