تعالوا ياكبار الاعضاء ~~ افيدونا بتجاربكم ( مو للقدرات والتحصيلي ) حيااااكمـ

الطريق إلى جامعة الملك فهد للبترول والمعادن
1

السلام عليكم ورحمه الله وبركاته
نبدا دوغري في الموضوع :::
طبعا الموضوع امتداد لموضوع اخوي محب الجامعه
http://www.skfupm.com/vb/showthread.php?t=64267
نبي من الاعضاء اللي التحقو ودرسوا بالجامعه الموقره
ان يفيدونا بالتالي:
قبل لاتدخل الجامعه …وش المواد اللي كان فيها ضعف عندك :crazy_face: ؟؟
وهل هي تحسنت بعد دخول للجامعه؟ الناس تقول الجامعه صعبه , وش كان انطباعك عنها ؟
وبعد مادخلتها هل تغير انطباعك ؟
مثلا اذا عضوا مايحب الرياضيات ويكرهها بس يمشي فيها هل يقدر يدخل الجامعه ؟
المواد رياضيات وانجلش وفيزكس هل درستوا نفس اللي درستوه بالثانوي ؟
: اصعب موقف واجهك بالجامعه :sob:؟ ووش تنصح طلاب الثانوي فيه ؟
نصيحه اخرى؟ شي حلو بالجامعه او موقف جميل … اذكره ؟
اول اسبوع كيف كان ؟ الدكاتره :thumbsup: ؟

ـــــــــــ يعطيكم العافيه واتمنى افادتنا ـــــــــــ :rose: :heart: :rose:

2

وعليكم السلام ورحمة الله وبركاته

بدايه جوابي على سؤال الاول اقدر اقولك كان عندي ضعف بماده الانجلش بس ولله الحمد الجامعه توفر منهج ممتاز ومدرسين ايضا ممتازين في استطاعتهم ان يرفعوا مستواك بماده الانجلش باذن الله.

ومن كلام الناس الجامعه صعبه هذا كلام غير مقبول بس اذا كان سؤال تحتاج جهد فهذا صحيح
من اول ماطلعت على الدنيا من اولى ابتدائي وطلاب ثاني ابتدائي يقولون دراستهم صعبه فلا تهتم لهذا الكلام وغيره من الاقوال.

وبالنسبه للمواد بتكتشف ان المدرسه 12 سنه من الدراسه ضاعت على غير سنع فإذا جيت الجامعه بتكتشف ان الدراسه تختلف تماما عن نظام تعليم وزاره التربيه والتعليم فوزارة التربية والتعليم تعتمد على اساس الحفظ بينما هنا بالجامعه على الفهم والمنطق. كمثال ماده الفيزياء كما تعودنا في المدارس حفظ المصطلحات والقوانين والتطبيق المباشر بينما هنا الفيزياء تعتمد على المنطق الفيزيائي.

واجابه على سؤالك من حب المواد لاستطيع ان اجيب على سؤالك لان الرياضيات في الجامعه تختلف عن المدرسه في حين بعض الطلاب احبوا الماده بعد دخول الجامعه.

ولطلاب الثانوي انصحكم بالانتباه لدروسكم والموازنه بين اوقات الوناسه والدراسه والتوكل على الله

وبالتوفيق للجميع

3

:cowboy_hat_face:بما إني اعتبر نفسي من كبار الأعضاء جاوبتك :cowboy_hat_face:
وعقبال مانشوفك عندنا
وأي سؤال أنا حاضر

4

الرجل الكهربائي - al -samer
يعطيكم العافيه وماقصرتوا
وهذا كان العشم في شيابنا !! :laughing:

5

وش المواد اللي كان فيها ضعف عندك :crazy_face: ؟؟
الرياضيات

وهل هي تحسنت بعد دخول للجامعه؟
نعم والحمدلله

الناس تقول الجامعه صعبه , وش كان انطباعك عنها ؟
الجامعة مصعبه الامور حبتين بس مو مستحيله والدليل انه كل سنة كثير يتخرجو منها :slight_smile:

مافيه انطباع معين عدا اني كنت متحمس بالدراسة فيها … يعني زيك :thumbsup:

وبعد مادخلتها هل تغير انطباعك ؟
لا …مازلت متحمس

مثلا اذا عضوا مايحب الرياضيات ويكرهها بس يمشي فيها هل يقدر يدخل الجامعه ؟
شوف انا كنت اكره الهندسة كلها من الاساس
بس الحمدلله الحين صرت اقل كرها لها من اول :cowboy_hat_face:
وماشيين يالغلا
ترى تعتمد على اجتهادك وجديتك في الدراسة …
تجتهد = تمشي
تهمل = تروح فيها

