عفوا بس ياليت تتاكد من معلومتك بخصوص الهندسة وال specialist
لان اللي انا اعرفه اللي عنده هندسة وانجليزيته كويسة وعدا المقابلة ياخذونة كمهندس engineering field
اما اللي عنده دبلوم و انجليزيتة برضو كويسة ياخذونة كا specialist
اما recognized or not recognized مدري عنها
طبعا الحين شلمبرجير صاير عندهم نظام جديد وهو سبوعين تجربة منها يشوفون صبرك عالرق ومنها يشوفونك كفو ولا ماتستاهل وبعدها يوقعون معك العقد
اذا انت من جامعة البترول تطمن ياخذونك اذا كان فيه حاجة و عديت المقابلة بغض النظر عن تخصصك طبعا يكون تخصصك تقني مو مكاتب لانهم هم يبون هندسة يعني فاهم تكامل واشتقاق و فيزياء لانهم هم بيدرسونك بالسكول حقتهم
اما اذا انك من جامعة ثانية برضو فيه امل اذا انجليزيتك كويسة بس مو مثل امل طلاب البترول
اخوي عبدالله الدوسري ،، اشكر لك مداخلتك في الموضوع
بخصوص معلوماتي فانا مستند على معلومات من داخل سياسات و برامج الشركة بكوني احد موظفيها سابقا ،،،
اما بالنسبة لموضوع المهندس و ال specialist فكما اشرت في مشاركة سابقة و اضيف هنا اني انا بنفسي مواجه ناس في شلمبرجير خريجين بكالوريوس هندسة 4 سنوات ،،، و بالرغم من هذا تم توظيفهم ك specialist ،،،و في واحد من الشباب خريج بكالوريوس هندسة تم توظيفه ك specialist و لما سأل ادارة التوظيف وقت توظيفه ليش انه ما تم توظيفه كمهندس فتمت الاجابة عليه ان الجامعة المتخرج منها ما كانت مصنفة بالنسبة لشلمبرجير ،،، فتم توظيفه ك specialist ،،، و بعد مرور سنتين تم توظيف شخص جديد خريج نفس التخصص و نفس الجامعة وتم توظيفه كمهندس ،،، رجع خوينا لادارة التوظيف و سألهم ليش تم توظيفه specialist و الزميل الجديد تم توظيفه كمهندس بالرغم من انهم من نفس الجامعة و نفس التخصص ،، فتم الرد عليه بان رسلوا له قائمة الجامعات المصنفة للعام 2007 و كانت الجامعة المتخرج منها تم تصنيف لدى شلمبرجير في ذلك العام ،،،
فالمسألة اخوي مو مسألة انجليزي و مقابلة ،،، المسألة مسألة تصنيف للجامعة و التخصص
اما بالنسبة انهم يرسلوك للفيلد قبل التوظيف ،، هذا مو برنامج جديد ،،، انا توظفت في الشركة عام 2005 و تم الطلب مني اطلع للفيلد قبل توقيع العقد ،، و فعلا طلعت للفيلد لمدة اسبوع و لما رجعت وقعت العقذ
بالنسبة لردك على الاخ -شيخ بني تميم - ،،، فموضوع انهم يوظفوا اي تخصص فاسمح لي الكلام هذا مو دقيق ،،، شلمبرجير تركز في نوظيف خريجي الهندسة بنسبة اكثر من 90 في المية بالنسبة لوظائف برنامج المهندسين،،،و في طبعا تخصصات في الهندسة التركيز في توظيفها اكثر من غيرها كمان ،، مثلا الهندسة الكهربائية و الميكانيكية و الكمبيوتر هم الاكثر حظا ،،، طبعا هذا ما يعني ان هندسة النظم و غيرها من التخصصات مالها نصيب ،، لكن حصة تخصصات الهندسة الثلاثة المذكورة هي تحتل النسبة الاكبر من عرض الوظائف في شلمبرجير
اخي - شيخ بني تميم- انا متأسف على الرد متأخر،، بس انشغالي ،،، و اتمنى ان تتقبل ردي في هذه المشاركة كرد على تساؤلك
تحياتي لكم
