* استبدال ستائر المراوش الموجودة حاليا بأخرى جديدة وأفضل نوعية فالموجودة حاليا تقذرت وتصلبت من قذارتها << رفع الله مقدار الجميع وأعزهم . * تركيب (دش) للمراوش التي بهذه الصورة … فهناك الكثير من المراوش على هذا الشكل . * متابعة هذا الموضوع بشكل دوري والحرص على تفقدها بين الحين والآخر .
* المسارعة بتفريغ غرف القراءة الشاغرة … وإعدادها وتجهيزها للساكنين نظرا لإقتراب مواعيد الاختبارات .
******************** مع فائق احترامي وتقديري … وشكرا
هذا الموضوع برعاية الأشناب من أبناء هذا الوطن الغالي - القائد المحنك العظيم أحمد بن محمد سالم ، وأبو مدوس ، واللحية الغانمة أبو خالد - وكلا من الأعضاء : كاكا راموس ، وروميتي الغالي شاكوش - وأخيرا الحنس : Ahmed-Linux ، ŞǾŖŖЎ
نوعية الغسالات هذي ما أظنها تنفع للاستخدام العام نهائياً
صحيح انها ماركات قوية , حتى عندنا في البيت زيها وقعدت فترة طويلة وهي زي الفل , بس النوعية هذي للاستخدام الفردي , فلو يتم استبدالها بأنواع ثانية تنفع للاستخدام العام يكون أفضل
أما المراوش فكلام ثاني
قبل لايغيروا الستائر , في سؤال في بالي , كل كم بتنظف المراوش ؟؟؟
اللي متأكد منه انو مو كل يوم ولا حتى كل يومين , لاني عدة مرات أشوف مخلفات من بعض الشباب الله يهديهم والمخلفات هذي تبقى ليومين وثلاثة ويمكن أكثر وهي مكااااااانها بالضبط بدون ماتتحرك , طبعاً أتكلم عن مخلفات بسيطة مثل ورق صابون وحاجات زي كذا , أما هذاك الشي الثاني اللي ماينفع أقوله فهو يتجمع في مكان واحد ويقعد اسبوع بالراحة بدون مايروح , وهذا دليل على مستوى ومعيار النظافة العاااااالي جداً من قبل عمال سراكو
أنا معاك في هذا الشي , لازم الجامعة تحط كورس يعطى لبعض الطلاب بدل الستدي سكيلز تبع الأوريا , كورس ثاني يعلم بعض الطلاب كيف ممكن يعيشوا بشكل إنساني , لانو الصراحة عدة مرات أشوف أشياء أتوقع حتى ماتصدر من الحيوانات مع احترامي للجميع
بس بشكل عام , الشركة المسؤولة عن النظافة -سراكو- ماعندها أي اهتمام في مستوى النظافة , شغلهم بس امسح الأرضية وطشطش شوية مويا وخلاص كذا نظفوا الحمام
الحمامات بيئة ينموا فيها جميع أنواع الميكروبات ومكان مثالي جداً لانتقال الأمراض بكل أشكالها لانها حمامات مشتركة , وهذي الأماكن لازم يتم الاهتمام بنظافتها و"تعقيمها" لاننا داخل سكن والحمام بنستخدمه بشكل دااائم
طبعاً أنا حكمت على مستوى تنظيف سراكو بعد ما شفت طريقة تنظيفهم عدة مرات , يعني مثلاُ لما يشوف الشطاف مرمي في الأرض ومو بس في الأرض إلا كمان جوا الحفرة , بكل بساطة العامل يسحب الشطاف ويعلقه مرة ثانية !!! أقصى الإيمان وهذي ماقد شفتها بعيني بس أقول يمكن بيسووها انو يطرطش عليه شويه موياا ؟؟ طيب ؟ والفائدة ؟ أنا ما أقدر أشيل الشطاف بنفسي يعني ؟؟ إيش فائدة التنظيف في هذي الحالة ؟؟ الشطاف صار حفلة مكروبات لما طاح هناك ولازم يتنظف زي الناس !!
مو بس هذا , أذكر كمان المدير قال ان عمال النظافة صاروا ينظفوا الحمامات مرتين في اليوم , وأقول الله يجزاهم بالخير صاروا “يمسحوه” مرتين مو ينظفوه , العامل يدخل بالمكنسة اللي في يده وبكل بساطة يمسح البلاط سريع سريع ويخرج !! وقالوا نظافة مرتين في اليوم ؟؟! يعني مجرد شكل علشان لاتشوف طبعات سوداء في البلاط
لازم الجامعة تعرف ان البيئة الصحية مهمة جداً داخل السكن , وأتوقع ان نظافة الحمام أبسط شي ممكن يكون للبيئة الصحية ! والبيئة الصحية مو معناتها بس امسح وامشي !! لازم يكون في تنظيف وتعقيم للحمامات خصوصاً انها حمامات عامة وكمان بستخدم بشكل دائم , و أتوقع لو كان في معيار لمستوى البيئة الصحية في الحمامات عندنا ما حتاخذ أكثر من 3 من 10 !
واعذرني على الرد , بس شفتها فرصة انكم بتتكلموا عن الحمامات فأقول اللي في قلبي:)
من زمان ابغى افتح الموضوع هذا لكن اقول المكان مو مكانه عالعموم بما انه انفتح يا اخي انا عندي نقطة كمان وقاهرتني
عزيزي الطالب عندك فلوس ؟؟ عندك ملابس داخلية زايدة الله يرحم ابوووووووك يا اخي تخليها في الحمامات لييييييييييييييه !!!!! ؟؟؟؟ ناقصين مناظر جميلة احنا ؟؟
يا شباب عندنا في الحممامات تبرعااااات ملابس داخلية امكن كل اسبوع اشوف ٢ ولا ٣
اقسم بالله شي يقرف الواحد والله لو اشوف صاحبها لأقروشه بالكلام
حبيبي عيييييييب طالب الإبتدائية ما يسويها ذي :\
+
طبعاً أنا حكمت على مستوى تنظيف سراكو بعد ما شفت طريقة تنظيفهم عدة مرات , يعني مثلاُ لما يشوف الشطاف مرمي في الأرض ومو بس في الأرض إلا كمان جوا الحفرة , بكل بساطة العامل يسحب الشطاف ويعلقه مرة ثانية !!! أقصى الإيمان وهذي ماقد شفتها بعيني بس أقول يمكن بيسووها انو يطرطش عليه شويه موياا ؟؟ طيب ؟ والفائدة ؟ أنا ما أقدر أشيل الشطاف بنفسي يعني ؟؟ إيش فائدة التنظيف في هذي الحالة ؟؟ الشطاف صار حفلة مكروبات لما طاح هناك ولازم يتنظف زي الناس !
