مقابلة ارامكو Drilling and workover

[user8581 (شدعوه)]

وعليكم السلام

@naheeb

انا سويت المقابلة مع drilling and workover

اشوف المقابلة كانت عادية…ليست مميزة وليست سيئة بالنسبة لي…
كانت الأسئلة: عرف عن نفسك، شكان مشروع التخرج ووش دورك فيه ، التدريب ،وش تعرف عن الدريلينغ، عادي تشتغل في ريموت أريا بشكل دائم؟!

بالنسبة لطريقة دعوتي للمقابلة كانت بالإيميل…سويت المقابلة يوم 25 june

ما أدري شكانت الأقسام الموجودة، بس كان اليوم التوظيفي مخصص للريموت أريا

الرد قال لي بيكون إن شاء الله خلال اسبوعين…

@PE_Engineer

وعليكم السلام ورحمة الله

المسمى اللي عطوك اياه للمناطق النائية.

دوامك بيكون اسبوعين (12 ساعة في اليوم) واجازة اسبوع. كل المواصلات على ارامكو من سيارات الى طيارات.

الراتب ممتاز خاصة للي توه بيبدأ حياته ويكون نفسه. اللي تستلمه تقريبا ضعف اللي يستلمه المهندس في المكتب. عبارة عن راتب اساسي مع البدلات والاوفر تايم.

مقابلتي كانت عامة لابعد درجة ممكنة بس انا كان عندي خبرة من بيكر هيوز فما اعرف اذا في شباب انسألوا عن التخصص او لا لاني ما انسألت وبالنسبة لي كانت المقابلة سريعة جدا. بس اللي اعرفه عن ارامكو من المواضيع الثانية انها ما تتعمق كثير في التخصص. يعني اكثرها اسئلة عامة.

نصيحتي لك. اهم شي اذا سألوك عندك مانع تداوم في مناطق نائية ودوام اسبوعين باسبوع سمعهم الرد اللي يبونه حتى لو ما كانت رغبتك. انت ادخل ارامكو وبعدين يصير خير في التغيير. غير هذا اي شي موجود في السي ع¤ي تأكد انك عارفه وفاهمه وتقدر تتكلم عنه لان في احتمال كبير تنسأل عليه.

اذا تتحمل شغل الفيلد فهذي الوظيفة ممتازة. بتتعلم فيها كثير واذا كنت جاد تقدر تطور نفسك بسرعة.

غير كذا بالتوفيق والله يكتب لك الصالح.

@PNGE

راح تكون الأسئلة في تخصصك. اتوقع انو يسال عن الكورسات اللي اخذتها وبعدين يدخلو في تفاصيلها. طبعا السي في حقك راح يسالو اتوقع عن اغلب الأشياء اللي فيه. اذا معدلك منخفض راح يسألوك ليش منخفض(يشوفو كيف تكون ردة فعلك والسبب طبعا). اكيد راح يسألوك اذا تعرف شي عن الديبرتمن والحفر وهل عندك استعداد تكون في الفيلد (اذا كان البوزشن كومباني مان)

كل هذا طبعا من واقع اكثر من مقابلة مع ارامكو لكن أقسام اخرى. كلهم سالوني الأسئلة اللي في الأعلى.

نصيحتي لك خلك جاهز والمعلومات العامة في تخصصك راجعها وخليك واثق لان المقابلة استرسال كلام والفكرة انك تطلع لأنك بافضل شكل.

بالتوفيق والله يكتبلك اللي فيه الخير.

@jarir

المقابلة كانت كالتالي:

أول شيء قال لي قدم نفسك وتحدث عن نفسك من أيام الثنوي الى نهاية الجامعة …
وبعدين سألني عن التدريب الصيفي
وسألني عن الدبل ميجر (أنا دبل ميجر هندسة ميكانيكية وفيزياء)
ما سألني أي شي بخصوص المواد ولا أي شي عن المشاريع (بس انتبه … ممكن جدا يسألك عن مشروع التخرج)

السؤال اللي ركزوا عليه وبشدة وأخذ معضم وقت المقابلة هو: هل انت مستعد انك تعمل في ال field لمدة 12 ساعة يوميا ؟؟ هل بتتحمل بيئة العمل ؟؟
تقريبا هذا أهم جزء في المقابلة … لأن طبيعة العمل حتكون في منطقة نائية

بالتوفيق

تجميع لتجارب الأعضاء في المقابلات مع أرامكو