سؤال
ماهو الكتاب المستخدم في هذا الكورس؟؟؟ حاليا؟؟؟؟
Textbook: Thomas Calculus (Early Transcendentals) by G. Thomas, M. Weir and J. Hass.
+100000
1 Like
الكورس هذا غثيث بشكل مو طبيعي , مافيه اي نوع من انواع المتعه مثل ماث 102.
مع اني الحمدلله جايب درجات جيده , لكن الكورس ما اعجبني , هو خفيف وتقدر تضمن فيه a+ لكن الكورس غثيث . وانصح بأن الي يبغى ينزل الكورس يروح مع دكتور يصحح كويس ويدف درجات.لان الكورس مايحتاج دكتور يشرح .سلف ستدي
ينفع أأخره عن ماث ١٠٢ ؟
اذا كان قصدك انو انت خلصت ماث 102 , وتبغى تأخر 201 لبعدين.
انا اشوف انه افضل شي انك تاخذ الماث ورى بعض ماتأجل شي , لانه تحس في افكار كثير كثير مترابطه مع كل الكورسات الي قبلها , بالماث والانجليزي انا اشوف انه افضل شي الواحد ياخذهم ورى بعض .وبالتوفيق … 
زي ما قالو بعض الشباب الكورس غثيث ما اتوقعته كدا … النص الاول منه كان حلو صراحة … الثاني غثثثيث ويكون انت جهدك بدأ يقل مع الوقت … كورس تخيلات 3d … لو فهمت الكونسبت كويس خلاص يسير سهل
1 Like
المادة بشكل عام سهلة لكن بعد الميجر الأول تصير غثيثة وتكثر القوانين ولأن الميجر الأول كله ريتن والثاني نصه ريتن والفاينل نفس الشي فحاول تنزلها مع دكتور متساهل في التصحيح + خل مصدر في المذاكرة اسئلة الكتاب + نوتة الرصاصي لأن فيها الزبدة وبس الي عليك تحل بعض الاسئلة من الكتاب وقبل الميجر افتح الاولداقزام وراح تاخذ قريد عالي إن شاء الله
اسئلة الكتاب مهمة لأن اكثر من مرة جاء سؤال من الكتاب في الميجر …
Old Exams and Quizzes
http://aisys.kfupm.edu.sa/MATH_ONLY/Search_Courses1.aspx
هذي نوتة الرصاصي ( راح ارفعها على KFUPMRESOURCES ) إن شاء الله
https://www.mediafire.com/?hxofm5qqju9up9k
طيب يا شباب انتوا تقولون أن هذا الكورس سهل لكن صعب ! 
وين تقع نقطة الصعوبة ؟ هل في كثرة المعادلات ؟ ولا في المتجهات ؟ ولا … ؟
الله يعطيك العافية , يا ليت يا شباب تقولون لنا وين تكمن الصعوبة او بالاحرى ثقل الكورس و شكرا
نبي اراء اكثر ياشباب …
1 Like
الكورس يحتاج انك تتابع أول بأول ويعتمد على فهمك في الكورسات الماضية
^
فعلًا، خصوصًا في تشابتر 15 حق Double Integrals و Triple Integrals
فيه تكامل كثير في هذا الكورس، يعتمد على كالكلس 2
101& 102 أحلى 
هذا الكورس كريه وكله رسم وتكامل بطريقة مدري كيف 
اذا أنت مبدع في اللي قبل وتحب الرسم … بتبدع في ذا الكورس ان شاء الله
تنصحون فيه بالصيف ؟
أغلب الناس اللي يقولون عنه سهل على نوعين :
1-دوافير وما تفرق معهم .
2-طالب جاب في 101 و 102 C وجاب في 201 C+ ولاحظ التطور وقال سهل .
كورس غير منطقي ولا يخش العقل , قعدت احفظ بس بدون فهم والحمدلله جبت B+.