اخوكم المايسترو
كلام جميل ولو انه خرعني شوي
لاني انا خريج كلية الجبيل بكالوريوس وعديت المقابلة وخلصت برنامج التجريب والحين قاعد انتظر يردون علي وان شالله فيه تفائل اني مقبول …بس عقب ردك خوفي يقولون مالك الا specialist
وعذرنا ياشيخ بني تميم اذا عطيناك معلومة غلط
اخوي عبدالله
انت ليش متشائم و تفرض ان كلية الجبيل الصناعية غير مصنفة لدى شلمبرجير ،،، و انا متأسف اني ما قدرت اخدمك لاني اعرف ان كلية الجبي الصناعية مصنفة لدى شلمبرجير كدبلوم و ذلك لاني ما شفت خريجي بكالوريوس من كلية الجبيل بسب حداثة البرنامج ،،، بس انا اظن (رأي شخصي) ان بكالوريوس كلية الجبيل الصناعية اظني راح يكون مصنف و ذلك لان برامج كلية الجبيل الصناعية هي موضوعة و مراجعة من قبل جامعة الملك فهد ،،،
فتأمل خير و تفاءل و ربي يوفقك ان شاء الله
و ننتظر البشارة منك في حال اتصلوا فيك و خبروك انك تعين كمهندس
تحيات اخوك
المايسترو
يعطيكم العافيه شباب ماقصرتو ورايتكم بيضاء بالتوفيق للجميع …
في رأيكم يا اخوان التقديم على شلمبرجير يكون افضل عن طريق النت او عن طريق مكتبهم اللي في الشرقية ؟
كم الفترة من يوم ما قدمت على شلمبرجير إلى أن اتصلوا فيك ؟
و كيف كان تقديمك على الشركة ؟
اخوي kau06
بالنسبة للتقديم على الشركة هو عن طريق موقعهم على النت هي الطريقة الوحيدة ،،، و بالنسبة للفترة بين التقديم ليوم ما اتصلوا علي ،، و الله ما اقدر اقول لك لاني ما ادري متى قدمت عليهم ،،، بس اعرف اني قدمت عليهم في السنة الاخيرة لي و انا في الجامعة
نحياتي
اخوك المايسترو
يعطيك العافية على المعلومات القيمة والمفيدة
لكن مالسبب في اختيارك قسم إدارة الأعمال في مرحلة الماجستير بديلا لقسمك الذي اخترته في مرحلة البكالوريس؟
لأني الصراحة السنة الجاية أبتخرج إن شاء الله وكم من واحد نصحني على إدارة الأعمال
ويعطيك العافية
اخي كوكتيل ،،
بالنسبة لي شخصيا كنت من البداية حاب اني ادرس هندسة ،، و كان الاقرب لي تخصص الهندسة الكهربائية ،،، طبعا انا ما دخلت هندسة كهربائية لاني مولع بها من الصغر او شي من هالقبيل ،،، انا كان توجهي اني ادرس هندسة لاحصل على دماغ تعرض لتجربة دراسية قيمة من الطراز الاول ،، و دراسة الهندسة واحدة من افضل المضامير لخوض مثل هالتجربة ،،، دراسة الهندسة تفتح لك افاق واسعة ،، لما تجي تشوف كيف نظرتك كدارس هندسة و كيف تقبل دماغك للعلوم الاخرى اللي ما درستها من قبل ،،، بتحس بفرق كبير بينك و بين غيرك من دارسين لتخصصات هي اقل مهاراة و اقل تكتيك من دراسة الهندسة ،،،
الامر الثاني توجهي لماجستير ادارة الاعمال بدلا من دراسة تخصصي ،، انا مثلا ما ذكرت سابقا ،، انا اصلا درست الهندسة الكهربائية و لكن لم امارسها يوما ما -عدا التدريب الصيفي- غير ذلك لم امارسها عمليا قط من تخرجي من الجامعة 2005 الى الان ،،، و انا لا اعتبر نفسي مهندس كهرباء ،، بل حامل شهادة و فكر هندسي ،، فضلا عن اني لا ارغب في التخصص الاكاديمي - اقصد ماجستير في الهندسة الكهربائية - و لكن احب ان اطور مهارات اخرى في شخصيتي و من اهمها هي الجانب الاداري بعد ان اسست الاسس المعقولة للجانب العملي …
