لا يفوتكم يا عيال في ال307 و 308
152 - me307
متمكن جدا من مواد الديزاين…يعجبني انه يربط كل درس بالواقع ويعامل الطلاب كمهندسين وليس كطلاب يلقنهم الدرس تلقين…
بالنسبة للشرح…اشوف شرحه 10/10… + سلايداته كانت بالنسبة لي تغني عن الكتاب في المذاكرة لكل التشباتر…ويحط في سلايداته الامثلة المهمه بس…
دائما يحل الاسئلة المماثلة لأسئلة المياجر…ومن افضل المدرسين اللي مروا علي في حل الاسئلة…بس مايحل اسئلة كثير…يحل لك مثال شامل ولا مثالين ويروح ع اللي بعده…
التصحيييييح…في التصحيح جدا ممتاز يزيدك ماينقصك ويصحح عالفهم مو عالرقم…المياجر والفاينل عطاني اكثر من اللي توقعته…
الدكتور خلا الماده امتع واسهل مع انه تدور الاساطير حولها من طلاب الميكانكل وحتى هو قال ذا الكلام بداية السمستر…انصحك فيه بمواد الديزاين ولو نزل 308 كان عنده بدون تردد…
في النهاية كان شفاف مع الطلاب ورسل درجات الفاينل وحط فرصة للمراجعه قبل القريد عكس المدرسين اللي ماتسمع منه ابد…عالبورررتل ياوحششش
بالتوفيق للكل…
1 Like
ME 307 - 161
التحضير :
يوميا , أول الكلاس أو اخره و بعض الأحيان ما يلحق. قال كل غياب محسوب بس اخر الترم حذفلنا غيابين.
طريقة الشرح :
ممتازة للكونسبت بس ما يحل مسائل كثير وممكن تشوف هذا الشي كعيب فالشرح ولكن كل دكتور و طريقته. عموما لازم تتدرب و تحل بنفسك لو انت منزل معاه لأن الدكتور قليل يحل مسائل ممكن مسألتين او ثلاث لكل تشابتر.
الكويزات :
سهلة جدا ما فيها شي صعب و اختبرنا في 161 كوزيين اونلاين لضيق الوقت , اخذ افضل 3 من 5 .
المياجر:
كومن , ترم 161 كانت مائلة للصعوبة
الفاينلات :
كومن , فاينل 161 كان اسهل بكثير من المياجر , سؤال واحد كان فيه ترك وكان ابسط شي فالماتيريال.
القريد النهائي:
A+
الصوت:
واضح جدا
إضافات :
الدكتور شرحه ممتاز و خصوصا لجزئية الكونسبت و الديزاين. تصحيحه تاخذ حقك و ما يظلمك بس بعض الأحيان يصحح بسرعه فأنصحك تراجعه. اعطاني قريد اكثر من المتوقع و ما قصر معنا. الدكتور انصح به متعاون وشرحه ممتاز خصوصا للي يحب الديزاين.
1 Like
ME411- Term 161
المادة ما كان فيها شيء بس يقلب في السلايدات ويعلق على بعض الاشياء لكن طريقته في الشرح عجبتني كثير والكلاس كان جدا ممتع وكنت أتحمس للحضور
دكتور باين عليه ممتاز في الشرح
1 Like
ME 307 - 162
شرحه حلو لكن كان يتعمق كثير بالثيوري فعشان كذا انا وكم واحد بالكلاس كنا نشوف كلاسه ممل…يعطي هيلب سيشن كثيره بالترم، احضرها لانها مفيدة… لاتنام ولاتحل هوموورك ولا تقعد على جوالك بكلاسه لأنه بيهزئك
كان يقول ان الحضور عنده مايهمه وأكثر من نص الكلاسات ماحضر فيها آخر شيء خصم على كل غياب نص درجة بدون مايحذف واحد منهم…
التصحيح جباااااار … إذا كنت تتوقع انك تجيب بالميجر 50، إعرف انه بيعطيك 80 … كويزاته كلها أون لاين فريحنا بهالشيء
البروجكت تقريباً الكل 9/10 وما فوق مايعطي أقل.
1 Like
تحديث: قبل شوي نزل القريدات، أقسم بالله ماقد شفت افضل منه من ناحية الكرم بالقريدات !
عطاني قريد فوق اللي توقعته بكثييير ! ملك القريدات بإختصار !