المواد رياضيات وانجلش وفيزكس هل درستوا نفس اللي درستوه بالثانوي ؟

لا اصلا مادرسنا شي في الثانوي … هنا الدراسة الحقيقية ويبدون فيكم من الصفر لاتشيل هم

اصعب موقف واجهك بالجامعه :sob:؟ ووش تنصح طلاب الثانوي فيه ؟

انصدمت بمستوى اسئلة الامتحانات واعتمادها على الفهم اكثر من الحفظ
… انصحكم تشدون حيلكم من البداية وتغيرون طريقة المذاكرة بمساعدة الدكتور

نصيحه اخرى؟ شي حلو بالجامعه او موقف جميل … اذكره ؟
اول اسبوع كيف كان ؟ الدكاتره :thumbsup: ؟
انصحكم بالتوكل على الله وكثرة الدعاء والاستغفار … كثيرة المواقف لكن كلها جميله واجملها التعرف على زملاء جدد من جميع مناطق المملكة

موفق :rose:

6

بس لحظه …

يعطيك العافيه … حبيت أسأل الأعضاء الخبره

عندنا مدرس رياضيات يعطينا أسئله ويقول: هذا السؤال للأذكياء فقط <<<أحب النوع هذا من الأسئله

هل الدكاتره عندكم كذا يعني يعطونكم أسئله فيها لفات ومطبات ولا لا ؟

7

…

8

اوووهـ 50 او 60 بالمية من الاسئلة في المواد فيها مطبات ولفات … لكن لا تقلق اذا انت متابع أول بأول وتحل اللي تقدر عليه من اسئلة الكتاب والاختبارات القديمة راح تصبح عندك مهارة تجاوز المطبات والتهدية عند اللفات افضل بكثير فلا تشيل هم دام ان الواحد يسوي اللي عليه ويذاكر بجد واجتهاد اول بأول راح تمشي الامور ويصل لمرتبة الشرف الأمر مو بالصعوبة اللي انتو تتخيلونها … لكن الاساس لابد الانسان لما يدخل هنا خلاص يسوي له نظام جديد جاد ويمشي عليه من غير كلل او ملل وبإذن ربك هو الموفق

9

إذا تعتبرني من كبآرية المنتدى والكبير الله بججآوبك

:laughing:

10

قبل لاتدخل الجامعه …وش المواد اللي كان فيها ضعف عندك :crazy_face: ؟؟
مادة الكيمياء :disappointed:

وهل هي تحسنت بعد دخول للجامعه؟ الناس تقول الجامعه صعبه , وش كان انطباعك عنها ؟
وبعد مادخلتها هل تغير انطباعك ؟
بالنسبه للكيميا تحسنت بس هي مو اساسيه في تخصصي يعني :rofl:

* الناس تقول اشياء كثيره، وقل مايقولون فيه صحّه وشسمه…
انطباعي عن الجامعه انها صارمه وفيها تنظيم وقت ووناسه وكل شي زين.

مثلا اذا عضوا مايحب الرياضيات ويكرهها بس يمشي فيها هل يقدر يدخل الجامعه ؟
فيه تخصصات اداريه تعتمد اعتماد اقل على الرياضيات… وعلى العموم ترى الجامعه تصقل مهارة الرياضيات بطريقه تخلي المهندس يفهم صح :thumbsup:

المواد رياضيات وانجلش وفيزكس هل درستوا نفس اللي درستوه بالثانوي ؟
فيه حاجات كثيييره درستها في ثانوي ودرستها في الجامعه نفسها بس مع توسع في المعلومات

: اصعب موقف واجهك بالجامعه :sob:؟ ووش تنصح طلاب الثانوي فيه ؟
نصيحه اخرى؟ شي حلو بالجامعه او موقف جميل … اذكره ؟
اول اسبوع كيف كان ؟ الدكاتره :thumbsup: ؟
* أصعب موقف في الجامعه يوم اني مرضت واخذت اسبوع كامل اجازه ورجعت وجميع المواد ماادري وش فيها وجلست اكثر من شهر اصلح اموري…

* انصح طلاب الثانويه وبالخصوص اللي على وجه تخرج انهم مايشدون اعصابهم ويتوترون لأن أولا، اللي الله -سبحانه- معطيه رزق مستحيل يفوته مع الاخذ بالعمل، و ينتبهون لدروسهم وخصوصا المواد العلميه…

وطاعة الوالدين لان دعوتهم تسوى كثيير :slight_smile:

* الحلو في الجامعه،، جوها الجامعي واحساسك بالمسؤوليه وحرية التعبير عن الرأي.

