السلام عليكم ورحمه الله وبركاته انا جديد هنا واخيرا تفعلت عضويتي والله داخلن عليكم لانكم خبرره وممكن تنفعوني ابي ردود لموضوعي وااضحه
انا انقبلت ابتعاث المرحله هاذي تخصص صحي
ياطب اسنان او طوارى او فارامادي دكتور صحي
وجاني قبول ارامكو تدرج قبول نهائي الاسبوع الجاي اختباري العملي
وعندي اختبار برضو في سابك توظيف مشغلين
طبعا الابتعاث خلصت كل شي جاهز خلصت التاشيره حتى
وش راااايكم وين اررروح وين ارروح مع ذكر السبب والتوضييييح
والله بيني وبينك الابتعتاث ممتاز ولما انك مدسن فهذا احسن واحسن بس انت وشي ميولك يعني مثلا انت تحب الرياضيات ولا مالك فيها.
اذا ماتفرق معك انا اقول مدسن والله يوفقك
طب >> أحياء
هندسة >> رياضيات + فيزياء
الباقي أنت وميولك
كانك في ارامكو تدرج itc وفي سابك مشغل
فانصحك رح ابتعاث افضل لك وبصراحه
انا مع الابتعاث شهاده من بره لها وزن
الابتعاث طب أفضل من الخيارات الأخرى بمراحل
الله يوفقك وييسر أمورك
ياخي انت فكر فيها, تبغى السنة الجاية تتمشى في ميلان, ولا تلحم في حرض 
لا من جد؟ الابتعاث احسن… بتجلس لك كذا سنة برا البلاد تتعلم ثقافة جديدة, تخصص مطلوب, له مستقبل, بعد 10 سنين نشوفك دكتور ابو 30 الف ريال:)
الله يعين
ياخوان انا خاايف افشل والله خايف ارروح هناك مانجح في الجامعه ولاليش الجامعه مانجح بالانقلش والله مابي اروح هناك واررجع يد ورى ويد قدام ويكون ضيعت علي كل شي انتو عارفين ان ارامكو توظيف تتوظف وتعيش حياتك لكن الابتعاث مادري والله خااااايف خوووف
على فكره ترى امريكا
انتو كيف الدراسه معكم صعببه صعبه ولا كم ساعه تذاكرون ولا وش النظام ؟؟
يارجال اطلع ابتعاث وتوكل على الله … ترا فيه ناس واجد مثل حالتك متخوفين … لكن لما راحو واستقروا ابدعوا ومشوا زي الحلاوة …
عليك بالاستخارة …
قال الشاعر :
ومن يتهيب صعود الجبال يعش أبد الدهر بين الحفر
الخوف صحي ومفيد أحيانا كثيرة لكن أحيانا الشجاعة والثقة بالنفس مطلوبة ومهمة … وبما أنك انقبلت في البعثة وحققت كل الشروط وتعلم انك انسان تخاف الله ولن تقرب المحرمات الموجودة في الخارج (الخمور والبنات خاصة) فأنا على يقين بأنك ان شاء الله كفؤ للبعثة وستعود لخدمة المجتمع وتفيدنا بعلمك … أما ان كنت تعلم بأنك ضعيف أمام الجنس الآخر وأمام مغريات الغرب فاحفظ نفسك وابقى في المملكة فوالله خير لك أن تبقى بوظيفة مشغل طول عمرك ولا أن يضيع دينك أو تضحي بمبادئك.
اذا خايف من الدراسه هناك لازم تخاف منها هنا … كل مكان فيه صعوبات واذا حاط الفشل بين عينيك راح تفشل اكيد لو درست في اقل كليه هنا …
الابتعاث تجربه حلوه والتخصص قوي اذا كانت لك رغبه في التخصص ولا حصلته في البلد اطلع ابتعاث وشد حيلك
هذا الكلام عين العقل والله ، وأنت أدرى بنفسك … 
أنا اخترت الابتعاث الداخلي بعد تفكير طويل لعدة أسباب … أحدها اني " أدرى بنفسي! "
وللعلم الطب != ( لا يساوي ) الأحياء …
وهذا كلام طلاب الطب … يعني مو شرط إذا ما تحب الأحياء إنك ما تبدع في هذا المجال … بس أهم شي تكون داخل عن رغبة في المجال نفسه …
وبالتوفيق 
إذا تبي نصيحتي, روح ابتعاث و بعد كم سنة إن شاء الله تكون حاصل على درجة البكالوريوس و با التالي تنفتح لك كل الأبواب, من اكمال ماجستير و تليها الدكتوراة, أو تتوظف في أي شركة أخرى.
بدل ما تقفل على نفسك طموحك و مستقبلك و تعتبر حامل شهادة ثانوية فقط لا غير …
و أنا أفضل إنك تروح ابتعاث هندسة , وجهة نظري
و با التوفييييييييييق ,
ياعمي من جدك تقارن الابتعاث بنظام التدرج؟؟
يخوي تبي تقعد طول عمرك على مرتبتين ان كثرت؟؟
خل عندك طموح وادرس برى ، اي شيء ، هندسة طب اللي هو
الزبدة لاتدخل نظام التدرج الا اذا شفت وضعك الدراسي والتحصيلي مو ذاك الزود ، وظروفك ما تسمح
اما اذا تسمح ظروفك لاااااا تدخل هالتدرج ابد ، خصوصا اذا كنت طموح !
والله انا أشوف حسب ميولك يا باشا
لا تعتمد على كلام ناس وهذا يقلك وظيفة حلوة وهذا يقلك راتب بطل ,
الدنيا بتتغير بعد 10 سنين ,
إدخل ميولك بدون ما تفكر بالعواقب
شوف استشر اقرب المقربين لك خصوصا الفاهمين بالمجالين و قيم الامور و استخر ربك.
خل في بالك شي مهم انك ان شاء الله الى خير في كلا الامرين و كلاهما طيب ان شاء الله.
سوي الي انت تميل له و تتوجه له. موفق يارب و ازمة ان شاء الله تعدي.