قبل لا أبدا بنود التقييم… فيه شيء … ما لاحظتوا اسم الدكتور ؟؟
فيه حفلة … و بالتحديد … حفلة بعدين اسم قاندي بعدين حفلة ثانية … يعني شوف معي:
بالانتشامي قانديدسان
شفتوا الاسم كيف حفلة ؟؟
ما أخفيكم اني ما عرفت اقرأ اسمه الا نهاية السمستر … و كنت اسميه غاندي لأنه أسهل على لساني.
التحضير :
آخر الكلاس برقم الآيدي . ما ينسسسسسسسى ولا كلاس في العالم .
طريقة الشرح :
ابداع … ركز معاه في الكلاس و اسأله و خش فيه … أضمن لك فهم و تزبيد … يعطيك زبد عن المادة … يقولك الدرس هذا كذا يجي السؤال عنه في الميجر … في الميجر ما نعطيكم كذا … في الميجر راح نعطيك هذا و هذا … يعني زي كذا. أو يقول لك السكشن هذا ماهو مرة مهم لذلك راح أشرحه بسرعة … يعني افهم انه ما راح يجي في الميجر . و يعطيك هنت عن أغلب مسائل الهوموورك.
في الكلاس يقول ما أبغاك تكتب معاي … بس ركز.
الكويزات :
متوسطة … أعطانا خمس كويزات ياخذ أفضل 3 .
المياجر:
كومون.
الفاينلات :
كومون.
القريد النهائي:
B+
الصوت:
واضح جدا … مع آكسنت ابداع ما تلقاه الا عنده … من اختراعه .
إضافات :
1- يجلسك 51 دقيقة في الكلاس … ما يضيع دقيقة.
2- الآكسنت حقه رهييييييييب و أحيانا أضحك في الكلاس بسبب كلامه … مرة كنت مسخن و دايخ في الكلاس … الزبدة انه قال كلمة … و ضحكت عليها … تخيلوا ضحكت و أنا مسخن.
3-دكتور نفسيييييييييييية من أنفس ما خلق رب العالمين … بينه و بين الطلاب حجاب فولاذي سمكه 54 سم. الطالب عنده عبارة عن رقم آيدي فقط … أتكلم جد ترى … اقسم بالله لو أنك أدفر واحد أو أدشر واحد … ما يدري عنك .
4- يهزئك اذا سألته في الكلاس … يعني كم مرة اسأله أو يسألوه الشباب … يجاوبك و يهزئك … يعني يقول لا تضيع وقتي بأسئلة زي كذا … لو فكرت كان عرفت الاجابة … اقرأ الكتاب … هذي المعلومة أنا قلتها قبل .
5-يسمح بالتأخير لمدة خمس دقائق … بعدها يدخلك لكن تتهزأ أمام الملأ .
6- التصحيح بالملم … لو غيرت كلمة واحدة من التعريف … على طول -1.
7-دكتور نظامي جدا ما فيه تسامح أو تساهل.
8-دكتور شارب الثيرمو شرب.
9- ضحك 3 مرات في السمستر فقط.
اذا تبغى شرح خذ معاه … بس لازم تركز … و حط في بالك انك تاخذ حقك بالملم و مافيه تساهل أو تسامح.