* الجامعه تغير الشخصيه إلى الافضل اذا استغلت بالشكل الصحيح :thumbsup:

:rose:

ياحبذا لو ترتب الاسئله اذا ودّك تستفسر

11

الرقمي - safety280
يعطيكم العافيه على افادتكم
ومشكورين على اعطائنا من وقتكم الثمين << يحقله ---طلاب البترول :heart:

12

موضوعك رائع يعطيك العافية
بأنتظار المزيد من تجارب الاعضاء

13

فكرة الموضوع جميلة جداً ،، ابدع فيها اخوتنا الاعضاء ،،
ومازلنا نطمح لمشاركة عدد اكبر ،،
بإذن الله سوف ارسل رابط الموضوع لعدد من الاعضاء المميزين ،،
شكراً لك …

14

بعد إذن أخي العزيز

هذه بعض الاسئلة اضفتها من عندي …
طبعاً للأعضاء الاسئلة المطلوب الإجابة عليها كالتالي …
قبل لاتدخل الجامعه …وش المواد اللي كان فيها ضعف عندك*؟؟*
وهل هي تحسنت بعد دخول للجامعه؟ الناس تقول الجامعه صعبه , وش كان انطباعك عنها ؟
وبعد مادخلتها هل تغير انطباعك ؟
مثلا اذا عضوا مايحب الرياضيات ويكرهها بس يمشي فيها هل يقدر يدخل الجامعه ؟
المواد رياضيات وانجلش وفيزكس هل درستوا نفس اللي درستوه بالثانوي ؟
: اصعب موقف واجهك بالجامعه ؟ ووش**تنصح طلاب الثانوي فيه ؟
نصيحه اخرى؟ شي حلو بالجامعه او موقف جميل … اذكره ؟
اول اسبوع كيف كان ؟ الدكاتره*؟*
مدى صعوبة الجامعة والكلام المنتشر في المنتدى عن تعقيد الجامعة والاسئلة التعجيزيه … رأيك ؟؟
طالب مدرسة اهلية وتعرفون مدى ضعف المدرسة الاهلية بالتدريس قبلته الجامعة نصائحكم له ؟؟؟
الفيزكس مادة يشتكي منها الكثير هل ما نسمع صحيح ؟؟؟
كم عدد الساعات المطلوبه للمذاكرة والحصول على معدل مرتفع ؟؟؟
لا قدر الله طالب لم تقبله الجامعة نصائحكم له …
ش

15

السلام عليكم ورحمة الله وبركاته
أخي \ بس لحظه بالنسبة للمواد اللي كنت ضعيف فيها " هي الإنقليزي بالدرجة الأولى " اما بالنسبة للرياضيات كنت جيد فيها والحمدلله مسيرتي الرياضياتية بالجامعـة ممتازة جدآ
عشان اكون صادق معاك " بالنسبة للإنقلش " في الأوريا : ماكنت أفتح الكتآب أبد " لكن " وحط 17 خط تحت هالكلمة ! " كنت في الكلاس نشيط جدأ وأتكلم مع الأستاذ مع العلم : ماكان يفهم علي شي اخربط وكان يضحك علي بشدة يعني ، ماكان يستحقرني لا هو ولا الطلاب بالعكس كنت محبوب من الجميع والكل كان يعرفني لاني أسوي إزعاج بالكلاس واسولف واسوي اجواء وكثير من الطلاب جاو لي وقالو لي تعلمنا منك والله ياعزيز هالميزة الطيبة اللي فيك " فنصيحة " خلك جريء جدا جدا جدا في العلم " أي : لاتستحي في طلب العلم وتخاف وتقول والله اخاف اغلط والله اخاف يضحكون علي " فضريبة العلم يا أخي الفاضل هو " انك ماتستحي " وتكون جريء .
بعد ذلك أقدر أقولك إن انقليزتي صارت كويسة " مو ممتازه " لا كويسة يعني الحمدلله اقدر اتكلم واقرا وافهم اللي أسمعه

