افضل شي بالنسبة لدي الشركة
انك تتوظف فيها قبل لاتزوج لمدة خمس سنوات وتكون نفسك وتسويلك بيت…
واذا تزوجت تستقيل. وتشوفلك وظيفة مناسبة لوضعك
يا أخي الله يجزاك بكل خير
عيشتنا والله في جو العمل وكأني هناك من دقة التفاصيل الله يحفظك ،،
أقترح إفراد مشاركاتك بموضوع مستقل حتى تكون الدقة أكبر ونبتعد عن التشتيت
الله يرضى عليك حبيبي
يعطيك الف عافية
يا ليت لو تكمل
سؤال
ايش التخصصات الهندسية اللي يطلبوها شمبلر ؟
هل يطلبوا جميع التخصصات والا الكهربا فقط ؟
والله ثم والله ما شفيت في حياتي اداء دقه في سرد الكلام بالتفصيل مثلك
والله انك اتحفتنا بتجربه فضيعه وكأنك تصلح تكتب رويات
مشكور على هذا العمل والمجهود منك والله انك تستاهل اكبر تحيه
مشكور والف شكر والله يجعله ان شاءالله في ميزان حسناتك
مشكور على هذا الجهد
الله يبارك فيك ويوفقك
دقة لا متناهية ماشاء الله عليك
والله انك اتحفتنا وافدتنا
المايسترو كفييت و وفيت
بس عندي كم سؤال
اهل شمبرجر عندها ابتعاث داخلي للطلاب
لان انا حاليا سفمور هندسة ميكانيكة و قاعد اشوف الشركات اللي عندها ابتعاث داخلي
و احس الناس مبالغة شوي في شمبرجر الكل يقول كرف
لدرجة انهم يخوفو الواحد من الاسم بس
يعطيك العافية
شباب اشكركم على اطراءاتكم الحلوة و تراني ما سويت الا الواجب ،،،
بالنسبة للاخ اللي سأل عن لغة المقابلة ،، تراها كانت مخلوطة عربي على انجليزي ،،، بعدين انا ما ادري ليش انت تسأل عن لغة المقابلة ،، لاني افترض انه ما عندك اي مشكلة في اللغة ،،، انت ولد البترول ،، اصحا يا ولد ،،، و ترى اللغة مو عامل مهم و بس في شلمبرجير ،، لا بل هي من مسلمات المهارات اللي المفروض تكون في اي شخص يقول انه مهندس يتمنى يدخل شلمبرجير ،،، ترى عدد الناس الاجانب في شلمبرجير يفوق عدد العرب ،، يعني في اول مشروع توظفت فيه كان في ال senior staff اربعة موظفين عرب و انا خامسهم ،،، و باقي تقريبا 30 شخص كلهم اجانب ،،
ميزة اخرى بالمناسبة حلو انها تذكر ،، في مشروع اشتغلت فيه عدد الجنسيات فيه كان 27 جنسية و اول كورس حضرته و كان عبارة عن كورس تثقيفي و تعريفي بالشركة بس مدته 10 ايام في ماليزيا عدد الملتحقين بالكورس كنا 50 مهندس و مهندسة 27 اولاد و 23 بنات و كنا من 37 جنسية ،،، يعني تخيلوا من كل اقطار العالم ،،، و فعلا كان موجودين اناس من كل قارات العالم في ذاك التجمع الرائع ،،، الابيض و الاسود الطويل و القصير السمين و النحيف و المسلم و المسيحي و اليهودي و الهندوسي و البوذي و الذكر و الانثى و العربي و الاعجمي و الروماني.
