وعليكم السلام اخوي
الحقيقة انا ما اعرف كيف طبيعة مقابلات ذا القسم لكن حاب أفيدك لانك نفس تخصصي ميكانيكال وانا سوت مقابلة مع قسم ثاني وكانت تكنكال بحت. الأفضل انك تكون جاهز لكل شي وتراجع اساسيات الميكانيكل خصوصا الثيرمو داينمكس. راح اعطيك تجربتي وتجربة شخص ثاني من نفس قسمك.
هلا يا أخوان.
احدثكم بعد ماسويت مقابلة اليوم مع ارامكو في يوم المهنة مع قسم Gas Operation. طبعًا انا قدمت عالموقع عادي وهم ارسلولي الاختبار قبل اسبوعين واليوم الحمدلله عملت المقابلة وكانت تكنيكال بحت. اعطيكم تفاصيلها كالتالي:
١- تخصصي هندسة ميكانيكية، خريج من جامعة الملك عبدالعزيز.
٢- المقابلة كانت مركزة على مدى فهم الطالب لتخصصه وكانت خالية من الاسئلة الاعتيادية زي حدثنا عن نفسك وايش طموحك وليش اخترت ارامكو و و و .
٣- سألني اول شي عن Pumps وانواعها ومكوناتها وكيف تختار Pumps ومعادلة بيرنولي.
٤- سألني عن الثيرموداينكس (انثالبي وانتروبي وقوانين الثيرمو وجبت العيد فيهم بقوة).
٥- سألني عن الفايبريشن تعريفه وهل هو ضار او نافع وكيف نخفف منه.
٦- سألني عن مادة Fault diagnosis بالتحديد عن ال Amplitude Frequency diagram for misalignment Fault.
٧- سألني عن مادة mechanical design ايش اهم القطع في تصميم الميكانيكل سستم وكيف تختار الموتور وايش هو السيفتي فاكتور.
٨- طلب مني اتحدث عن مشروع تخرجي بإختصار.
٩- سألني هل استفدت من التدريب؟ طبعا قلتله اكيد نعم ولا ماراح اعرف اجاوب على موضوع Pump لأني ما اخذته كمادة.من وجهة نظري اشوف ان المقابلة كانت بعيدة عن القسم اللي انا مرشح له باستثناء نقطة الثيرموداينمكس اللي ركز عليها كثير. هذي هي مقابلتي و أسأل الله التوفيق لي ولكم جميعًا واعتذر عن الاطالة.
بالتوفيق لك