لا جده , مدري بالضبط بس اتوقع خلال الاسبوعين الي راحت
عندي استفسار بسيط اذا مثلا جاني سوال بالمقابله وقال ليه تبي تتوظف ب شي غير تخصصك وش الاجابه الي تكون مثاليه ؟ وشكرا
السلام عليكم,
بخصوص سؤال المقابلة عن عمل بغير التخصص, عن نفسي بقول:
الخبرات اللي بكتسبها من العمل سواء بتخصصي او غير تخصصي كثيرة مثل مهارات التواصل مع الزملاء والمدراء وبناء علاقات ومعرفة بالانظمة والقوانين والالتزام والتحدي والانجاز واثبات الذات وهذه الخبرات مهمة لي كخريج حديث.
هذه اجابتي ومثلك اتمنى اشوف اجابات اكثر
بالتوفيق
بما انك محاسب , انا حديث تخرج وتخصصي محاسبه هل تشوف المكان يستاهل اني اضحي واشتغل بشي غير تخصصي ولا انتضر واشوف لما احصل وظيفه على تخصصي مع العلم اني متخرج ولي تقريبا ٥ شهور
اجابه جميله ومشابهه للي قلتها لكن بعدها سال واحد منهم سؤال تحشيري قال" يعني تفكر بعدين تاخذ الخبره و تطلع من عندنا" عشان كذا لازم تكون صياغة الكلام يكون موجهه للشركه وان المهارات هذي راح تفيدك شخصيا عشان تقدمها وتفيد الشركه وبكدا راح تتجنب مثل الاساله هذي، وحاول تكون متوقع معظم التعقيبات على كلامك
صعب نحكم لكن مافي شي يضرك اذا انت تشتغل وتطور نفسك و علاقاتك ماعندي خبره عن الانظمه الداخليه بس اذا في فرصة ترقيه بعدين مثلا من داخل الشركه لقسم المحاسبه تكون ماخسرت شي.
نجي من الناحية الماديه اول راتب يعتبر متوسط وممتاز قارنه بوظيفه في نفس مجالك عشان تعرف تحكم صح، المميزات حلوه تامين وبدل تذاكر وسكن، وعلى ما اظن فيه اوفر تايم و ان شاء الله يكون يفيد، ومن ناحية الترقيات والبونص ماعندي خلفيه عنها.
بالاخير الوظيفه هذي بتفيدك خبره لكن اكيد الافضل تكون خبره بمجالك عشان تعرف انت كيف ماشي في الكرير حقك وبالتوفيق جميعا.
اللي يجيه رد من اللي مقدمين ف الرياض ياليت يدينا خبر
أخوي تي اكوانتانت,
لا تشاورني ولا تشاور أحد, شاور نفسك واستخر ربك. أنا وغيري موب عايشين حياتك وعارفين جميع جوانبها نفسيا وماديا واجتماعيا وغيرها من جوانب الحياة. وفي حال انك قررت تقبل العرض, لا تنسى انه معاك ثلاث شهور بدون أي التزامات لا عليك ولا على رب العمل يعني بأي وقت تقدر تعتذر منهم. بعد الثلاث شهور تقدر تقدم استقالتك بأي وقت اللهم انك تعطيهم خبر قبل بشهرين علشان ما يصير عليك التزامات مالية. وبهالخصوص, اعتقد الشركات تختلف والشباب هنا يأكدون لك أكثر لأن موب متأكد.
نصيحتي لك الوحيدة هي انك تستفيد من وقتك بأي شي في مجالك وكمحاسب التحضير للشهادات المهنية شي عظيم وببساطة تقدر تكتبها بالسي في انك مرشح.
وبالنهاية لا تنسى تقدم على البق فور كلهم برامج حديثين التخرج تبدا في سبتمبر 2018
بالتوفيق
1 Like
والله محتار اقبلها ولا لا انا متخرج ليا ٩ شهور حاسب وهذي راتبها تقريبا ٧٩٠٠ احد يقلي طيب في تطور بالشركه الجامعيين راح يكون لهم دور فيها ولا زينا زي الثانوي !! ايش مستقبلنا فيها ؟؟؟
1 Like
انا زيك في بالي هذي الاسيله وبعد عندي عندي سوال نظام البونص والعلاوات كيف بيكون ؟, اتمنى احد يفيدنا , واحد من اخوياي باشر اليوم بجده ويقول ان في دورات لازم تعديها اظن عن انظمه هئيه الطيران المدني عشان تباشر بالمطار .
1 Like
طيب كم يخصم التقاعد شهري من الراتب
1 Like
الي اعرفه ٩٪ من الراتب الاساسي والله اعلم
شباب في احد ارسلوا له ايميل بمكان المقابلة ، لأن اتصلو اعلي وقالوا ارسلنا الايميل لكن ماجاني شي.
مو مكتوب ب الايميل مكان المقابله , ولكن قالو لي بالاتصال ان المكان فندق الانتر ب الخبر
يعطيك العافية
يا اخوان عندي استفسار بخصوص لو وقعت العقد وجتني فرصه افضل خلال الشهرين الجايه كيف راح تكون اجراءات الاستقاله هل يحق لي خلال فترة التدريب او على حسب العقد الملزوم فيه؟
1 Like
اعتقد بانه قد يكون هناك فترة تجريبية ثلاث شهور ومن ثم يصبح العقد ساري المفعول .
1 Like
اللي في الرياض احد وصله ايميل اعادة لاختبار الانقليزي اليوم؟
اخ حمد ، انا بعذ جاني موعد بإعادة الاختبار… ايش سالفته؟
انا وصلني بس هل هو وصل للكل حتى اللي اختبروا ولا كيف؟
مدري ،، بس هل هذا معناته يعني ماعدينا بالاختبار وبيعدونه لنا ولا وش السالفه