up
حبيبي اللي عنده اي معلومه عن هذا الدكتور يفيدنا ترا منزل عنده السمستر الجاي *_^
على كلام واحد … يقول انه خسف فيهم بالكلاس وورك … حتى الغياب الواحد كان بدرجة من الكلاس ورك …
والتاخير كان بنص درجة … والتصحيح موب ذاك الزود في الاشياء المطلوبة منهم …
لكن في الاخير سوى اب قريد … لكل الطلاب … والمياجر كومن
لتحضير : يحضر يوميا … احيانا باول الكلاس واحيانا في اخره …
طريقة الشرح : يجلس ع الكرسي … ويشرح بطريقة سهله … واحياا يطلبنا نكتب وراه …
الكويزات : مايعطي ابدن … تلخص + تكتب مقال … ويعطيها عليها فل مارك
المياجر: كومن … ويوم كتبها هو … جلس يعقد فيها .
الفاينلات : كومن بعد
القريد النهائي: اعطيه بي بلص …
الصوت: عليه ذبات حلوة … و اذا عرفك يحاول يزيدك …
وبعد يعطي اب قريد …
إضافات :
ياللله احلى كورس لي بالجامعة مع احسن دكتور يمين بالله انه افضل دكتور درسني بالجامعة كلها.
الله يحفظه من كل سوء قسم بالله تشتاق لحصته.
التحضير يتسآهل فيه. افتكر في واحد دايم مايحضر الا بنص الوقت وعادي اموره ضابطه
مايكرفك بس تكتب ورآه وينآقشك. صراحه الدكتور هذا كنز. للجامعة ماشاء الله تبارك الرحمن معلوماته بطله
والله يآخوان انا كنا نقرى الكتاب ويكآد لايمر حرف الا ويطلع الدكتور به غلط ماشاء الله تبارك الرحمن عليه.
التحضير : يحضر يومي غالبا اول الكلاس يمشي على التاخير المقبول يعني الى عشر دقايق
بس يقول لك حاول ما تكررها
طريقة الشرح : يلقي الكلام وهو جالس ويكتب المهم ولو فيه مثال على السبورة واحيانا واحد يقرا من الكتاب وهو يعلق
الكويزات : مافيه كويزات عنده هومورك تسويه يعطيك الفل مارك بالعربي ما يصححه
الا في المقال يخلي الطالب يقراه ويعطي عليه فل مارك برضو
القريد النهائي: +++++++++a
الصوت: واضح
إضافات : دكتور ممتع جدا حق تنكيت اقسم بالله انه من افضل مدرسين درسوني في حياتي
ندمت بقوة لغيابي ليوم واحد الكلاس معه ممتع جدا
انصح فيه بقوووووووووووة
نسيت شي يحفظ كل الطلاب اللي معه في الكلاس ما شاء الله
والله ثم والله لو يحصل لي اعيد الكورس عنده كان عدته
مدرس كلمة راااااااااااائع قليله بحقه صراحه
اولا الكلاس معاه ممتع جدا ويضيع بسرعه كله ضحك وسعة صدر وبنفس الوقت مفيد
الدكتور سعيد قمة بالفصاحه والبلاغه
يدهشك بأمثلته لما خاصه لما يجيب ايات على موقف يحصل
تكون في الصميم مره وتضحك ضحك على امثلته
رهيييييييب جدا
درجاته ممتازه صراحه المياجر فيها اسئلة ريتن والباقي اختيارات وصح وخطأ
الريتن اول ميجر قال كلكم خذتوا درجتها كامله على اسئلة الريتن لأن الميجر كان فيه سؤالين ريتن والباقي صح وخطأ
وثاني ميجر ماقال كذا بس انا عطانياها كامله ويقول اكتبوا اي شي ((تحايلوا)) على قولته
وانا بحسبها لكم
يعني الريتن اكتب اي شي حول الدعوى بس ويعطيك عليها درجات
انا الان باقي لي الفاينل وباقي عليه درجتين لو اضمن اجيب بالفاينل 29 من 30 او 28 من 30 اضمن الa+
رحت للدكتور اوفيس اور وقلت له وضعي وكذا وقلت فيه امل؟؟
قال انت عندك غيابات؟؟ قلت لا ماعندي الا تأخر واحد قال اجل ادخل الاختبار وذاكر له زين وحل زين وان شاء الله ماعليه
يعني ان شاء الله انه يرفع قريدات للي ماعندهم غيابات
الدكتور بشكل عام من افضل الدكاترة اللي شفتهم صراحه
وتمنيت احصل عنده 301 لكن مع الاسف مافيه 
ونقطه نسيت اقولها
بالنسبة لطلباته مو كثيره حنا طول السمستر ماطلب مننا الا 3 واجبات وكلها يقول مابي شي مره مره ممتاز عادي اكتبوا اللي تقدرون عليه
كتبنا مقال وكتبنا تلخيص وواجب ثالث نسيت وشو لكن كلها بسيطه جدا ومادري عاد عن الدرجات للحين ماعطانا الكلاس وورك بس على كلام الشباب انه يعطي فيها فل مارك ان شاء الله
د.سعيد العمري
أستاذ مساعد
مادة الكتابة الموضوعية ( الوظيفية ) 201
السمستر 101
بنود التقييم :
التحضير : كل كلاس ينادي بالأسماء ، ويحضر نهاية الكلاس ( "هو يقول نظاماً المفروض أحضركم بأول المحاضرة " لكن كمساعدة وتقدير لنا يحضرنا بآخر الكلاس )
طريقة الشرح : المادة سهلة جدا ، وأعتقد ان معظم الطلاب قد مارسوا مفردات المادة قبل لايدرسوها
ككتابة الرسائل الادراية والمقالة ومحضر الاجتماع وغيرها . . ، علاوة على ذلك طريقة شرحه بالمرة ممتازة ، يوضح لك وش الهدف ويحسسك بضرورة اتقان مهارة الكتابة الموضوعية . .