إضافات : انا مدري وش نظامه في القريدات … بس الي فاجأني b عنده من 80 ل 85 … وال b+ من 86 ل 90 … والمشكله الأفرج حق ميجر1 12 من 20 ميجر2 13 من 20 … الفاينل 20 من 30 … والكويزات 4 من 10 … وعطاني ذا القريد … انصدمت … فكرت اقل شي b+ >>
التحضير : آخر الكلاس برقم الآيدي. مسموح لك بغيابين خلال السمستر (حقت المياجر)
طريقة الشرح : يشرح من نوتات كاتبها بخط يده قبل سبع سنوات (آخر مرة درس المادة) برأيي شرحه سيء جدا يقعد أغلب الوقت يشرح الدريفيشن ويعطي هنت على الهومورك ونادرا ما يحل مسائل
الكويزات : سهلة وشبية بأمثلة الكتاب أو الأسئلة الي يحلها
المياجر: كومون. لكن تصحيحه ظالم لأبعد الحدود واذا رحتله وناقشته اقل شيء تطلع ب 5 درجات (ولو انك تستحق اكثر لكن اذا صجيته يعطيك كم درجة) عنده سياسة ان الاجابة النهائية لازم صح ولا كل شيء سويته غلط
الفاينلات : كومون. الله أعلم عن التصحيح لكن أظن خف يده لأني طلعت بقريد كويس
القريد النهائي: b+
الصوت: واضح جدا لكن ما تفهم وش يقول ياكل حروف احيانا او يخترعله كلمات من راسه
إضافات : المدرس خلوق جدا ومتساعد لكن الشرح في وادي وهو في وادي أنا أغلب الدروس فهمتها من الهيلب سيشن حق عنتر (الأفضل من ناحية الشرح)
هذا الدكتور ما درسني لكني أخذت معاه السينير بروجكت (يعني جلست سنة كاملة كل يوم أقابله)
أول شي اسمه ما اعرف كيف انطقه لكن تجنبا للاحراج ممكن الواحد يناديه غاندي الدكتور ذا عايش إلى الان في فترة ما قبل الحرب العالمية الثانية من ناحية الملابس فملابسه غريبة عجيبة يلبس قميص ضييييييق و بنطلون واااااااااسع من تحت (باختصار كأنك تشوف فلم امريكي قديم) شعره في الاصل ابيض لكن هو يصيغ احيانا مما يودي انه الواحد ينهبل (يعني قوية اشوفك الخميس شعرك كله ابيض و اجي الاحد شعرك اسوووود مائل للكحلي) من ناحية التعامل فهو نفسبة يعني ايام اول ما ادخل له المكتب يستقبلني و يقوم يسلم و يتجاوب مع كل اسئلتي بس ممكن فجأة يطرطع من دون سبب و يطردني من مكتبه(طردني مرتين او ثلاثة بدون سبب) احيانا اجيه في الاوفيس اور يقولي روح ما ني فاضي لك و احيانا يشوفني في الممر يقولي ليش ما جيتني !! !! طبعا مكتبه ما تنظف من عام 1975 م و الدليل انك لو طالعت في الاوراق الي مرمية في الارض و الي تعيق المشي ممكن تلاقي هوموركات من ذاك التاريخ الدكتور اي ورقة استعملها في الجامعة راميها في المكتب باختصار هو قاعد في مزبلة مو مكتب و المفروض مدير الجامعة يمر و يشوف نظافة المكاتب او على الاقل التشيرمان ترى اتكلم جدا ما ادخل عنده لازم اعطس من الغبار
من ناحية فهم تخصصه فهو مفهي و ضايع و كم مرة اطلع له اخطاء سخيفة و يطرطع و يقول انه هذه اخطائي مع انها بخط يده و المصيبة الثانية انه لو ما يعرف الجواب يعطيك صاروخ اليم يخليك تبني عليه و في الاخر يطلع كلامه خطأ طبعا قبل نهاية السنة بكم يوم سألني عن اسمي (يعني لي سنة مل يوم اروح له و هو مايعرف اسمي )
من ناحية القريد و قياسا على فهاوة الدكتور اعتقد انه الدكتور عطاني قريد ممتاز
الدكتور يحضر كل يوم ولا مرة نسى يحضر
يشرح من نوتات هو كتبها قبل 100 سنة وخطه مو واضح
ميزته الاولى انه يحل مسائل وااااجد ويحل اسئلة الهومورك وهذا اللي فادني شخصيا ، لكن ككونسبت فشرحه صفر على الشمال
الميزة الثانية هي انه يلمح لبعض المسايل اللي تجي في المياجر
طبعا ترم 162قرروا يحطون كونسبت بروبلمز في المياجر (MCQ) وكانت صعبة جدا بالنسبة للسكاشن الثانية اما سكشنه فكان يحدد لنا المهم في يوم الميجر في الكلاس وغالبها تجي بالميجر
لا تحاول تساله لانك بتضيع وقت معاه ، انا ماادري هل هو مو فاهم او توصيله للمعلومة سيئ لكن ماراح تحصل جواب وافي كافي منه.
تصحيحه عادي جدا، لكن في اسئلة الديريفيشن في المياجر لا تتركها فاضية، ألّف واكتب انتجريشن ومعادلات … لانه يعطيك اكثر من نص الدرجة اذا شاف جهدك في مثل هذه الاسئلة لاني اعتقد انه مو متمكن بالدرفيشن
؟؟