انا قدمت عليهم نهاية 2021 وسويت مقابلة بعد التقديم تقريبا مباشرة، وبعدها مقابلة ثانيه في شهر 1 من 2022 والى الان ما جاني رد.
علما اني قدمت على احد الوظايف المطروحة في النظام. الغريب ان لقيت وحده من هذي الوظايف طُرحت في لنكدن والى الان ما تم الغائها من الموقع بمعنى انهم للان يدورون عن مرشحين. ولكن فعلا من قال الشركة ليلها طويل، بين مقابلتي الاولى والثانيه 3 شهور ومن شهر 1 للان ما جا رد. حاولت اتصل فيهم اكثر من مرة لكن مافي رد.
اللي عنده معلومة لا يبخل علينا.
الله يكتب اللي فيه خير ويوفق الجميع.
ياشباب سويت مقابله يوم ١٣ من هالشهر كمحاسب وقالولي اسبوعين ونرد منك للمقابله الثانيه ، اللي قدم محاسبه ويعرف وش يسألون بالضبط و بعد المقابله الثانيه فيها لطعه كمان ؟ ولا مايطولون
السلام عليكم …
ياشباب لمن يجي قبول مبدئي فالمقابلة التخصصية والادارية وبعدها ب شهرين يجي رفض اش يمكن يكون السبب ؟ مع العلم هنالك دورات و مرتبة الشرف الاولى
السلام عليكم ورحمة الله وبركاته
عندي استفسار مهم ياليت تفيدوني
الحين انا صار لي تقريبا ٣ شهور متخرج ولا املك خبره ولا شي
+ انا سيىء بالانجليزي
فسؤالي هنا هل من الشروط اني اكون فاهم في الانجليزي
وهل لازم اكون فاهم في تخصصي لان للامانه تخرجت من الجامعه ولا استفدت منها شي
انا مثلك فرش متخرج من شهر يناير هالسنة والحمد لله توني قبل شهر متوظف، ودخلت مقابلات كثيرة قبل ما اتوظف ومع شركات كبيرة مثل سبكيم، لوبريف و وذرفورد وغيرها. اللي شفته انه معظم الشركات يسألوك عن التخصص ولو اسئلة عامة على الأقل فلازم يكون عندك اطلاع عن اسئلة التخصص ولو عن طريق انك تشوف ملف pdf ملخص عن تخصصك واسئلة المقابلات حقت التخصص والاسئلة العامة، اللغة الانجليزية ما ادري اذا تاثر كثير لكن على الاقل مفروض يكون عندك امكانية تتكلم وتتفاهم معاهم لانه معظم المقابلات واذا مو كلها راح تكون انجليزي.
بالتوفيق اخوي.