كما أن الدكتور العمري لايقتل الابداع ، يتركنا نكتب زي مانبي وبعد كذا يوجهنا للصواب إن كانت هناك أخطاء
وفيه دروس مثل البحث العلمي والتقرير ( بربرتها واجد ) فيخلينا نكتب الملخص معه لهالدروس ويكون عن طريق الإملاء لجل ترسخ المعلومات براسي وانا أكتبها . .
بااختصاار كنننق في الشرح ويخليك تتقن المهارات بدون بربرة واجد وسبوورة وكتابة ومدري وشو
الكويزات : مافي كويزات
المياجر: كومن
الفاينلات : كومون
القريد النهائي: +++++++ a +++++++
الصوت: وااااااااااضح
إضافات : الدكتور يحفظ الأسامي بسرعة ، أنا حفظ اسمي من أول محاضرة ( لأنه قالي طلع ورقة واكتب اسمك فيها ومررها لزملائك ) . .
هالانسان أعطاه ربي فصاحة عجيبة في اللسان
أحيانا يذب ، بس ذبااته حلووووة 
تخيلوا كلاسنا الساعة 7 يعني الواحد قايم من النوم والأغلبية معكرة المزاج ، لكن كلاسه ممتع كأنه كلاس الساعة 10
ااااااااااااااااخ بس لو يدرس 301
تعقيب بعد ماطلعت النتايج
كلاس ووركات يعطيك حقك بالملي
محسوبكم ولا غياب وكل اللي طالبه جايبه وعطاني 16 وبعد المطاليب صارت 17
قلت ماعليه 17 زينه ويقولون انه يدف قريد وكذا
طلعت من الفاينل ومجموعي 91 وانا مبسوط قلت بيعطيني a+ كل العالم يقولون انه يدف قريد
اخر شي نزلت لي a ويقول اللي باقي له عالقريد النهائي درجة اعطيه اب قريد يعني لو انه معطيني فل مارك بالكلاس وورك كان خذت a+
لكن الحمد لله على كل حال مع انها تفرق معي كثير وممكن توخر عني وورننق لكن الشكوى لله
باختصار اذا هو سابقا يدف قريد مثل مايقولون الحين مايدف ولاشي تاخذ حقك بالكلاس وورك وبالقريد ((لكن يبقى افضل الموجودين بعد التويجري طبعا))
انا درست عنده الكلاس وروك يعطيك فل في كل موضوع تقوله قدام الطلاب …
فاللي يبغى فل يطلع قدام الكلاس وانتهينا…
يبقى العمري أفضل دكتور مر علي بدف قريد والا بدون
طيب شرايك اني يمكن ثاني او ثالث واحد يطلع يقرأ المقال!!
وبأول يوم طلبه منا طلعت وقرأته وعطاني 8 من 10
انا ماقول انه سيء بالعكس ممتاز لكن اشوف ان التويجري افضل ويريحك اكثر
لكن هو ممتاز مقارنه بالزامل مثلا :S
خويي عند الزامل وماخذ بالمياجر فل ماركات واخرتها طلع ببي بلص اعتقد !!
عشانه معطيه 10 من 20 بالمشاركه وفوق هذا يكرفك كرف 
العمري ممتاز جدا ويريحك ومايطلب طلبات صعبه ابد ماطلب منا الا 4 اعمال وكلها سهله بالكلاس ممكن تسويها
لكن بس تصحيح لمعلومه انه يرفع كل السكشن قريد هذا غير صحيح ابدا بس هذا اللي كنت ابي اوضحه بالرد السابق ومايعني هذا انه دكتور سيء بالعكس مازال الافضل عندي بعد التويجري يعني لو يحصل لي بعدين ما احصل التويجري واحصله اكيد بنزل عنده ومو مستحيل الA+ عنده
انا من يوم شفتك مبسوط مع التويجري وانا غاسل يدي 
بالنسبة لي التويجري اخذتها معها يوم كانت المواد ما هي كومن …
فما ناسبني ابد ابد … انسان يشطح برى الدرس كثير …
غير كذا الكلاس وروك غريب عجيب كان عنده 
على العموم عشان ما نشطح العمري ششكله تغير انا
اخذتها معه ب91 وكان الللي يطلع يعطيه فل …
ويدف قريد او حتى قريدين … انا من الناس اللي دفني قريدين
لالا انا الترم هذا دارس معاه 101 ومادف احد قريد اللهم يوم نزل الدرجات قال اللي باقي له درجة عالقريد اللي بعده اعطيه اب قريد بس
والكلاس وورك ماعطا الا يمكن واحد او اثنين بالسكشن فل مارك والباقي على 19 و 18 و 17 واقل
يمكن بعد يكون القسمه نفسه شد شوي والزم الدكاتره على افرج مثلا او شي مادري!!