واحد مجموعه 69.6 وأخذ B مستوعبين أنتم ؟؟ الأفرح كان 69.5 … يعني تقريباً عالأفرج !
أعطى لكل واحد بالكلاس بونص في القريد … الله يسعده مثل ما فرحني
1 Like
ME414 - 162
هو اللي كان ماسك ذا الكورس
فللللللللللللللللله وضحك الكلاس…تستفيد كثير منه كمهندس
القهر كان في يده 20/100 بس من درجات الكورس ف مايأثر كثير…ياليت يرفعوها شوي عالاقل 40/100 وال60 الباقي عالبروجكت
بالتوفيق للكل…
1 Like
TERM 171 ME307
التحضير : كل الكلاسات يحضرك عن طريق البلاكبورد (اونلاين) ، ما يدقق بالتأخير بس لا تفلها مره
طريقة الشرح : يشرح سلايدات وبعض الاحيان يحل مسائل + فيه هيلب سشن
الكويزات : 5 كويزات في السمستر متوسطة الصعوبة
المياجر: كومون
الفاينلات :كومون
القريد النهائي: A+
الصوت:ممتاز
إضافات : الدكتور متساهل وخلوق جدا ويحاول يقدم اللي يقدر عليه + اتوقع انه ما حيدرس 307 بعد ذا السمستر
1 Like
172 - ME475
هاذي ثالث مره اكتب تقييم للدكتور جعفر وللحين انصح فيه في مواد الديزاين ME307 or ME308…الديزاين مجاله وفاهم كثير فيه ف راح تستفيد منه…والدكتور شريح
بالنسبه للME475…هو اول مره ينزلها وهي قريبه جدا من الME307 بس تاخذ الاشياء بتعمق…تتعمق في الfatigue وال fracture والmulti axial stresses
بس شفت انه افضل في ال307…هناك كان شرحه والسلايدات مرتبه اكثر وشامله…في ذي الماده يتعمق اكثر في الموضوع ويبدا يشرح ويتكلم عن اشياء لgraduates وباحثين…مع انه الكورس مصمم لطلاب بكالوريوس…ف عشان كذا اللي ماله في موضوع الmaterials يطفش من الكلاس ويسهى
الماده وزعها كذا
15% واجبات
15% كوزات
15%بروجكت
20% مدترم
35% فاينل
المدترم كان متوسط الصعوبه…الفاينل كان سهل جدا…الدكتور تصحيحه حلو ومايصحح ع الفاينل انسر بس…
البروجكت يعطي الطلاب بروجكتات هو اشتغل عليها من قبل…ويقول لكم وش تسوون بالضبط بالخطوات…البروجكت يحتاج ماتلاب ولا انسس…عطا كل الطلاب شي درجات حلوه في البروجكت
نجي للشي اللي زعل الطلاب ذا السمستر…القريدااااااااات 
بسبب توزيع الماده وتساهل الدكتور في البروجكت والتصحيح العسل الافرج كان نار ياحبيبي نار…واللي بدوره ادى الى توزيع قريدات مجحف…الدكتور خلاها ستاندرد 80=B)) والكل اخذ قريد اقل من اللي توقعه بكثير…خاصه انه كان كاتب في السلبس توزيع قريدات محتتترم جدا ال80 كانت A
اضافات:
الدكتور جعفر يعتبر workaholic…والقسم يعتمد عليه في اشياء كثييره…الكواب (في الصيف جا سير ع الطلاب ب اماكن شغلهم في الظهران الدمام الجبيل الرياض جده )) والسينير بروجكت غير اللابات والبروجكتات اللي عنده…مع شغله ذا اتوقع انه راح يمسك منصب كبير في الجامعه في المستقبل…
نزل معاه ME307 وانت مغمض…بالنسبه للالكتف ME475 م انصح معاه الا اذا انت مهتم بالديزاين والاشياء اللي كتبت فوق…ولا اذا الدكتور غير نظامه مع الوقت لانه اول مره نزلها ب172…غير كذا ما انصح ماتسوى تتعب واخر شي ماتحصل قريد بماده الكتف
الدكتور خلوق جدا ومايقصر مع الطلاب…شكرا له
مابغينا نتخرج 
…Peace
2 Likes
307- term171
التحضير : التحضير يكون يومي وعن طريق البلاك بورد.
