هل هذا العرض معقول لأنه جاني توه بالأيميل
العرض مو موجود أخوي … ياليت ترفعه مرة ثانية …
بالتوفيق … 
ماطلع شي !
صراحه العرض ابداع وما يتفوت بس الله يهديه الي ارسله لك
الظاهر كتبه والجهاز مقفل
انت شكلك مقدم على الاستخبارات وكاتبين لك العرض بالحبر السري خخخخ
^
الظاهر
العرض ماطلع لنا ، بس اذا انت شاك عشان الراتب مرتفع … فهذهـ عادة بكتل .
معاك فيتامين واو جامد
لا تتردد على طوووووول ولا تنسى تكلم ابوك يعطيك فلوس الفطور إذا داومت
الحين بكتل وظايفهم في الجبيل صح؟ طيب ليش ما تحط لينا هالاوفر الرهيب نبغى نشوفه
ممكن الرجال أنصطدم من العرض وتردد يكتبة لنا في موضوعة
بالنسبه للرواتب في بكتل فهي كالتالي لمهندس حديث التخرج: ويوضع على قريد (23)
- راتب اساسي 10370 ريال
- بدل سكن 1500 ريال
- بدل نقل 600 ريال
- بدل غلاء معيشه 15%
- يحق لموظف بيكتل السعودي الإنضمام لبرنامج التمليك للمنازل اللذي تقدمة الهيئة الملكية.
- وإذا قررت الحكومة الإستغناء عن شركة بيكتل فإن الموظف السعودي سيتحول تلقائي لموظف بالهيئة الملكية.
بالاضافه الى الاوفر تايم و الساعه بساعه و نص.
بعد خصم التامينات يكون التوتل تقريبا 13000 ريال
الدوام 54 ساعة بالإسبوع وعادة يرسلون عروضهم عن طريق الإيميل - ترسل لهم الموافقة المبدئية - وبعدها تحضر شخصياً لتوقيع العقد.
الله يقطع شرك خليتني اغص بأكلي ههههه.
اذا المهندس في بكتل يستلم 10370 عن 54 ساعة عمل؟ عشان نقارن بباقي الشركات، نشوف كم يستلم خلال 40 ساعة عمل، 7680 ريال! مو راتب عالي بالمرة! أعتقد عرض الهيئة الملكية افضل من عرض بكتل
اذا كواب كم ساعة شغل و كم الراتب عندهم للكواب
ثانيا يقبلون تخصص تسويق؟
الهيئة تفرض على الشركة نسبة سعودة معينة , ولكن هل الكوآب داخل فيها ما أدري صراحة
أغلب الموظفين مهندسين “تسويق ما أعتقد”
*يميّزها عن الهيئة هي أن الشركة إدارتها أمريكية :
1- تقيّيمك السنوي ( لايوجد ظلم في التقييم السنوي والترقيات والعلااوات ماشية) السوبر فايزر يجتمع معاك وتتناقشون عن تقييمك على سبيل المثال أخذت في التقييم b بعدها يجلس معاك ويذكرلك الأسباب إما تقنعة أو يقنعك.
2- لك الاحقية في تقييم عمل السوبر فايزر في نهاية السنة وتقييمك يُأخذ على محمل الجد.
3- تدخل على مدير الإدارة في أي وقت وتتناقش معاة عن أي موضوع و كأنة واحد من الزملاء
^^^^^^^^^^^
وهو ماتفتقدة في الإدارات السعودية
إما تكون معك واسطة ولا حقك مهضوم من ناحية التقييم
ممكن البعض يرى أن 54 ساعة كثيرة جداً ولكن بيئة العمل محفزة بقوة ويمشي الوقت وأنت ماتحس فية ( بعض الموظفين يطلع يوم الخميس الساعة 2 الظهر من شدة الإندماج وروح العمل)
كان فية مهندس سعودي أخذ خبرة سنة وبعدها قدم الإستقالة بسبب ساعات العمل (54) وذهب لإحدى الشركات الكبرى في الشرقية بعدها بخمسة شهور رجع إلى بيكتل ولما سألناة قال " بيئة العمل ماتساعد"
وأهم شئ مكان العمل اللي ترتاح فية
^^^
وجهة نظر
في سابك يكون 9500 و40 ساعة عمل
الراتب مايفرق معي بقدر مايفرق معي الراحة في العمل والمميزات اللتي تقدمها جهة العمل للموظف
- موظف بيكتل ينطبق علية ماينطبق على موظف الهيئة من ناحية الإسكان
عندك حصولك على سكن عزاب يُخصم من الراتب سعر رمزي 157 ريال شهرياً وعند حصولك على شقق عوائل يٌخصم من الراتب 500 ريال شهرياً في سابك لكلى الحالتين 2500 ريال.
