والله انا ارسلت قبل امس محد رد عليا
1 Like
السلام عليكم
الله يعطيكم العافيه ويرزقكم ان شالله
سوال الحين المعلومات الي طلبوها اسجلها بالسي في
ولا اكتبها في الايميل وارفق معاها السي في ؟؟
ضروري
وعليكم السلام ورحمة الله وبركاته
الله يعافيك ويرزقنا وإياكم
المعلومات تكتبها في الايميل وترفق معها ال CV
موفق يا غالي
1 Like
السلام عليكم شباب
انا سويت مقابله مع ارامكو لشركة علاء عزمي عبد الهادي وخليفة الحواس (SMP) شركة جديدة هالسنة ٢٠١٧ موقعين عقد مع ارامكو لمدة ٥ سنين. المهم ان اليوم عطوني العرض الوظيفي لمسمى وظيفي Asst Eng I قريد ١٠ الدوام ٥ ايام بالإسبوع ٤٠ ساعه وراح تكون مداوم في الفيلد. الفل بكج ١٢٣٠٠ ريال.
انا الحمد لله وقعت مع شركة ممتازه قبل فتره وماراح أقبل هذا الأوفر بس السبب الا يخليني اكتب هنا هو من واقع خبرة شفته خلال فتره قصيره مع الشركه ومن خلال ساعه مع SMP. الكلام الا راح اكتبه تحت موجه للأشخاص حديثي التخرج ووضعهم بعد التخرج طبيعي من ناحية اجراءات وحصول على الوظيفه.
لا تقرب ولا تفكر تدخل SMP , خليها اخر اخر اخر اخر خيار لو كل الدنيا قفلت عليك… لو جاتك شركه محترمه وقالت راح نوديك منطقة بعيده عن سكنك روح معاهم ولا توقع مع ال SMP. البيئة العملية شفتها سيئة , جماعات وتحزبات من جنسيات عربية واجانب على السعوديين وتعامل مو لهناك. طبعا انا كنت متوقع شركات ال SMP لبس رسمي اما ثوب وشماغ او قميص وبنطلون رسمي زي ارامكو والشركات المحترمه بس اتفاجئت انك كأنك داخل بقاله… الا قابلني عشان يسلمني الأوفر لابس جينز وفانيلة رياضه والا جاي بثياب رياضه ممكن البعض يقول شدخلك من هذا كله بس أنا اتكلم عن هذه التجربة لأني شايف في الشركة الا ابتديت فيها كيف المكان نظيف ومرتب والناس كلها لابس لبس رسمي وهذا الشي ينعكس بشكل كبير جدا على بيئة العمل واحترام الشركه لك واحترامك لها يزيد… والله وانا طالع من شركة الكونتراكتر كنت افكر لو ماكان عندي وظيفه , هل راح اقبل اشتغل معاهم… مادري ويش راح يكون وضعي واحتمال كبير ما اقبل لاني اعرف ان منظلم بالوظيفه وما استحق اسمى مساعد مهندس وانا متخرج مهندس
نصيحتي: لا تروح عليهم الا اذا اتسكرت ابواب الشركات كلها بوجهك , والشيئ الا يحز في خاطري ويكدرني ان السعودي يقبل اي شي … يعني الاتش ار يترجاني يقولي وقع العقد ونبيك لاني متخرج بمرتبة الشرف واللغه عندي قويه وقام وفتح قدامي سيفيات وعقود (هذا يبين لك ان حتى خصوصيات الغير يشاركونها مع اي احد والشيئ هذا ازعجني) وقال فلان يستلم ٦ الاف وفلان عنده ماستر والفل بكج ٧ وعنده خبره وكانوا كلهم مع الأسف سعوديين. الكلام ان الشركات مجبرين توقع مع السعوديين عشان ارامكو تستمر معاهم بالمشروع وبما ان السعوديين مساكين واغلبهم عاطلين راح نجيبهم ونوظفهم على فتات الخبز من رواتب وبنقوله اذا ماتوقع العقد الان راح نروح للي بعد واللي بعدك لين مايجي واحد ويقبل والمسكين يقبل ٤٨ ساعه ب ٧ الاف فل بكج والا تدفعه ارامكو لهم يمكن يوصل ١٥ الف. انا عطوني راتب عالي واقرب بوزيشن للانجنير ولكن يظل اجحاف بحقنا احنا السعوديين وانا اقول حرام نقبل ان يتم توظيف اي مهندس براتب اقل من ٩ الاف حتى ٩ قليل بس ماتوصل فينا ان نقبل بال ٤ , ٥ او ٦ الاف ريال. معذره على الاطاله بس والله فيني حره وقهر
8 Likes
الله يوفقك ان شاء الله
ممكن طريقة التقديم ؟
2 Likes
لو سمحت أخوي متى كانت المقابلة ؟ لأن كلموني قبل فترة وقالوا بنرفع إسمك لأرامكو وحتى الحين ما صار شيء
اتفق مع بعض كلامك ،، واعتقد انك بالغت في وصف مدى سوء الاس ام بي ،، اول شي البيئة والاحترام ابد ماله علاقة انت شغلك مع ارامكو وبيئتك ارامكو والكونتراكتر ماله شغل فيك ، وصفك كان في كثير من السطحية وحكمك مبني على اشياء وهمية ،، يوم تقول تحزبات ما تحزبات مادري مافهمت وش تحزباته بس ؟ واي جنسيات عربية اللي تتكلم عنها ابي اعرف؟؟ الكونتراكتر تعاملكم معهم بالنسبة لشغلك مع ارامكو لو بقارنها يمكن مرة او مرتين في الشهر اذا صار عندك مشكلة في راتبك او عندك معاملة متوقفة. واحيانا تمر شهور ما تتصل عليهم ولا ترسل لهم حتى ايميل. انا ما ابرر سوء الكونتراكتر وسوء وضع الاس ام بي بالنسبة للدايركت ارامكو ،، لكن القضايا اللي ناقشتها جدا مافيها اي منطقية. انا كملت تقريبا سنة الان وما اقولك ان الوضع زين لا ابدا الوضع سيء لحد ما. بالنسبة للكونتراكتر انا عن نفسي ما احترم اي احد فيهم واتصاقع معهم من فترة لفترة، لكن موقفك دايم اقوى ومعك مديرك وارامكو دايم في صفك. ومشاكلي مع الكونتراكتر بعيدة كل البعد عن شغلي. انت لو تبي الصدق مشكلتك مع ارامكو مب مع الكونتراكتر والعقود هذي كلها موافقة عليها ارامكو والمقاول زي العبد المأمور اللي تبيه ارامكو يسويه.
