182:math 102
الشرح : 60%
طريقة الشرح:
يشرح من السلايدات والسلايده فيها توضيح للمحتوى بمختصر شديد والأمثلة يحل اسئلة الكتاب فقط مايحل اسئلة أخرى.
الكوزات: متوسطة مائلة للصعوبة
كوز سؤالين سؤال سهل وسؤال ثاني صعب
والسؤال الصعب عليه درجات اكثر من السهل
إضافات: اذا كنت من الاشخاص الي يذاكرون نوتات الدكاترة، ابعد عن نوتت دكتور رائد لانها سيئة جدا.
الصوت :واضح
التحضير: في نص الكلاس وعن طريق الرقم التسلسلي
التقييم النهائي: b
ملحوظة : عطاني كلاس ورك سيئ كوزاتي كانت على الافرج او تحته بشوي، رحت الاوفيس له قلت له ليش عطيتني هل الدرجة في الكلاس ورك رد علي وقال لي لانك في ميجر ٢ درجتك نزلت عن ميجر ١
طريقة الشرح: يفتح نوتته ويبدأ يشرح منها ويحل اللي فيها او اسئلة الكتاب وما يحل غيرها
الكويزات: صعبة جدا لدرجة صرت ما اذاكر لأن المحصول بيكون نفسه اجيب 1 ولا 2 خخخ
التحضير: مرات بعد 5 دقايق مرات بعد 10 مرات بعد 20 على حسب متى تذكر، لكن عموما هو ما يهتم مرة متى تجي دامك ما غبت، الحضور قبل واثناء التحضير = حضور، بعد التحضير حتى لو اخر دقيقة = متأخر.
المياجر: كومون
الفاينل: كومون
الصوت: واضح ولهجة كويسة
القريد النهائي: C+
اضافات: الدكتور حبيب وخفيف دم وعنده مقولات لطيفة وسوالف رهيبة، بس هذا كله ما يشفع للشرح اللي لو شد فيه اكثر كنا طلعنا فاهمين بشكل اكبر، برضو الدكتور سريع جدا جدا جدا في الشرح، نختبر الميجر الاول واحنا في نص ماتيريل الميجر الثاني، وهكذا لين يعطينا اخر اسبوع اوف لكن على حساب فهمنا للماتيريل وهذا غلط صراحة، صح انه سوا كذا عشان السيريز لكن صراحة السيريز ما كانت تستاهل النفخ اللي جاها والخوفاللي حولها خصوصا انها اسهل من الانتقرالز، عموما ابعدوا عن نوتته لأنها سيئة صراحة. والدكتور خلوه خيار اخير او قبل اخير، هو مش بطال لكنه مش بيرفكت او كويس للي يبي يفهم 100% او يبي يغيب كل الكلاسات ويعتمد على نفسه، هو حاجة في النص ومش مرتاح صراحة مع انه مش بطال وخفيف دم، بس لعله في الستات افضل منه في الكالكلس او مش مجاله اللي يقدر يبدع فيه.
التحضير : الدكتور متساهل في نقطة التحضير جدًا، باختصار ما عليه درجات في الكلاس وورك وما يخصم عليك مهما كان عدد غياباتك لكن لو وصلت لحد الـDN بيجيك DN. كمان لو دخلت الكلاس في آخر دقيقة ما بيغيّبك، بيحطك متأخر بس. عمومًا في الكلاس أوقات تحضيره متقلّبة مثل ما ذكروا أحيانًا بعد 5 دقايق من بداية الوقت أحيانًا بعد 20، ماله وقت معيّن.
الكويزات : متوسّطة تميل للصعوبة، بدأت سهلة وفي الآخير صارت صلخ
طريقة الشرح : يفتح نوتته اللي فيها الأسئلة والأجوبة ونادر جدًا خطوات الحل ويحل على السبورة، لذلك إذا بتعتمد على نوتته لازم تصوّر السبورة.
