ME 218: Introduction to ME Design (Lec) —— ME 301/307: Machine Design I (T232) —— ME 322: Manufacturing Processes (T241) —— ME 489: Finite Element Analysis in Mechanical Design (T222) —— ME 495: Undergraduate Research —— ME 577: Deformation, Fatigue and Fracture of Engineering Materials (T241) —— ME 582: Design for Manufacturing (T231)
Building 63 Room 104
usman.ali@kfupm.edu.sa
966-13-860 2725
-
Mechanical Engineering
Director of the Reverse Engineering and Rapid Prototyping Lab in the ME Department -Location: Bldg-1 Room-159
التحضير : بداية الترم كان يحضر عن طريق انه يفتح كويز نهاية المحاضرة الكويز ممكن يكون واحد من الكويزات المحددة خلال الترم وعليها وزن ٣-٥٪ او كويز تحضير جوابه بسيط. بحكم انه اول ترم للدكتور يدرس المادة ما كان مدقق على الحضور الى فترة المياجر لما صار يلاحظ ان الغايبين واجد و محضرين انفسهم بالكويز، فوقتها صار يقول للطلاب بالكلاس بفتح كويز تحضير ولا تعبونه اللي يعبيه غايب. وبعد فترة صار يوزع ورقة ويخلي الطلاب يكتبون اساميهم والايدي ويوقعون. نهاية الترم حط كويز تحضير بونص وكان السؤال هل انت طالب ساينس او ابلايد.
طريقة الشرح : يقرا سلايدات الكورس و يعطي قصص وتوضيحات بسيطة. احيانا يقول امثلة على بعض الاشياء ويجيبها بالكويز.
الكويزات : بترمنا كانت الكويزات كلها على البلاكبورد ( تغير بعدها) و كان مشدد على عدم الغش لكنه يساعد :).
المياجر: لا يوجد مياجر
الفاينلات : لا يوجد
القريد النهائي: A
الصوت: ضعيف شوي واللهجة احيانا غير مفهومة.
إضافات :
كما ذكرت كانت اول مره للدكتور يدرس الكورس واعتقد والله اعلم اول ترم حضوري بالكامل له بالجامعة، فكثير من الامور تغيرت خلال الترم وبالاترام اللي بعدها. الدكتور حبيب ومتعاون واللي بيده كله على بعضه من الكورس ٢٥٪ الباقي على اللاب. من ناحية قريدات بنهاية الترم كان افضل من مبين ( دكتورين كانوا يدرسون المحاضرة بذاك الترم).
جاءنا بالبرزنتيشن حقت اللاب كمقيم وكان غير مبالي ومو مركز ( على جواله) وسلك لنا بتعليقات بسيطة زي ان الخط بالسلايدات لازم يكون كبير وواضح وان الطالب لازم يلبس لبس متناسق يعني مثلا لابس ثوب لا تلبس معاه قبوع يا تلبس شماغ او بدون ولا تحطون اياديكم في جيوبكم، ما كان عنده اي تعليق على الشغل والمشروع نفسه على عكس مبين اللي كان يركز مع المجموعات الثانيه على الحسابات و الخ. وهذي طبيعة الدكتور عثمان باي كورس، اذا قدمت برزنتيشن بيركز على الامور التالية:-
Dress
Font size
Pictures size and clarity
References
Behavior during presentation
ما يدقق كثير على المضمون العلمي.
طبعا الدكتور كان يكرر من كويزات الresources حقت الدكاترة الثانيين و يزيد عليها من عنده من امثلته وغيرها. كان ذا الشيء يميزه عن مبين لان مبين كان اغلب الوقت يكرر نفس كويزاته وبالتالي الطلاب قريبين جدا من بعض بالدرجات. لكن بعد كذا صار فيه اولد كويز للدكتور و صار ما يباعد الباقين ممكن يغير لكن مو واجد.
من ناحية تعامل الدكتور، فهو يحب يذب ويطقطق كثير وبعض الاحيان يستلم ناس معينيين لنهاية الترم ولكنه حبيب جدا.
بشكل عام انصح بالدكتور بالكورس هذا وخاصة ان الكورس 2 credit والدكتور مو معقد الكورس او مخلي جو الكلاس متشنج.
التحضير : ماحضر ولا مره طول السمستر ولكن كان حافظنا لان عددنا ١٢ الماده اول مره تنزل وكان اللي يغيب يقوله بمزح وين كنت ومن ذا للكلام
طريقة الشرح : من سلايداته والماده سهله لو تقراها بنفسك بتفهم
الكويزات : كويزين قبل الميد وكويزين قبل الفاينل بلاكبورد
المياجر: ميد وكان سهل mcq and t/f
الفاينلات : الفاينل متوسط نفس الميد بس زود اساله كونسبت ريتن
القريد النهائي: A
الصوت: واضح
إضافات :
الماده فيها بروجيكت ولابات لكن بما انه اول ترم للماده كان متساهل معنا مره واغلبنا طلع بقريد ممتاز والدكتور معروف انه حبيب ومو شادها
أحيانًا التحضير بس نظرة عامة على الطلاب، أو يحضر عشان ياخذ فكرة عامة عنهم، ما يشدد فيه واجد، بس أحيانًا يستخدمه كحجة لو عطاك قريد أقل من اللي كنت متوقعه.
