بالنسبه لحفظ المصطلحات الإنجليزيه والأكواد هذا ما يهمني ((شر لابد منه)) …
_____
لكن الكلام عن الدكاتره ما يطمن … ما إنحشنا من الملك سعود إلا من شين الدكاتره نجي هنا بعد ؟؟!!
الأخ eXplicit … صحيح كلامك عن الطلب على الخريجين ؟؟ من وين جبت هالمعلومات الله يبشرك بالخير ؟؟
على فكره متى يوم المهنه ؟؟ ومسموح للأوريات يدخلون ؟؟ خخخخخ
----------------------------------
yamenzx
أنا جاي للنقطه هاذي بس إصبر لي شوي …
----------------------------------
الأخ وائل … ممكن أصدق كلامك لو كنت تتكلم عن وظيفه محاسبه أو كاشير … لكن مهندس برمجه ما أعتقد كلامك هذا صح … لو كان صح كان ما إشتغل ولا سعودي ولا لا ؟؟
خليني اختصرها لك،، انت كشخص تحب تقعد على الكمبيوتر وتتفنن بالشغل؟ يعني يجيك بروجكت وتقعد تشتغل عليه وتعدل وتبدل وتضبط وبعدين تسلمه وانت مبسوط؟ هذا هو مجالك @3@
اما اذا من النوع اللي تزق اخلاقك @64@ اذا قعدت على الجهاز وماتقدر تقعد عليه فوق 8 ساعات يومياً واذا مسكت بروجكت،، تروح تطامر تشوف لك واحد يشتغل معاك لأنك من جنبها،، فأنا اقول ابعد عن التخصص وشوف لك شئ ثاني
هل انت تحب الـ Logic وتقعد تشوف وين الأخطاء وتتبعها؟ وبالنهايه يطلع خطأ غبي شوي غيرك يحله بثواني لأنه عينه طاحت على الكود بالصدفه؟ اذا عصبت فأعرف ان هذا ماهو تخصصك؟ واذا انبسطت لأنك عرفت الخطأ وتتعلم من خطاك فهذا التخصص اللي ينفعك؟
هل انت من النوع اللي يشتغل لنفسه؟ يعني تسوي برنامج لك انت فقط عشان تشوف وش تقدر تسوي وتفرد عضلاتك بالكود؟ @18@ نعععععم هذا هو تخصصك
يمكن انا اعرف 15 شخص واروح معهم دايم يوم كنت بالجامعه كنا احنا 3 اشخاص اللي مهتمين بالمجال وكنا نتعلم من بعض ونقرا وكل شئ (علماً اني انا ومعاي واحد معدلاتنا عاديه جداً) لكن الحمدلله وقت المقابله،، يبان الشخص اللي فاهم من اللي حافظ.
اخيراً في شخص تخصص ICS ومن قوة الحفظ جاب معدل فوق 3 من 4،، طبعاً توظف بارامكو وبهذا المعدل المحترم خلوه يشتغل على شئ مهم جداً (انا من الناس اللي اتمنى اشتغل بنفس مكانه) ولكن للأسف لأن الشخص هذا ماهو حول التخصص ويوم شافوا ان ماعنده اللا الدجه،، خلوه support والأخ زعلان خخخخخخخخخخخخخخخخخخخخخ @35@ ،، على باله انه بالجامعه وفي واحد بيقعد جنبه يعلمه ويشتغل عنه!! مثل هذي الاشكال هي قاعده تشوه سمعه خريجين الجامعه وان شاء الله يكونون قله قليله لاتشوه الصوره
إخوي دكتور … والله إسم على مسمى … والنعم
بالنسبه أقعد على الكمبيوتر وأشتغل بالساعات شغل صح …والله أموت على هالشغله ((ينعن أبو العربجه))
أتعلم من أخطائي … أبحث عن الخطأ وينه … برضوه أحب أغلط وأتعلم لأني كذا ما أنسى أبد …
----------------------
لكن فيه شي مخوفني … أنا عمري ما إحترفت على لغه برمجه للأسف … ((بس حدي شغل الثانويه على الفيجوال بيسك))
يعني ممكن أخش التخصص وأنا ما قد ((جربت)) أشتغل على لغه برمجه …