الصوت: كويّس ومسموع
الشرح: سريع في الشرح ويمشي على السيلابس وأحيانًا يسبقه، وهذي نقطة سلبيّة جدًا في نظري وهي السبب اللي خلتني أحضر 75% من كلاساته فاهي! في البداية الأوضاع كانت ممتازة، خلصنا ماتيريال الميجر الأول قبله بمدّة بعدين راجعنا وكمّل شرح… فاللي صار إننا صرنا نذاكر للميجر الأول وهو شوي ويخلص ماتيريال الثاني، ويوم وصلنا للميجر الثاني كان باقيله شوي ويخلص ماتيريال الفاينل ويخش على ماث 201 . أنا مب من النوع اللي يذاكر أول بأول، وبسبب سرعة الدكتور صرت أحضر كلاساته آخر الترم بدون فائدة لأني كنت أذاكر شيء وهو يشرح شيء آخر تمامًا
إضافات : الدكتور طيّب وتعامله بالكلاس كويس ويحاول يلطف الأجواء، شرحه سريع لذلك لازم تكون من النوع اللي يذاكر أول بأول، إذا كنت ما تذاكر معه بتروح فيها وبتبذل جهد كبير جدًا خارج الكلاس عشان تقدر تطلع بقريد من الكورس. كلاسات الدكتور هالترم كان أفرجها من أعلى الأفرجات، وما أدري هل السبب من شرح الدكتور نفسه أم أن طلابه دوافير
القريد النهائي: بين الـB والـB+
ما أنصح فيه خيار أول، ممكن ثالث أو رابع لو كان يناسبك وقته وكنت تذاكر أول بأول
التحضير : متساهل في التأخير البسيط لكن ما يسمح ميك اب الا مره بالترم ، ويسمح انك تحضر مع سكشن ثاني بشرط ترم كامل او مثل ما ذكرت مره لك
طريقة الشرح : ممتاز للامانة ويحاول يفهمك كيف تحل ويجيب لك اختصارات واشياء خارج الكتاب لكن مشكلته يعلمك كيف تحل ما يربط لك بموضوعات الادارة لان المادة ذي جدا مهمة لكل التخصصات وكيف ربطها
اخلاقه: دكتور طيب لكن حقاني بالمرة لك حق بتاخذه والغيابات يقولك ما تفرق حضرت ٨ ولا جيت ٨ في النهاية مراح ادف واحد بسبت الغياب وخلوق
الكويزات : يعطيها القريدر ولو فيه مشكلة كلمه ويمشيها
التصحيح: حقاني مثل م قلت وما يعطيك زيادة في الميجر الا بحقك يعني ما فيه دف نهائيا كل الخطوات يبيها واحيانا يعطيك سؤال مفتوح
وتشوف حله في الاولد اقزام يقول قلي وش فهمت من الصورة تكتب مثل الاولد اقزام يقولك غلط انا شرحت هالشيء ومفروض ابي كذا وكذا
فشوف اولد اقزامته وحاول تفهم وش يدور من كل قراف لان يدوخ هالدكتور بتتعب من تصحيحه.
المياجر: نااااااااااار الاول كان الافرج ٤٣ والثاني ٥٠ وزاد الطلاب كم درجة لان الافرج F>>>
الفاينلات : بسبت المياجر كانت نار جاب متوسط لكن مو سهل وكان الافرج ٢٢ من ٣٦ تقريبا
القريد النهائي: C+
الصوت: واضح
ما انصح فيه للمادة ذي لكن بالغالب هالمادة ما يدرسها الا الصاوي، فاحيانا يكون اهو احسن الموجودين ، محمد صالح احسن لكن مو كل ترم يمسكها فأحيانا تضطر تنزل معاه وانا لو حصل لي غيره اهو والصاوي بيكون خياري لكن مثل ما قلت لا تخليه خيارك الأول.
STAT211 - 202
ماكان يحضر في الاونلاين
الدكتور شرحه بطل صراحة ويشرح تفاصيل مهمة ويعطي امثلة جامدة في الكلاس ومو مثل سمعته
عيبه اخلاقه تحس انك مع واحد حاقد عليك ويرد باسلوب غريب ولاهو متساعد ف الاوفس اور
+كويزاته كانت صعبة
اوفرول الدكتور خيار كويس للستات