طريقة الشرح:
أغلب الوقت يسولف ويتكلم عن خبراته وتجارب صارت له، أكثر من إنه يشرح زين. مرات يقول كلام مو دقيق، وإذا حاولت توضّح له أو تصلح، ما يحب أحد يعترض عليه.
الكويزات:
كويزاته أكثرها أونلاين، بعضها سهل وتمشي، وبعضها صعب ويبغاله تركيز. أحيانًا يسوي كويز حضوري جماعي تصير معقدة، ومرات فردية. يعطي وقت كافي للحل، بس نادر أحد يطلع فل مارك.
المياجر:
تصحيحه عادي، لا متشدد ولا متساهل، بس وقت الميجر يلف على الطلاب، يساعد بعضهم والبعض لا، حسب الجو أو موقفه منك.
الدكتور يعطيك انطباع بالبداية إنه خفيف دم وما يهتم بالأنظمة، بس بعدين يبين إنه يشيل بسرعة، وتلاحظ من تصرفاته إنه يفضل ناس على ناس. حتى لو ما كنت متضرر منه، أسلوبه وتعامله ما تحس إنه أسلوب دكتور جامعي.
أسوأ نقطة فيه القريدات. دايم يعطي طالب واحد A+، وواحد أو اثنين A (على حسب نظرته لهم)، والباقي يتوزعون بين B وC+. يعني لو تبي تضمن قريد حلو، صعبة شوي معه.
بشكل عام، لو تبي شرح مضبوط خذ البن موسى، ولو همّك الدرجات خذ الشغري، وبـ322 خذ سهيل أو عبدالصمد، أريح لك.
وإذا شفت اسمه منزل مادة إلكتف غير 408، نصيحة خالصة: خذ غيره ووفّر على نفسك.
التحضير:
بداية الترم كان يقول ما بيتشدد على الحضور اذا وافقنا نغير موعد الكلاس، بس بعد ما ما قدر يغيّر وقت الكلاس، صار يدقق بالحضور كأنه يعاقبنا.
طريقة الشرح:
شرحه بالبداية كان مقبول وواضح إلى حدٍّ ما، لكن بعد الميد قل اهتمامه بالشرح وصار يشرح بسرعة وكأنه بس يبي يخلّص.
المياجر:
الميد الأول فاجأنا بأسئلة صعبة وشاطحة بعيدة عن اللي بالشرح. والتصحيح ما كان واضح، تحس يعتمد على مزاجه أو نظرته للطلاب.
البروجكت:
يتشرط واجد ويتصيد على أتفه التفاصيل. واحد من الشباب عبّى له السلايدات بكل نقطة تخطر بالبال، وبرضه انتقده على طريقة العرض، والباقين خصم عليهم لأسباب مشابهة. حتى اللبس صار عليه خصم! لابس ثوب وكاب؟ خصم. القبوع على ورا؟ خصم زيادة.
الفاينل:
كان صعب جدًا ومليان أسئلة من زوايا ما ركز عليها أبد أثناء الشرح.
القريد النهائي:
آخر يوم نزل القريدات بالبورتال مباشرة بدون ما يوضح الدرجات أو توزيعها، طالب واحد +A وواحد A والباقي توزع على B+ و B و C+ و طالب C .
الصوت:
صوته احيان مو واضح، و أسلوبه فيه نبرة استعلاء، كأنه متضايق من الطلاب.
القريد النهائي: D
إضافات:
في أول الترم حاول الدكتور يغيّر وقت المحاضرة إلى الاثنين والأربعاء بالليل، عشان تكون محاضراته متواصلة وتناسب جدوله، لأنه عنده محاضرة ماستر بالليل بعدها. جمعنا وقال لنا نوقع على ورقة التغيير، ووعدنا إنه ما راح يدقق بالحضور وبيتساهل بالدرجات لكن “بالسر” بدون ما يدري القسم. بعض الشباب رفضوا يوقّعون، فصار يحاول معهم واحد واحد يقنعهم، لكن بالنهاية ما قدر يغيّر الوقت. من وقتها حسّينا إنه زعل، وبعدها فعلاً تغيّر تعامله وصار يدور الأخطاء على الكلاس كامل.
بصراحة، التجربة معه سيئة، وتحس الدكتور يشيل بسرعة إذا ما مشى الشي على مزاجه.