طريقة الشرح : شرحه ممتاااااااااز +قدرة هائلة على توصيل المعلومة بشكل بسيط . يشرح الكونسبت بالتفصيل(يركز ع الكونسبت دائما) و يستخدام السلايدات + السبورة لتوضيح . يشرح الامثلة على السلايدات والسبوره ايضا ولكن بشكل سريع . دائما يذكر اخطاء الطلاب بالمياجر+ قبل المياجر يسوي هيلب سيشن ويحضر بعض الاسئلة الشااااملة وتكون كافية انك تحلها وتكون جاهز للميجر (طبعا بافتراض انك مذاكر الهومورك والامثلة ) (غالبا تكون اولد اكزام )
الكويزات : متوسطة مائلة الى السهولة .
المياجر: common
الفاينلات : common
التصحيح : ممتاز ، فوق حقك حبتين ، اذا عندك خطا ببداية السوال يخصم عليه فقط ، والباقي يمشي معاك بدون خصم طبعا اذا خطواتك صحيحه . افضل مدرس شفته بالجامعة في قراءة فكر الطالب بالاختبار . يعرف ليش اخطيت او ايش كنت تفكر فيه لما كنت تحل السوال بالاختبار ( هذي المعلومة سمعتها من اصدقاء لي )
القريد النهائي: A+ و بكل جدارة
الصوت: واضح ومسموع
إضافات : مدرس حبيب ومتساعد ويعامل طلابه ك مهندسين . ذباته حلوه ، ينشبلك على الجوال (ماعنده مشكلة ينشبلك طول الكلاس ويترك الدرس ). بالنسبة للقريدات على كلامه انه يخلي الافرج اعلى السي بلص (٢.٧٥ ) .
ملاحظة:
يضل هذا التقييم وجهة نظر شخصية وقابلة للاختلاف .
1 Like
ME201-Term 192
نص حضوري ونص عن بعد
التحضير :
بالنسبة للحضوري كان يحضر بالاسماء نهاية الكلاس ويطلع لك التحضير بالبلاكبورد بعدها يوم صارعن بعد اول ما تخش زووم وتكتب اسمك والايدي حقك في الشات
طريقة الشرح :
يشرح من سلايدات وكان شرحة جدا ممتاز وجدا متمكن ماشاء الله واسلوبه جميل في الشرح
الكويزات :
طبعا ماعطانا الا كويزين بس وقت الحضوري وكانت صعبة نوعاَ ما وهو اصلا قال لنا بداية السمستر انا كويزاتي صعبة عشان اجهزكم للمياجر
المياجر: كومون وطبعا ماخذنا الا ميجر واحد فقط وهو اللي صححه وكان تصحيحه ممتاز جدا وتاخذ حقك وزود
الفاينلات :كومون
القريد النهائي: A
الصوت:ممتاز
إضافات :الدكتور محترم جدا واسلوبه حلو, الرجال جدا متمكن في المادة ويحببك فيها ,طبعا انا سحبت عالمادة من بعد الميجر الاول فبالنسبة للقريدات انا خذتها NP/NF ومدري صراحة عن اللي خذوا IC وهل الدكتور ساعدهم ولا لا
ME307 - 201
أونلاين بالكامل
التحضير: وسط الكلاس أو آخره على حسب مزاجه، يخليك تفتح كاميرا وتقول اسمك.
الشرح: آه يا شرحه أول مرة أنتشي من شرح دكتور. لا يفوتكم باختصار أحد أروع الدكاترة اللي درسوني شرحًا، وممكن يكون أروعهم! يربط المفاهيم مع واقع الحياة قد ما يقدر ويتكلم عن الشركات عندنا. للأمانة تحسّفت أني ما كنت أركز بشرحه ذاك التركيز. ويشرح من سلايداته وهي جيدة نوعًا ما بالمناسبة.
الكويزات: عطانا 5، متوسطة تقريبًا وما أذكر حذف ولا لا للأسف ذاكرتي تعبانة. لكنه بالأول والأخير على حسب آفرجكم إذا عالي بيحذف وإذا نازل بيخليه
المياجر: كومن. تصحيحه حقّاني وبتاخذ حقك وممكن فوق حقك بشوي.
القريد النهائي: A+ … نزل عنده إذا حصلته على طول
إضافات: الدكتور جدًا طيب ومتساعد وكان يأجل لنا كويزات على التصويت ويراعي ظروفنا، حضرت له مرتين أظن بالساعات المكتبية أسأله عن البروجكت وما قصر شرح لي شرح محترم مع أني كنت لحالي. الله يجزاه خير نعم الدكتور فعلًا