ACCT110 -171
الدكتور حبيب وخلوق جدا
يحضر دائما بالأسماء
شرحه ممتاز ويعطي امثلة >> غالبا يكتب عالسبورة
ما يعطي كويزات ويكتفي بالاونلاين كويز والهوموورك
بالنسبة للتصحيح الدكتور يعطيك حقك
سلبياته:
تأخير التصحيح + الفاينل ما اعطانا الدرجات واكتفى بوضع القريد في البورتال.
أخيرا،،،انصح بالدكتور والدكتور متعاون بشكل لا يوصف لدرجة كنت اشوفه يشرح لبعض الطلاب بعد الكلاس عند الجلسات اللي في ٢٤.
+ الأفضل انك تحل الهوموورك بنفسك لأن أسئلة المياجر بتجي مشابهة لها .
ACCT210-181
التحضير: آخر المحاضرة ينادي على الأسماء, يقبل بالميك أب
طريقة الشرح: شرائح باوربوينت، ويكتب على السبورة إذا لزم الأمر
الكويزات: لا يوجد
المياجر: موحّدة
الفاينلات: موحّدة
القريد النهائي: +A
الصوت: صوت واضح ولغة ممتازة، لكن الموطن مؤثر على اللكنة (كأغلب الناس)
إضافات:
- ينزعج من اللي يستخدم جواله، وكثير ما يفاجئهم بسؤال، لكن بمجرد ما الطالب ينتبه يرجع الدكتور وكأنّ شيئًا لم يكن، الدكتور حبيب لأبعد درجة
- شرحه واضح ويستقبل أي سؤال وحريص أنه يوصّل المعلومة، ونهاية كل تشابتر يخصص محاضرة لحل تمارين عليه، وهذا جدًّا مفيد لتثبيت المفاهيم
- قبل المياجر يؤكّد على بعض المسائل والمفاهيم من الكتاب، ركز عليها زين، مو معناها أنها كل الاختبار، لكن قطعًا بيجي منها
- الدكتور الله يجزاه خير مو حول الإيميل، وقبل ما تروح له مكتبه تأكد أنه بيكون موجود لأن كثير ما يروح اجتماعات أو ارتباطات أخرى
- إذا ركزت مع الدكتور بالمحاضرة وتدربت على المسائل اللي بيحلها معكم أمورك طيبة إن شاء الله
* بالنسبة لملاحظات الأخ اللي فوق, التأخر في التصحيح حاصل مع جميع أساتذة المحاسبة؛ لأن أسئلة الاختبار تصحيحها ياخذ وقت، وأما أنه ما يرفع درجات الاختبار النهائي فصار يرفعها، في 181 رفعها لنا قبل القريد النهائي.
Acct210 - 192
التحضير : نهاية الكلاس، التأخير ممكن يمشيك وممكن يغيبك
طريقة الشرح : من سلايدات الكتاب ويكتب أحيانا على السبورة. شرح عادي بنبرة صوت ما تتغير إذا ما بتركز بتمل وتضيع
الكويزات : كويزين سهلة نفس الهانداوت
المياجر: الميجر الأول سهل ونفس نظام مياجر acct110
الفاينلات : لا يوجد ميجر2 وفاينل (كورونا)، البديل اختبارات من موقع الواجب
القريد النهائي: B
الصوت: جيد وأحيانا هادي
إضافات : المادة متوسطة ومقدور عليها سيلف ستدي فالدكتور خيار مناسب للي يهمه وقت الكلاس وكويزات وشرح عادي
ACCT210 - T201 (دراسة عن بعد)
التحضير : آخر الكلاس ينادي على الاسماء واحيانًا ما يحضر اذا شاف العدد كامل او شبه كامل في البلاك بورد .
طريقة الشرح : من سلايدات الكتاب ويمشي سلايد سلايد، حاول تقرا بداية التشابتر من الكتاب قبل الكلاس بتفيدك جدًا؛ لأن الدكتور يبدا في الدرس مباشرة بدون مقدمات توضح لك عن ايش الدرس. غالبًا الدكتور يخلص التشابتر في كلاسين، بعض التشباتر اللي تحتاج شغل يزوّد كلاس ثالث يكون لحل تمارين ومسائل.
الكويزات : بما أن الدراسة كانت عن بعد بشكل كامل = تغير توزيع الدرجات وصار فيه كويزات كثير وعليها نسبة كبيرة من الدرجات قرابة الـ ٣٥٪، بعضها بمسمى كويز والآخر اسايمنتس و وكونسبتشول اسسمنت. جميع الاختبارات كانت على Wiley Plus وجميعها كان اختيار من متعدد (Multiple choices). كان الدكتور يرسل لنا ملف مفيد جدًا فيه اسئلة على التشابتر قبل الكويز حاول تحله بعد ما تنتهي من مذاكرة الكتاب .