- نظام تمليك المنازل الدفعة الأولى إستلمت عام 2010 والدفعة الثانية عام 2012 والدفعة الثالثة المتوقع تسليمها في نهاية 2013 ( تخيّل تملكك للمنزل وأنت خادم في الشركة فقط 4 سنوات) وإذهب لحي جلمودة وترى التشييد واقف على قدم وساق
لايوجد فرق بين المهندس والغير مهندس من ناحية تسليم المنازل والفيصل هو تاريخ الإلتحاق بعكس سابك
في سابك متى تتملك منزل؟
سأقتبس بعض ردود موظفي سابك من ناحية تملك المنازل وأحكم بنفسك
لأسف ضاعت حقوقنا وصكو الباب امامنا اصبحنا نعيش كي نعمل ولم نعد نعمل كي نعيش عمري الآن 32 ولو انتظر عشرين سنه ماراح يجيني بيت والضاهر ماراح يجيني لم عمري بيكون فوق 50 سنه ولا تنطبق على الشروط في هذا العمر كي اخذ منزل .
13 سنة وانا موظف بحديد سابك ومدري متى أخذ بيت.
يعني سابك ماتقدر تسوي نفس الشركات الأخرى ارض وقرض زي الخلق مو 500 الف الواحد مدري وش يسوي فيها أذا بيشتري أرض بالجبيل الصناعية يزيد عليها 100 الف بس. وأذا ناوي يبني يروح يشتريله خيمة وبيت شعر ويأثثها من مجاميعه بسلف أحسن من انه يستنى الدور. مهزلة
13 سنة خدمة في سابك ولغاية الان لم اتملك منزل يؤمن لي ولأسرتي الإستقرار
غيروا نظام النقاط لصالح المهندسين وتناسوا ان من يشغل المصانع هم المشغلين
حسبي الله ونعم الوكيل على من كان السبب
الى متى يا سابك هذاالظلم
انا موظف بسابك منذو 13 سنة والى الان لا اعرف كم رقمي بالتمليك لانه كل سنة اسئل يقولي رقم يختلف عن السنة الي قبل بسبب التقييم السنوي وانا وش ذنبي اذا رائيسي مزاجه متقلب وكل سنة معطيني جيد تصورو في موظفين اقل مني بالدرجة الوظيفيه ولاكن اعلى مني في سرى التمليك وهذا كله بسبب المحسوبيه والواسطه شكرا
نحن اصحاب الخدمه الأكثر في سابك حرمنا من تملك المنازل وأعطيت لأصحاب الشهادات العليا.
وذالك بعد تعديل استحقاق النقاط لتملك المنازل واستبدال نقاط الخدمه بنقاط المنصب (القريد)
و من المعروف ان صاحب الخدمه الأكثر هو الذي يستحق الحصول على منزل وليس صاحب المنصب العالي
14 سنه في شركه حديد
متزوج وعندي 3 اطفال
الراتب 8150
سراي في التمليك حول 500 يعني قدامي أكثر من 400 موظف على مستوى حديد فمابالك على مستوى سابك!!!!!!!!!
الحل مافي غير :- أنا ولي مثلي في سابك يعطونا بيوت في أقرب فرصه ممكنه يبتدون اللي صارله أكثر من 15سنه (سابك لازم تقدرالخدمه
أول مرة أسمع عن نظام الظلم ( نظام النقاط) و (التقييم السنوي) يدخلان في نظام تملك المنازل
المشغل يكرف بالمصنع ليل مع نهار ويجي المهندس وياخذ نقاط أكثر منة ويتقدم علية في سرى التمليك
عموماً المسئلة مسئلة قناعات شخصية وأهداف ؟ وأي من الشركات تئمن لك ذلك ؟
اخوي علي محمد اللحين الشركة فيها كوواب او لا وتقبل غير السعوديين
هذا ايميل شركة بكتل ارسل فيه السي في ؟