السلام عليكم
أخواني اليوم حاولت أدخل موقع google من داخل شبكة الجامعة فوجدت أنه يحولني على طول الى موقع الـ Yahoo
حتى لو أدخل بعد على موقع Google السعودية www.google.com.sa اشوفه بعد يحولني على الياهو
ما أدري وش السالفة
هل قفلوا موقع Google داخل شبكة الجامعة
واذا قفلوه ليش سووا كذا واذا ما قفلوه ليش يصير الي انا كذا
تحياتي لكم
الشاب الحر
خارجيا , القوقل شغال 100%
داخل الجامعه, ما ادري وخلنا نشوف الشباب وش يقولون
السلام عليكم
أنا داخل الجامعه و شغال الموقع
الموقع شغال من داخل الجامعة ومن الرابط اللي وضعته ياأخ الشباب الحر
أول حاجة شك في الوندوز أكسبلورر، لأنه ياعليه حركات نص كم للـلييييييييييل…
جرب الفاير فوكس معاه، أو تأكد انه مافي (أدوير) أو (سبايوير) مقربع لك الإكسبلورر…
اذا المشكلة في الثعلوب كمان، يعني المشكلة من من البراوزر، ممكن تكون حاجة ثانية أو من مزود الخدمة أو… الخ :)…
السلام عليكم
شكراً أخواني على الرد
الموقع رجع مرة ثانية بس البارح صدوقني وقت ما كنت حاط هالمشاركة كان يصير لي كذا
المهم الحمد الله انهم ما قفلوه
تحياتي
الشاب الحر
الفاير فوكس مفقع … ركبته و يوم ابغى اشغله يطلب اليوزر نيم و الباسوورد و اعطيه المعلومات و كل ثانيه يطلب مني نفس الشغله … بالنهايه حذفته بدون رجعه و ركبت موزيلا 1.7.3 وطلع خطططططير لكن فيه مشكله بعرض المواقع اللي فيها جافا سكريبت
دكتور
يا أنك منت عارف تستخدمه، يا في مشكلة…
ان كان فيه مشكلة Report it
وسيتم حلها في الإصدار القادم…
لك التحية
نعم اوافقك بالرأي في هذه المشكلة
وحتى اني قلت بالعب عليه ودخلت من رابط
http://www.google.ae
ومشت معي اول مرة …بس الثانية ما مشت
ما ادري وش السبب…لا يكونون بيحجبون الموقع مع بقية المواقع 