المياجر : بما ان الدراسة كانت عن بعد ما كان فيه مياجر وحل مكانها ميد تيرم وكان كومون فيما اعلم وكان على Wiley Plus، وفي المجمل ركّز على الاسئلة اللي يحددها نهاية التشابتر (Problems & Exercises ) والملفات اللي يرسلها لكل تشابتر، هذا كله بعد ما تنتهي من مذاكرة التشابتر من الكتاب ( لا تعتمد على السلايدات لانها وان كانت مأخوذة من الكتاب الا انها فيها نقص في بعض المواضع وتتسم بصعوبة كونها مختصرة + الكتاب ممتاز جدًا وواضح وسهل)
الفاينلات : نفس الميد تقريبًا، وما كان كومبريهنسف (= اللي اختبرناه في الميد ما دخل في الفاينل).
القريد النهائي : A
الصوت : واضح واللهجة مكس برتش + سوداني 
، والدكتور من النوع اللي يسأل بين الحين والآخر عشان يتاكد ان الجميع مركز.
إضافات : الدكتور حبيب ومتعاون وحريص جدًا على مصلحة الطالب وياخذ ويعطي مع الطلاب، وكذلك يسوي هلب سشنز قبل الاختبارات المهمة، أحيانًا يعصب على بعض الطلاب كونهم مب مركزين او مهملين لكن اللي التمسته منه انه ما مايعصب الا حرصًا على الطالب ولمصلحته. أرى الدكتور خيار أول في ACCT210 + تقدر تجيب قريد عالي معه (+A+, A, B ) كون المادة سهلة نسبيًا الدكتور متعاون.
.
ACCT 210
TERM 201- ONLINE
التحضير : يحضر نهاية الكلاس و احايانا ما يحضر
الشرح : يشرح من السلايدات و يحل اسئلة الكتاب
الكويزات : سهلة
ايجابيات : الدكتور متساعد مع الطلاب و ينزل ملف قبل الكويز فيه اسئلة تجي في الكويز نسخ لصق
سلبيات : اغلب الكويزات يحطها في الويكند , يسأل الطلاب بشكل عشوائي في الكلاس واللي ما يرد يسجله غياب
* اذا تركز معه وتعطي المادة حقها بترتاح معه
القريد النهائي : B
ACCT210-192
التحضير : يحضر عادة نهاية الكلاس لكن اذا شاف الشباب فلوها يبدأ يحضر في البداية ومتساهل في التحضير ما يدقق على التأخير مره
طريقة الشرح : سلايدات ويشرح منها بس الصراحة شرحه يجيب النوم
الكويزات : سهله من الاشياء اللي شرحها
المياجر: كومون
الفاينلات : كومون
القريد النهائي: NP
الصوت: جيد
اغرب دكتور بالتحضير مرا يكون شديد مرا يكون متساهل لكن الي عرفته انه ما يقصر مع الي يضرون بدري والي ما يغيبون بس يعني نظامه غريب مرات يحضر بداية الكلاس ومرات بالنص ومرات بالنهاية مرا شديد من ناحية الحضور
شرحه سيء لكن الي يميزه انه يعطيك اسئلة تحلها وتكون كبونص عشان اذا جبت العيد بالكويزات تقدر تعوض لكن شرحه مش ولا بد فالمادة راح تقلب سلف ستدي
الواجبات عن طريق الوايلي ومرا غثيثة على كل تشابتر فيه واجب وتاخذ وقت بالحل
بالنسبة للكويزات ماهي سهلة ولا هي صعبة يعني مستواها اسهل من المياجر لكن لازم تكون مذاكر التشابتر كامل لانه كويزاته تغطي الافكار ولكن تقدر تقول مضمونة اذا كنت مذاكر والمشكلة على ترمنا صارت الكويزات وزنها 20 درجة فاي غلطة بسيطة تنقصك شي كبير والمياجر جدا صعبة مب زي الدفعات الي درسو معه مستواها صعب ماهو سهل لازم تكون متدرب زين وفاهم كل شي وفوقها تهتم بالكونسيبت يحب الدكتور اسئلة الكونسيبت بس يعني يمكن بكل ميجر يجيك تقريبا اربع اسئلة كونسيبت عموما الميجر الاول كان شوي لخمة الثاني كان اصعب بشوي الفاينل كان موت لدرجة الافرج حق الفاينل صار 60 كان جدا صعب الفاينل وكثير جابو العيد وكان الوقت ابدا ما يكفي مدري وش الهدف من الفاينل ذا لكن ما اتمنى احد يختبر الفاينل الي اخذناه معاه كان جدا صعب واسئلة غريبة مختلفة عن الي تدربنها عليها وبس
خلك هادي طول الوقت حتى لو كلامك موعاجبه بس سلك له وبتزبط امورك الدكتور مزاجي مرات اخلاقه كويسة معك ومرات لا, حول بقدر الامكان توريه انك مهتم ومتساعد وبس
الدكتور شايب فلا تلوموه اولد سكول بحت