الاخ اللي سأل عن الابتعاث الخارجي ما عندي معلومة اكيدة بصراحة ،،، بس سمعت شي من هالقبيل عام 2006 انه شلمبرجير بتسوي اتفاقية مع الجامعة بهالخصوص ،،، بس حقيقة ما اعرف اذا كان هالموضوع تم او لا
سأكون على اتم الاستعداد للرد على اية استفسارات بخصوص موضوع شلمبرجير
تحياتي مع امنياتي لكم بالتوفيق
اخوكم المايسترو
سؤال
ايش التخصصات الهندسية اللي يطلبوها شمبلر ؟
هل يطلبوا جميع التخصصات والا الكهربا فقط ؟
أستاذي … يبدو لي أنك لم تفهم المقصد من سؤالي … طرحت السؤال وأنا مستغرب من الأساس … لأن الأصل في المقابلات ان تكون باللغة الإنجليزية … ولا توصي حريص وانا اخوك … أشكرك مرة أخرى على رحابة صدرك وعلى مشاركتك لنا بهذه المعلومات القيمة جداً … عافاك الله وما قصرت …
Okay. هل الشركة تعطيك جوال ايضا ولا بس لابتوب؟ طيب هل السكن فيه تلفزيون واشيا ترفيه ثانية ولا لازم تجيب تلفزيونك؟
والله بطل والموضوع حفظته بالمفضلة
الله يوفقك
زودتنا بمعلومات والله اول مره اسمع فيها
انتظر كل مالديك
ايضا هل الشركة تعطي تذاكر سفر مجانية سنوية وخصومات فنادق ومحلات تاجير سيارات وهالحركات؟
وهل تدرس ابناء الموظف على نفقة الشركة؟
ماشالله عليك أخوي مايسترو , الله يجزاك الجنة , والله يعوضك على ما فاتك
بصراحة موضوع اكثر من رائع
والله انك حمستني 
مشكوووووووور من جد موضوع افادني بالكثير لاهنت ياغالي وبيض الله وجهك ووفقك وين ماتكون
عندي استفسار
هل الشركة تسمح للمهندس باكمال الدراسة للماجستير او الدكتوراة وهو على راس العمل ؟؟
هل سمعت بأحد مر بتجربة مماثلة ؟؟
هل تشعر بأن لدى الشركة الاستعداد لتلبية رغبة المهندس باكمال الدراسة، أم مجرد عمل ولا شئ غيره ؟؟
يعطيك العافية يالغالي على مجهوداتك واتحملنا ع الأسئلة
اخواني اقول للمرة الما ادري كم رقمها ،،، انا ما سويت الا الواجب ،، و الله يوفقنا و يوفقكم الى ما فيه الخير ،،
يعذورني الزملاء اللي سألوا راح ارد على اسئلتكم بس بدون ذكر الاسماء اختصارا للوقت ،،
الاخ اللي سأل عن لغة المقابلة ،،، الحمدلله انك طلعت قدها و قدود ،، و انا كنت متأكد انك ما تسأل عن اللغة خوفا منها و لكن جاء سؤالي من باب ليطمئن قلبي ،، ربي يوفقك
الاخ اللي سأل عن الشركة تعطيه جوال و الا بس لابتوب ،،، انا احب انوه هنا انه نفس الشخص سأل كمان اذا كان الشركة تعطبه تلفزيون بعد او لا و هل يدرسون الاولاد في مدارس خاصة ،،، انا احمل سؤال على محمل النية الطيبة ،،، بس ما ادري سؤال فيه نوع من الاستهزاء ،، انا كان هذا هو المحمل الصحيح ،،، فالله يغفر لك و يسامحك ،،، و انا كان سؤالك فيه جدية ،،، فاحب اقول لك الشركات توظف المهندسين و حط لي تحتها خطين كلمة مهندسين ،،، و تدفع فيهم عشان تطلع منهم فلوس مو عشان يمصون الشركة ،،،
بالنسبة للاودلا يدرسون في مدارس خاصة لو كنت في بلد خارج بلدك الام ،، لكن داخل بلدك الام لا ،،، بالنسبة للفنادق و ايجار السيارات ،،، عندهم اتفاقيات مع عدد من الفنادق في دول العالم و مع شركات تأجير السيارات ،، بعضهم يعطوك خصومات تصل الى 30 في المية, و الفنادق كلها اربع و خمسة نجوم
نقطة مهمة هنا ،،، ترى من جد ،،، و الله يا شباب في شلمبرجير ما تهمهم الفلوس و لا يبخلون على الموظف ،،، و الله ،،، قل تبغى فلوس ،،، تلقى ناس تسمع لك ،،، ما قول لك قل و راح يعطوك ،،، بس استجابتهم افضل من شركات كثيرة ،، و بعدين اصلا انت تستحي تقول ابغى فلوس ،، و الله ،،، تراهم يدفعوا فيك دفع،،،