التويجري درست عنده الترم 92 وخذت عنده a+ الكلاس وورك فل مارك لكل الشعب عشان كذا خذت a+ ونزلت عنده 301 الترم الجاي ان شاء الله
وكلهم فيهم الخير والبركه ومايقصرون ان شاء الله
سعيد العمري اذا لقيت سكشنه مفتوح فانصحك تنزل عنده
مدرس مايكرفك كثير
كل اللي اعطاناه اربع واجبات تلخيص ورسالة ادارية ومقال وتقيم كتاب
التحضير مايحضر الا في نهاية الكلاس بس يحسب التأخير …
الكلاس ورك يقسمه على المقال والواجبات والحضور
المقال عليه 10 درجات
والواجبات 5
والحضور 5
المقال يعطيك حقك عليه
ويقول فيه طلاب مستعد اعطيهم a+ اذا جابوا مقال جامد
بخصوص دف القريد يقول الطلاب هم اللي اجبروه انه مايزيد اي طالب
لانه في سنة زود طلاب وجاته اعتراضات من بعض الطلاب
أخذت معاه ٢٠١ في ١٠١
الدكتور إذا كان عندك الحد الأدنى من الثقافة راح تحس إنه جاي من عالم ثاني
بالنسبة لي (الحمد لله مستواي جدا عالي في العربي و بخاصة الكتابة و كنت أكتب أحيانا في أحد الجرايد)
الدكتور ماله أي علاقة بالكتابة أو أسسها اللهم يقول طلع ورقة و يقوم يملينا الدرس و آخر ٤ أسابيع كلها قراءة للمقالات (قمة الملل) و في الأخير الغالبية ١٨ من ٢٠
تخيلوا الدكتور يقول ( مو صحيح أن اللغة العربية اسمها لغة الضاد)
مع احترامي الدكتور مناسب جدا للناس عديمي الثقافة عشان يريح الدكتور يخليه يتكلم براحته من دون لا يضطر يسلك
طبعا المشكلة في رأي ليست فقط في الدكتور إنما في كل القسم
إذا عندك استعداد ما تغيب ولا محاضرة وتسوي الـ 4 واجبات أضمن لك a+ عنده
غير كذا لو بتغيب وحتى لو كنت تحل واجباتك كاملة ما تضمن … خاصة مع أسئلة القسم المتخلفة
الدكتور ممتاز وأخلاق وطيب وما عليه كلام … لكن لا تنتظر منه غير الأب قريد لو ناقصك درجة
^^^
+1
الدكتور تغير في سمستر 101 وصار ما يسوي ب قريد الاا للي باقي له \رجة
الاسوء على الاطلاق
الزامل افضل منه
^^^^^^^^
سلامات !!!!!
طبعا وجهة نظرك ونحترمها لكن هذا ظلم عاد!!
الزامل انا خويي منزل عنده وقلت سالفته فوق
خويي مقدم اللي طالب منه الزامل بالتفصيل والمياجر والفاينل كلها فل مارك!!
اخرتها عطاه 10 من 20 بالكلاس وورك!
طلع بb+ مع انه ماخذ فل مارك بالاختبارات او انه ناقصه درجه وحده ماذكر!
اخذت معاه 201 في 101
الدكتور زي ماقالو الشباب مايكرفك وهذا احسن مافيه اخلاقه عالية وكلاسه ممتع ويشطح كثير
انا من الناس اللي نزلت عندو بسبب انو يشوت قريدات على حسب الاراء اللي في بداية هذا الموضوع بس للاسف مايدف الا اللي باقيلو درجة
توزيعه للكلاس وورك من وجهة نظري جدا ظاااااااااااااااااالم اول دكتور اشوفة بشيل درجة كاملة عن كل غياب ولايمسح اي غياب لو ايش انا اخذت فل مارك في ميجور ون وتو يعني الحمدلله كنت فاهم كان عندي غيابين ولارضى يشيل واحد الشي الثاني انو شال درجة كاااملة على تاخير عمل يعني في الاخير نسفني في الكلاس وورك واعتقد اللي اخذو فل مارك عندو قليل جدا
اذا مالقيت افضل منه نزل عنده وابدددددددا لاتغيب
مدرس ممتاز جدا ً , لكن لا تغيب عنده وبتحصل خير إن شاء الله .