ياشباب اللي سويتوا المقابلة ، معقولة ماتبون تردون علينا وتفيدونا ولو بكلمة ؟؟؟؟؟!!!!
نبي رد ياشباب من الي قابلو ؟؟ شالوضع ؟
انا مقابلتي بعد ثلاث ساعات. ان شاء الله اخلص وارد عليكم تخصصي هندسه ميكانيكيه. الشباب اللي خلصو مقابله ترا مافيها شي تساعدون اخوانكم والرزق بيد الله.
1 Like
خل عندك رؤوس اقلام و قوانين هذي المواد : ثرنوداينمكس ، فلود ، متريل ساينس ، هيت ترانسفر ما سالني ولا سؤال عن المؤسسه انا اتكلم عن مقابلتي كلها كانت في مواد التخصص وطبعا عرف عن نفسك وش شغلتك الي عليها خبره لو كان عندك خبره بس تركيزهم كله على المواد اكثر من اي شي ثاني والله يوفقكم جميعاً
1 Like
سلام عليكم ها بشر ايش صار معاك
اظن اليوم اخر يوم للمقابلات انا وصلت بدري…
لقيت قدامي ٢٥ كتبت اسمي على ورقة
على ٩:٣٠ بدئوا بمناداة الأسماء وتقسيمنا بالترتيب لكل تخصص…
على ٩:٤٥ بدئوا بفرزنا على جهاز الكمبيوتر والتأكد من الهوية والشهادة وكشف الدرجات. وقتها من الهوية يعرفوا اذا انت نادوك عن طريق الايميل او انك جاي كذا… اللي جاي بدون دعوة يقولون له تنتظر إلى اخر المقابلات…
بعد ذلك وزعونا مجموعات على حسب التخصص كل مجموعة أمام غرفة…
داخل الغرفة فيه ٣ طاولات كل طاولة عليها شخصين وكل متقدم يجلس على طالبة ويسوون له المقابلة
انا جاي خبرة سألوني عن اش عملت ومعدلي ويسألوني عن الحياة الوظيفية وبدءوا يسالوا بشكل دقيق عن عملي وش كنت أعمل زاسئلتهم محددة عن مهام العمل بيعرفوا انا اشتغل وعندي شي ولا بس اداوم وبس
بعد ذلك بدئوا يسالوا عن الثيرموداينميك وعن فهمي للسايكلز… وجاوبت على خفيف وقالوا لي فالنهاية ماشاء الله عليك
انتظر اتصال قريب
مافهمت هل قبلوني ولا لا الله اعلم
1 Like
السلام عليكم … بالتوفيق للجميع
ونتمنى يا شباب اللي يوصله خبر عن القبول النهائي يبلغنا.
بالتوفيق.
السلام عليكم يا مهندسين
يا شباب ما عندكم خبر متى يبدأ الرد في حال القبول أو الرفض؟
يا ليت اللي يوصله خبر عن القبول النهائي يبلغنا.
تمنياتي بالتوفيق للجميع
اي جديد ياشباب اتمنى ماتبخلون وبالتوفيق للجميع
تواصلت مع شخص كان يشتغل بال hr قال الموضوع ياخذ شوي وقت بدون مايحدد لي كم بس انه الاوراق تطلع للمعالي وبعدين يردون
2 Likes
سألناهم بعد المقابلة ، وقالوا أن النتائج راح تكون في شوال والله يوفقنا واياكم .
1 Like
السلام عليكم ورحمة الله
انا مهندس ميكانيكي سويت مقابلة اخر يوم اللي هو كان الخميس
انا خبرتي في إدارة المشاريع وماشتغلت نهائيا في التشغيل والصيانة ويوم شافو خبرتي في ادارة المشاريع سألوني في إدارة المشاريع اسئلة سهله وجاوبت بعدها سألوني كم سؤال في المضخات وانواعها والمواد الي تصنع منها وسألوني عن رانكن سايكل وبس
المقابله بسيطه ماخذت يمكن 10 دقايق بس فيه ناس طولو
اللي عرفته من شخص يعمل هناك ان الفريش راح ينضمون للدورة التأهيلية للمههندسين والخبرات راح يوزعوهنم على المحطات
وايضا سالت عن الوظايف قالو تشغيل وصيانة ولكن فيه جزء راح يوزعونهم على ادارة المشاريع
هذا والله اعلم
2 Likes
الله يوفق الجميع
1 Like
طولوها والله ولا يردون الhr
ابد مافي اي رد
حاولت اتصل ع رقمهم الموجود ع الموقع بس بدون فايدة
اللي يوصله اي شي يعلمنا
كلمت واحد يروح لهم كلمهم قالوا لسا ماتحدد وعلى حسب المكان مثلا لو الوظيفه بالاداره العامه بالرياض في مقابله ثانيه مع المعالي المهم ماتاخذ منهم كلام بالضبط متى الرد ف لاحد يروح لهم يتعب نفسه مافي الا الانتظار
انا كلمت رقم المعهد اللي تقام به الدورات ورد واحد يقول ما ادري بس كلم السنترال … كلمت السنترال قال ما عندنا اي خبر عن شيء ولكن انتظر ويجيك منهم الرد ان شاء الله … فما فيه الا الانتظار ونسال الله ان يسمعنا ما هو خير لنا.
اعداد المتقدمين كبير والي سوو معهم مقابله عدد كبير يحتاجوا وقت للفرز وبصراحه انا دخلت مقابلات قبل لاكن مقابلة التحليه كانت من اغرب المقابلات الي واجهتها بحياتي ناس يطولوا معاهم بالساعه وناس يدخلوا مايكملوا عشرين دقيقه ولا حد يدري اختيارهم بناءًا على ايش لان ماعندهم اوراق تقييم لما تدخل المقابله ياخذ اسمك وبطاقة احوالك يسجلها بورقه وياخذ معلومات عن المعدل واي جامعة تخرجت واي سنه بعدين يبتدوا يسألوا العدد كبيير والله يكتب لنا نصيب فيها اختيارهم للمتقدمين التحليه يختلف حتى بعد المقابلات يختلف عن الشركات الخاصه على كلام واحد كان موظف فيها والله اعلم فا اتوقع الرد بيكون هالاسبوعين بالنسبه للفرش لان الكورسات تبتدي بعد شهر تقريبًا واسال الله التوفيق لي ولكم ويرزقنا من واسع فضله يارب
1 Like
سلام عليكم جميعاً
في اي اخبار او احد جاه رد من المؤسسة؟؟
ومتى راح تبتدي الدوره التأهيليه بالضبط؟؟
وبالتوفيق للجميع ان شاءالله
أعتقد الدورة تبدأ سبتمبر
بالنسبة للرد للحين ماجاني رد مدري عن باقي الشباب
اللي يجيه علم يعطينا خبر
بالتوفيق للجميع