موفق
4 Likes
المقابلة كانت رمضان ولم رحت حق العقد قالوا ارامكو وافقوا على ٣ واذا رفضت العقد راح يروح للشخص الا تحتك… اذا ماتواصلوا معك ف يمكن ماتمت الموافقه عليك مع الأسف.
صحيح كلامك وانا ممكن حكمت معهم بسطحية بسبب أني ما أشتغلت معهم وأنت اكيد اخبر مني في هذا الموضوع ولكن عندي اقارب شغالين اس ام بي هذا كلامهم وانا لم جيت اطلع من المبنى شفت واحد سعودي وسولفت معاه وقالي البيئة العملية سيئة وانصحك لاتجي اذا عندك وظيفه في مكان ثاني. كلامي الا كتبته بناءً على الا شفته في فترة بسيطه (ساعه) والكلام الا سمعته من ناس شغاله اس ام بي. الجنسيات العربية المصريين والاردنين او لبنانيين من هذي المناطق, وعندك ايضا الأجانب زي الهنود. وكلامك ١٠٠٪ صحيح , المشكلة الكبرى ارامكو الا تحدك على الكونتراكتر تبيك ولكن ماتبي تبتلش كموظف دائم
موفقين ياشباب
1 Like
شباب الوظائف هذي للمهندسين فقط ؟ وهل اقدر اقدم عليها ومعي دبلوم ؟
إذا كانت هذه الشركة تشتغل مع PMT أرامكو ، فكلامك عارٍ من الصحة ، لأن علاقتك مع أرامكو و تشتغل تحت إدارة أرامكو و ٩٠٪ سعوديين ، مافي عرب أبداً إلا اللي معهم جنسيات غربية .
1 Like
أنا تدربت الصيف الماضي بمشروع توسعة سكن أرامكو الظهران وكلام الأخ MS-26 صحيح بناء على تجربتي شهرين, مثلا شركة اليمامة اشتغلت معهم شهر والغالبية من مهندسيهم عرب(الأردن, لبنان … الخ) واشتغلت مع الخنيني شهر(ماسك 13 عمارة) وجميع المهندسين بلا استثناء من الهند وباكستان(شفت واحد فريش قراديويت) ما عدا سعودي واحد وداخل بالواسطة على كلامه.
ما أدري هل هم نفسهم SMP أو لأ لكن كان يجي من فترة لفترة مهندس ارامكو PMT سعودي ومعه أجنبي يوقعون اوراق RFI ويمشون لكن الغالبية مهندسين أجانب.
1 Like
السلام عليكم
اخواني ايش الشركات الي عندها وظائف في الرق … اناا مستعد اشتغل فيها ممكن تعطوني اسماء الشركات
السؤال التاني هل شركات SMP فيها فرص عمل في الرق ولو فيه هل يعطو الموظف بدلات ورواتب حلوه اذا اشتغل في الرق
وشكرا
شركه ايسار للمشاريع الهندسيه تبحث عن موظفين في مشروعها القادم مع شركه ارامكو السعوديه
Project Info: Pipeline Rehabilitation in Ras Tanura and Khursaniya
· Planning Engineer
· Electrical Engineer
· Document Controller
· Mechanical Engineer
· Piping Engineer
· QA Manager
· Safety Manager
· QC Manager
· QA/QC Supervisor for all disciplines (Welding, Piping, Instrumentation)
· Project Secretary (Male)
· Inspectors & Coordinator (NDT)
· GRO
· PRO
· Instrumentation Engineer
· IT Engineer/Manager
· Construction Engineer/ Manager
· E&I Engineer
· Safety Supervisor
· Procurement Supervisor
Please send your CV to resume.epsc@essar.com
Note: Preferably we are looking for Saudi nationals & Aramco approved expat candidates with 4-5 years of relevant experience in pipeline field.
Fresh graduate saudis are welcome as well to apply.
2 Likes
صباح الخير هل وصل احد منكم علم بوقت المقابلات؟
معقوله ما فيه رد
يا مهندس صالح لحد الآن ما جانا رد من سراكو
إذا جاء رد إن شاء الله راح نعلنه في المنتدى
والله يكتب اللي فيه الخير للجميع
3 Likes
وصلني ايميل من الحقيط بان في حملة توظيف لمهندسين حدديثي التخرج بس بيكون الworkshop الخاص بيها بعد الحج
4 Likes
الله يوفقك وكل المتقدمين يارب ، اذا الإيميل يختلف عن ذا hrd@alhugayet.com ياليت تطرحه هنا للفائدة
2 Likes
هذا الايميل
job@alhugayet.com
2 Likes