1 Like
102 أحلى منه بكثير وأمتع بمراحل ، جزء الـ Planes والأمور هذي كان شي بشع ومن أسوء دروس الماث اللي درستها مع إني أحب الماث بشكل كبير
أفضل جزء كان الـ Triple integrals in spherical coordinates ( الماتيريال الأخير بشكل عام رهيب )
الكتاب جدا ممتاز لين آخر ماتيريال ميجر 2 ، تبع الفاينل نوتة الرصاصي أفضل وأوضح بكثير وأسهل بمراحل لأن الكتاب يبدا يستهبل بالشرح 
1 Like
ماث 201 ترم صيف 163
الكورس مشابه و بمستوى للكورسين اللي قبله بتلقى دروس سهلة و دروس غثيثة
لكن الدروس الغثيثة قليلة ممكن ثلاث من اصل 25 اما البقية سهالات
الكورس عموماً سهل و احسه اسهل من 102 من بعض النواحي خصوصاً ان الاخير مخربته السيريسز اللي بنهاية الكورس
و اللي يميز الكورس ايضاً هو ان المياجر ريتين و نص الفاينل ريتن ايضاً أي ان فرصتك بحصول درجة اعلى اكبر
لكن ايضاً من النقاط السلبية بالكورس هي الرسم خصوصاً اذا كان 3D ( حسب السؤال )
اخذت الكورس بالصيف و بصراحة الكورس بالصيف حلو و سريع خاصة ان معظم دروسه لها علاقة ببعضها
وما عليك من اللي يقول بالصيف الافرج عالي ، صحيح عالي و افرجنا كان 290 لكن توزيع القريدات ما يختلف كثير عن الترم العادي
نصحية اخيرة حاول انك تأخذ الكورس بالترم التالي بعد ما اخذت 102 لانه فيه مواضيع و اساليب كثيرة مستخدمة في 102 تحتاج تستخدمها في 201
خصوصاً الديرفيف و الانتيجرال ، يعني مثلاً جا لنا بالميجر و الفاينل سؤالين طريقة حلهم بأحد اساليب الانتجيرال و هذه الطريقة غير موجودة بكل اسئلة الكتاب
ولا حتى الدكتور تطرق لها و جات بالميجر و الفاينل و نص الشعب جاب العيد فاذا اجلت اكثر ممكن تنسى اشياء كثيرة بالديرتيف و الانتيجرال .
طريقة المذاكرة :
ذاكر من الكتاب و حل اسئلة الكتاب و خذ معك مانويل سلوشن حق الكتاب ( تلقاه بالريسورس او بالنت ) و اخر شيء اولد اقزام اكثر و خلاص .
و اذا تبي تأخذ نوته تساعدك للدروس اللي ما فهمتها لا بأس ، يمدحون بنوت الرصاصي بالنسبة لي اخذت عبيد لا بأس فيها
و عندك بعد فيديوهات البلاك البورد بس مشكلتها طويلة و تضيع وقت و يكررون كلام الكتاب .
الزبدة شكلي طولت بالتوفيق و تحياتي سوبرمان .
3 Likes
ترم 171
ماتيريال الميجر الأول في هذا الكورس راح يكون عن مواضيع متفرقة Parametric Equations و Polar Equations وكذلك بتتطرق للVectors وكيف تسوي الDot Product والCross Product لمتجهات 2D و 3D (أشياء أخذتها في الفيزكس).
بالنسبة لماتيريال الميجر الثاني والفاينل، فمعظمه يعتبر إعادة لما درسته في MATH101 و MATH102 لكن على Function من متغيرين وثلاثة متغيرات، يعني في MATH101 و MATH102 كنت تتعامل مع Functions زي كذا
F(x) = x
في MATH201 الFunctions اللي بتشوفها بتكون بهالشكل.
F(x,y) = x + y
F(x,y,z) = x + y + z
طبعًا الاشتقاق والتكامل لهذا النوع من الFunctions شبيه جدًا بالاشتقاق والتكامل لFunction من متغير واحد، فلذلك استيعابك واستحضارك لماتيريال MATH101 و MATH102 مهم جدًا.
طبعًا زي ما هو مُلاحظ ، جزء كبير من الماتيريال يعتبر إعادة لما أخذته في كورسات سابقة لكن مع شيء من التوسع، لذلك بالنسبة للأغلبية الكورس يعتبر أسهل من MATH102، لكن الشيء اللي يخلي الكثير يقول إنه كورس غثيث (رغم سهولته) إنه فيه قوانين كثيرة لازم تحفظها، وفيه مسائل صعب تتخيلها لأنها 3D فبتضطر مكرها إنك تحفظ خطوات الحل بدل ما تفهم ليش سويت خطوات الحل أو على أي أساس.
إذا كنت مهتم بال3D وتحب الرسم راح تسمتع بهذا الكورس 
(عن نفسي أشوف أغلبه ماتيريال حلو وممتع، خاصة الماتيريال الأخير، بعكس أغلب الشباب اللي هنا، رغم إني مو مهتم بالرسم ولا بال3D).
في الأخير بما إن المياجر والفاينل في الكورس ريتن، أنصح إنك تنزله مع دكتور متساهل ويدف في التصحيح، راح يفرق في قريدك النهائي أو على الأقل مجموعك النهائي.
بالتوفيق
3 Likes
المادة هذي ترفع الضغط وفيها تخيلات كثير. يبيلها شغل وتركيز