الاخ اللي سأل عن دراسة الماجستير و الدكتوراة ،،، انا ما شفت احد شخصيا صراحة سوى هالموضوع ،،، لكني اذكر اني قرأت في موقع الشركة الداخلي Intranet انه في برنامج لدراسة الماجستير و الدكتوراة للموظفين و فيه شروط خاصة فيه ،،، و اما عن ان شلمبرجير تبغى الواحد يشتغل و بس ،،، انا شخصيا و من تجربتي اقول لك لا ،،، بصراحة عندهم اهتمام كبير في الابحاث ،، و اكبر دليل شف مركز الابحاث حقهم في وادي الظهران ،،، اكبر معهد ابحاث للهيدروكربونات في الشرق الاوسط ،، المركز هذا عبارة عن اتفاقية بينهم و بين الجامعة و ارامكو ،،، و عندهم طبعا مراكز ابحاث كبيرة و ضخمة اهمها في النرويج و الثاني هيوستن…
الاخ اللي سأل عن التخصصات ،،، انا تخصصي هندسة كهربائية و شفت شباب تخصصهم هندسة حاسب الي و ناس ميكانيكا و ناس هندسة بترول ،، طبعا هندسة بترول هاذولا اولاد الشركة ،،، فتقريبا ياخذوا كل تخصصات الهندسة ،،،
اتمنى ان جاوبت على كل التساؤلات اللي انطرحت و راح اكون على تواصل لاجابة اي تساؤلات جديدة
تحياتي
اخوكم المايسترو
السلام عليكم
:):):)
أخو العزيز The Maestro
- عندي سؤال بحكم خبرتك
هل هناك إقبال من الشركة لطلاب الكلية الصناعية و التقنية، من حيث العمل بوظيفة Technician ؟
- ما هي الكورسات التدريبية و المميزات عندهم للطلاب ؟
تحياتي لك 
ناصر عون
الاخ ناصر ،،،
نعم في توظيف لطلاب الكلية الصناعية بالجبيل و ينبع و الكلية التقنية ،،، الشركة توظفهم على الدرجة السابعة ،، براتب اساسي 6800 و بدل سكن يعادل ثلاثة رواتب اساسية شهرية ،،، طبعا ما ياخذون بونص عن الايام اللي يقضونها في الفيلد مثل المهندسين ،،، ما ياخذون راتب رمضان ،،، بس في السنة اللي استقلت فيها سمعت كلام انهم بيعطوهم راتب رمضان ،،، بس ما ادري اذا كان صار هالكلام او لا ،،، ياخذوا بونص شهري مثل المهندسين في حالة الانتاج حقق ال target ،،،
بالنسبة لارباح الشركة الربعية و الارباح السنوية لو وزعت الشركة بونص ،، ال specialists ما ياخذون بونص ،،
التأمين الطبي لهم هم Alico Silver اظني اذا ما انا غلطان للموظف و لكل فرد من اهله حد تغطية علاج بتكلفة 28000 ريال ،،،
بالنسبة لتطور ال specialists هو مثل المهندسين مرتبط بال E-Learning لكن مثلا خطة الشركة للمهندسين انه يبقوا في الفيلد لمدة 5 الى 7 سنوات و بعدها يحتلوا مراكز ادارية في احدى مراكز الشركة في احد المدن ،، يعني المهندسين ما راح يقضوا طول فترة توظيفهم في الفيلد ،، لكن ال specialists الشركة ما تقدم هذا النوع من الامتياز لهم ،،، و لكن هذا لا يعني ان ال specialist ما يحصل وظيفة في المدينة ،،، لا في ناس حصلت تقريبا بعد فترة 10 سنوات ،،، و يمكن حتى قبل ،،، و لكن برنامج الشركة لل specialist ما يذكر هالامتياز .
اتمنى ان هالمعلومات وافية لاستفسارك ،،، مع امنياتي لك بالموفقية
اخوك المايسترو
يعطيك العافيه
اخوي سؤال … واحد من الشباب في احد المواضيع كان كاتب ان الفيلد له مده معينه يعني تقريبا سنتين ونص … وبعدها يتحول الشغل لمكاتب … انت تقريبا اشتغلت 3 سنوات ولا حولوك ؟ هل المده اطول او الموضوع له طريقه ثانيه ياليت تتكلم عن هالنقطه ولا عليك امر
اكرر شكري =)
السلام عليكم
اخوي المايسترو اولا كفيت ووفيت وماتعرف قد ايش زدت من معنوياتي. جزاك الله الف خير.
ثانيا ودي اطرح سؤال مادري اذا تم طرحه ولا لا! لاني ماقرأت الردود في الصفحات الاولي سوى الصفحه الثالثه.
سؤالي هو ماهو معدل الطالب المتخرج من البترول المطلوب عند الشركه؟ وهل المعدل عندهم هو كل شيء ولا يهتمون بمواد معينه او نشاطات او ماشابه؟ لاني في العام الماضي رسبت في مادتين (بسبب الاهمال واللعب والكلام الفاضي) والحمدلله قاعد اصلح اخطائي وبإذن الله احسن لأحسن. واحس ان هذه المادتين تؤثر علي سجل الطالب خصوصا عند التقديم للشركات طبعا المادتين مواد عامه فيزياء و رياضيات ١٠١ كلها
اخوك سوفمور ميكانيكال وجزاك الله الف خير مره ثانيه