يا شباب انا جاني عرض من شركة kbr على مسمى وظيفي Associate Technical Professional. بغيت استفسر عن الموضوع كالتالي واللي عنده اي معلومة او متوظف في الشركة ياليت مايقصر بكون شاكر ومقدر.
1- هل هذا المسمى للمهندسين؟ علما بأني طالب هندسة ميكانيكية حديث تخرج.
2- العرض اللي جاني على راتب تقريبا 5500 ريال وقالوا لي ان بعد 6 اشهر فترة تجربة راح يكون فيه زيادة في الراتب الى 10 آلاف وشوي على حسب تقييمك خلال هالفترة. هل اللي توظفوا كحديثين تخرج جاهم نفس العرض؟
3-بالنسبة للمهام والشغل هل الشركة تعطي مهام وتكرف الموظف وهل فيه فائدة لحديثين التخرج؟ صراحة هذا اللي انا مهتم فيه عشان أتعلم اكثر واتطور مستقبلا.
في البداية قريت الموضوع وما حبيت اجاوب عشان ما اعطيك معلومات غير دقيقة بحكم اني ما كنت موظف في KBR لكن اشتغلت معهم عن قرب لمدة طويلة
الشركة هي وحدة من شركات GES+ المتعاقدة مع ارامكو لتقديم خدمات التصميم الهندسي مثلها مثل جيكوب زيت و ورلي وسيلفي وغيرها من الشركات الهندسية.
الشركة خبرتها قوية رغم انها ليست الأفضل بين المنافسين ولكن تعتبر من الشركات الهندسية الكبيرة في مجال النفط والغاز. و الخبرة اللي بتاخذها ممتازة خاصة لو كانت رغبتك تشتغل في مجال النفط والغاز.
بخصوص الراتب الصدق انا اشوف 5500 مجحفة لكن احسن من جلسة البيت, لكن لو عطوك 10000مضمونة بعد توفيق الله بعد 6 شهور فتعتبر فرصة جيدة.
حسب ما كنت اسمع انه يعيب الشركة الضغط في العمل و التدقيق على موضوع ساعات العمل والتايم شيت, برضو الامان الوظيفي بحيث لو جتهم فترة ركود وما فازوا بمشاريع كفاية ممكن يقولك اجلس في البيت بدون راتب حتى نتصل عليك. لكن نقطة مهمة انت حاول تكون دايم قريب من الكلاينت وتساعده وتحل المشاكل معه ولو الكلاينت اعتمد عليك وحبوا شغلك الشركة ما راح تفرط فيك.