فعلى هذا الاساس قررت دراسة ماجستير ادارة الاعمال ،،،
تحياتي
اخوك المايسترو
لا ان شالله متفائلين
وتوني قاري في منتدى شركتي ان في واحد من كليتنا تعين كمهندس
الله كريم ومشكور على دعواك
يعطيك العافية والله حبيبي الميستروا
أمس أرسلوا لي رسالة بمقابلة حيكون يها نقاش حول تأييد أو رفض استخدام الطاقة المتجددة وترك النفط والغاز
حبيت أسألك تتذكر كم كان الوقت بين أول مقابلة سووا لك هي وبين الزيارة اللي سويتها للفيلد ؟؟
ثانيا بخصوص الزيارة هل يودوك لنفس الفيلد اللي حتشتغل فيه ؟؟
ثالثا كيف كان الفحص الطبي وأين ؟؟
وأخيرا ما هي أماكن عمل شلمبرغير الربع الخالي ؟؟ يعني هل ممكن أتوظف في خريص أو العضلية مثلا ؟؟
جزاك الله كل خير واعذرنا على كثرة الأسئلة
وانا كذلك اتصلو علي شلمبر ونفس الموضوع الي انت بعد راح تتكلم عنه الي اهو الطاقه البديله
تحياتي للمايسترو
ماشاء الله عليك اخي مايسترو كفيت ووفيت والله
انا كنت ابحث عن من له خبره مع شلمبرجير من زمان
انا الان طالب مبتعث من ارامكو في الجامعه الحلوه هندسة بترول وباقي لي سنه
الصراحه من اول ماجاني عرض ارامكوو وقعت وانا مغمض عيوني
كنت اعرف ناس رفضو العرض كنت افكر مجانين هذولا واللا ايش؟
لاكن مع الوقت بديت اسمع بالشركات العالميه وكيف انها تتفوق بكل شي
وسمعت كيف الكرف معاها لاكن العوائد الممتازه وانا مع الوقت اوشفها تناسبني اكثر واكثر
اخي ايش تنصحني؟ هل شلمبرجير تسوى ان اطلع من ارامكو؟
وشي ثاني شيفرون اشوفك حطيتها بالتوب ممكن تعطينا خلفيه عنها وليش هي افضل
وشكرا
يا عاشق طيبة الله يوفقك و ييسر لك
س: متى قدمت عليهم و متى ردو عليك ؟
تحياتي ,
و كذلك أخونا الحرثوب … متى قدمت و متى ردو عليك ؟
تحياتي ,
قدمت عليهم يوم المهنة بس عن طريق الموقع قبل تقريبا 4 الى 5 شهور
اخوي عاشق طيبة و اخوي حرثوب ،،،اهنئكم على الوصول الى المقابلة و اسأل العزيز القدير ان يوفقكم و تعدون المقابلة ان شاء الله و نشوفكم من خيرة المهندسين في الحبيبة شلمبرجير ،،،
بالنسبة لاسئلتك اخوي عاشق طيبة ،، فاجاباتي هي كالتالي:
سويت المفابلة في اخر عشرة ايام من شهر رمضان ،،، و اتصلوا علي بعد اسبوع من عيد الفطر للذهاب للفيلد ،، يعني تقدر تقول تقريبا 20 يوم
بالنسبة للفيلد اللي بتزوره هو نفس الفيلد اللي راح تتعين فيه
بالنسبة للفحص الطبي كان في عيادة ليلى العنزي على طريق الدمام الخبر ،، الفحص كان فحص طبي شامل مثل اي فحص طبي اخر ،، دم + قلب + نظر + براز -الله يكرمك و يكرم السامعين ،، … الخ
اخوي مثل ما قلت لك شلمبرجير مكونة تقريبا من 7 وحدات و كل وحدة تقدر تنظر لها كشركة ،،، فالمشاريع متناشرة في ربوع المملكة ،،، بالنسبة للربع الخالي ،، ممكن تلقى اكثر من مشروع تابع لاكثر من وحدة في شلمبرجير ،، فكل هذا يعينه الوحدة اللي بتشتغل فيها
تحيات اخوك
المايسترو
الله يجزاك بالخير اخوي ويوفقك في الدنيا والاخرة
ما قصرت والله