انا ادرس معاه الآن …
والله انه ممتاز لأقصى الحدود … هو بنفسه يقول لازم نمارس لما نرجع ونتدرب
وهذا الشي راجعلنا لو كنا بنجيب درجات كويسة في الاختبار ولا لا " Up to you "
والأكسنت حقه تمام … يعني صحيح بريطاني , لكنه واضح جدا !
ما يكتب عالسبورة الا اذا طالب طلب سبلنق اور سمثنق 
حتى نسيت أقلكم , يقلنا على الأماكن اللي ممكن تجي منها اسئلة الاختبار …
وانه لو كان هو اللي بيحط اسئلة , كان حط منها 
أنا أقيمه B+
أضيف … بما انو الردود قليلة هنا
اذا نزلت لك معاه 001 لا تخاف فإنت في السليم
أما 002 أتوقع يبغالها شخص أحسن منه
عموما انا درست معاه 001a وعديت 002 بالبروموشن ,فلا يغرك كلام من يقول انه سيء
يا شباب … المدرس هذا راح ينفعك في الـ speaking ان شاء الله …
انا كنت عنده … والله نفعني قي الـ speaking كثير …
وصدقوني اذا على الاختبارات … تراها هينه بإذن الله …
اهم شي الـ speaking … لأنكم رايحين تتواصلون في الجبل مع مدرسين اكثرهم اجانب …
وبعضهم عليهم لهجات مادري وش تبي !!
فأنا أنصحكم إنكم تحاولون تحتكون معاه كثير بالكلام … وراح تلاحظون تطوّر في مستواكم إن شاء الله …
…
أخذت عنده 002
مدرّس ممل بالشرح لـ درجة اني احيآنآ أكمّل نومي بالكلآس هههههههههههه
شديد بالتحضير بس رآعي سوآلف
ورآح تستفيد بالسبيكينق مثل مآ قآل الذيب ^ http://skfupm.kfupm.edu.sa/images/icons/icon10.gif
نصيحتي للي عنده لآ تسكت سولف لو تمقّس عشآن يعرفك ويزيدك بالكلآس وورك
وغير كذآ تعلّموآ تغضّون البصر لأن سروآله نآزل عن الحد المطلوب 
^^
خصوصا لما يدنقز … أحلى تصوير يا معلم
الله يهدينا
درسني بالاورينتيشن 001
التحضير : شديد بالتحضير … لكنه متفهم اذا شرحت له سبب تاخيرك و اقتنع فيه.
الشرح : بالنسبة لل001 فهي تعتمد في غالبيتها على اساسيات الانقلش فالمنهج ما يحتاج مدرس فلتة
لكن بالنسبة للسبيكنق فلولا الله ثم هو ما كنت وصلت لما انا عليه بالانقلش
الرجال كل تركيزه على السبيكنق و الاكتيفيتي الي يعطيها كلها عن السبيكنق و هذي ايجابية قوية فيه
القريدات : هو عنده قاعدة انه قريدات سكشنه لازم تكون عالافرج او فوقه بشوي عشان يمشي على تعليمات ادارة الانقلش
ملاحظات
* حاول تسولف معه حتى لو غلطت لانك و الله بتستفيد منه… و الرجال عنده قدرة رهيبة في فهم وش تبغى تقول حتى لو انك تقول كلام داخل بعضه ( بما انك مبتدئ ).
* زي ما قالو الشباب سيرته الذاتية و كل اقاربه كلهم بتعرفهم من اول او ثاني كلاس
* الرجال فلااااااااااااااااااوي بس تجيه مرات تكون زوجته مهواشته فيجي فاصل للكلاس
درست عنده 002 طبعاً كلاسنا كان كلاس كمبيوتر …
مادري وش أقول…
أحياناً تروح محاضرة كاملة في سالفة معينه
بس هذا مايعني أنه مدرس سيء بالعكس في السبيكنج زادت قدرتي فيه …
عموماً لو نزل لك عنده حاول تسولف معه تراه يفهمك حتى لو قلت كلام غير مفهوم …
بالنسبة لقصة الكمبيوتر
الترم 111 … كنا 001a … وحب يبدأ معانا مسألة الكتابة بالكمبيوتر على اساس اننا ما نشيل هم السبيلنق + القرامر … ونركز على فكرة الكتابة
ووالله انه نفعني في هـ النقطة بشكل كبير … وجبت درجة جدا عالية في الفينال
الحمد لله بعدها اختبرت اختبار البروموشن … وارتحت من الانجلش
انتو بتصدقوني لاقلت لكم؟؟…باختصآآر شديد رجال خذه سوالف وضحك اما من ناحية التدريس فبتستفيد 15% من المنهج بس والباقي مع نفسك…درجات من بداية السمستر يحددها يعني يقلك كلكم سبكنق بيكون بين 65 و80…ياشباب لاتغركم ضحكته ترونه وصخ ولاحقد حقد وانسان مآآآآآآآآآآآآآآآيخدمك ولايفزع لك في شي …يمكن يهايط مره مرتين وفي الامور البسيطه بس لانحديت عليه لقمك خامس وجحدك…ترون بمعنى الكلمة لاحقد حقد ويضحك في وجهك ولاجا القريد النهائي ماكانه يعرفك…انا الحمد لله معدي عنده الحين 04 ب(B+) بس شفت شغله فاخوياي حسبي الله عليه…والله خسف بهم وطووووووووووووووووول الترم تقول انهم اخوياه…يوم جا اخر يوم يكلمهم من راس خشمه ويرفع صوته ويقولهم(it’s your business) السبيكينق والافورت مايعطيك يقول تشوفها بعد الفاينل لانزلت القريدات…انتبهو منه واللي يبي الضحك والفله يروح له وسلامتكم…!
السلام عليكم ورحمة الله وبركاته
التحضير : يحضر كل حصه وبعض الاحيان ينسى
طريقة الشرح :كل يوم يجلس على الطاولة ويبدى يتلكم يحب يشرح الرايتنق اكثر شئ هو جداً كويس فيه بس بالنسبه للقرامر و الفوكاب ما يفيدك ولا بريال
الكويزات : مو هو اللي يحطها
المياجر: مو هو اللي يحطها
الفاينلات : مو هو اللي يحطها
القريد النهائي: -d
الصوت: كويس
إضافات :
المدرس لا حطك براسه انسى حياتك بالعربي لا يعصب عليك انا درست عنده ب 02 الفصل الماضي كان معاه مدرس ثاني طبعا عديت بطلوع الروح مدرس سئ لابعد الدرجات لو نزلك عنده وحقد عليك الله يعينك 
مدرس شبه ممتاز ليس بالسيء كما يقول البعض
