السلام عليكم
بالنسبة للتوفل يا شباب فهو 4 أقسام زي ما قال The lion013
وجهة نظري بالنسبة للاقسام حسب تجربتي :
1- READING
اشوف انه في مافيه شي جديد متعودين عالريدنق من الاوريا … أول ما تجيك القطعة حتظهر لحالها بدون اسئلة … بسرعة انزل تحت لأخرها بعدين بيسير يمديك تضغط على next ويطلعلك أول سؤال … اقرأ السؤال بسرعة غالبا بيقلك في البراقراف الفلاني تروح تقرا البراقراف بفهم وبسرعة … لاحظ قلت بفهم بحيث تقراه مرة وحدة عشان لا تضطر ترجع مرة ثانية وتضيع وقت … بيجيك اخر كل قطعة سؤال يبغاك ترتب الفقرات بحيث في النهاية يطلع تلخيص وهذا السؤال يحتاج انك تكون فاهم
2- LISTENING
اذا عندك مهارة كتابة النوت والتركيز مع الفهم في نفس الوقت جميل جدا استغلها وأي معلومة مهمة اكتبها على شكل كلمات فقط مو جمل ! … اذا والله حسيت انك لو اخذت نوت بتفقد تركيزك لا … هنا ستوب!! سيب النوت وركككككز وافهممم مزبوط الا اذا شي حسيته مرة مهم سريع سريع اكتبه.
رأيي القسمين الاولى هذي مافيها صعوبة مقارنة بالقسمين التالية
3- SPEAKING
ما قصر الي قبلي شرحها بالتفصيل بس بالنسبة للسؤالين الاولى 15 ثانية تجهز و 45 تجاوب حسب ما افتكر … باختصار شديد لااااااااااازم تجهزلك body تحفظه لكل سؤال ولمن تسمع السؤال فقط تعبي الفراغات … بإذن الله تضمن درجة حلوة … لا تتأتئ لو منت جاهز اسكت حتى لو تاخذ 5 ثواني من البداية ساكت بس لمن تبدأ ابدأ بداية قوية وطير خلي صوتك واضح ومخارج حروفك نظيفة وبتشوف درجة حلوة إن شاء الله … بالنسبة لتجهيز ال body بالنسبالي انا استعنت بالقناة التالية http://www.youtube.com/channel/UCysg99o8WpfFnFF22fV2NMQ/videos
روح لأول الفيديوهات في القناة وشوف الخاصة بالسبيكنق مفيدة جدا
4- WRITING
سؤالين الأول يعطيك ريدينق لمدة 45 ثانية يمكن … تحتاج تكتب النقاط الرئيسية في الريدنق فقط الرئيسية يعني 2 أو 3 نقاط فقط عشان تربطها مع اللسننق الي حيجيك بعدها ويناقض هذه النقاط … بعد ما ينتهي اللسننق بترجع القطعة لا تخاف وتبدأ تكتب عاد حدود 200 - 250 كلمة.
بعدين يجيك السؤال الثاني … سؤال عام يبغا رأيك في موضوع معين تسوي انترودكشن وبعدين مثلا 2 أو 3 بودي براقراف وبعدين كونكلوجن … طبعا البودي يكون غالبا اسباب تدعم اختيارك ورأيك … في هذا السؤال بيطلب منك كلمات أكثر يمكن 300 كلمة حد أقل.
*ملاحظة: بين القسمين الأولى والقسمين الأخيرة يوجد بريك 10 دقائق
هذا الي طلع معايا واتمنى للجميع التوفيق 