بالنسبة للناس اللي كانو يقولون لي الجامعة صعبة : لأكون صادق معاك كان فيه ناس " سوو لي رعب قبل ما ادخل الجامعة " ولكن لـم أرى أي من الرعب اللي وصف لي . يعني كانو مصورين الجامعة انها فلم رعب ! ويوم دخلت وخلصت الأوريا : كنت أراها أسهل سنة في الجامعة ! بل وهي من اجمل سنة عشتها إلى الآن ! اصعب مافيها الدوام فقط كان بالنسبة لي " طويل وممل "

شوف بتقول لي انت طالب ماتحب الرياضيات على سبيل المثال وبتمشي فيها : بقولك على حسبب التخصص والله !
فمثلأ لو بتخصص من التخصصات الهندسيـة : فأنا اقولك اعتماد الرياضيات فيها بنسبة كبيرأ جدأ جدأ بحيث انك ماتستطيع تحل أي مسألـة الا بالرياضيات ! وبعض الكورسات المتقدمة : تحتاج انك تكون فاهم بالأشتقاق فمثلا اذكر مادة إنتقال الحراراة ( هي مادة هندسة ميكانيكية المستوى الثالث ) كان فيها الأشتقاق شيء أساسي !
اما لو بتروح إدارة فطبعأ مهارتك بالرياضيات مايحتاج انها تكون قوية مثل ماتكون بالهندسة .
اما بالنسبة للمواد اللي درسناها : الرياضيات + الفزكس ( تقريبا كله خذناه بالثانوية )
بالإضافة إلى إنك في اول سنة تخصص " يعني بعد ماتخلص الأوريا " راح تدرس فزكس 1 + فزكس 2 + كيميا 1 < واقدر أقول انه الأغلب درسناه في الثنوي ولكن هنا يعطيك اياه بشكل مفصـل وشوي أصعب " " بصفة أدق : الفيزيا كان من المواد الصعبة جدآ " ليس في مذاكرته إنما في الأسئلة ولكن ليست مستحيلة

أصعب موقف واجهني بالجامعـة : " هم مواقف كثيرة الصعبة بالجامعة : لعلي أذكرلك واحد منهم "

جاني ترم اضطريت انزل مواد معينة فيه ، المهم إن صادف اختباري النهائيـة السبت والأحد والثلاثاء وهذا هو جدولي وستفهم مدى الصعوبة

السبت : الساعة سبعة صباحا + سبعة ليلا ( اختباريـن من مادتين دسمتيـن يحبهم قلبك )
الأحد : الساعة سبعة صباحا + سبعة ليلا ( نفس الحكاية مادتين دسمتين يحبهم قلبك )
الثلاثا : مادة واحدة صباحا ( أدسم مادة فيهم )

ولكن الحمدلله تخرجت من ذاك الترم بمرتبة الشرف وكان من افضل السمسترات في الجامعة
النصيحة في هذا الموضوع : انه ياخوي شوف هالجدول الي قلت لك عليه أعتقد إنه من المستحيل : يواجهك اختبارات بهالطريقة في الجامعة " انا ماشفت طالب واجهه هالجدول " 4 اختبارات في 48 ساعة " ولكن : بالعزيمة والإصرار كل شي يبي يتسهل والواحد يقدر يبدع لو مو 4 اختبارات بيومين : لو كانت 5-6 " فالإرادة تفوق كل شي "

موقف جميل بالجامعة : مواقف كثيرة جميلة ولكن لأ أرى في ذكرها أي مصلحة لـك ، او بالاحرى هي مجرد ذكريأت جميلة احتفظ بها لنفسي

أما بالنسبة لأول أسبوع والدكاترة تكلمت عنـه بالنسبة لمدرسين الأنقلش والحين ابتكلم لك عنه بالنسبة لدكاترة الرياضيات
طبعآ : الدكاترة تبع الرياضيات " كل الدكاترة مو بس هذول " يحبون الطالب المجتهد واللي يشارك ، طبعأ اذكر اول يوم بالجامعة كان يدرسني دكتور " لبناني او فلسطيني " ويتكلم انقليزي وانا مادري عنه وش يقول : بس اني معتمد على اللي يكتبه في السبورهـ ، فقمت سألته " بالعربي " يادكتور وش سويت هنا بالله ؟ قال لي إنقلش بليز ! " وانا ماعرف اركب جملة " فخليت اللي جنبي قلت له قوله قوله كذا كذا يرجال ! وعلمه وشرحلي … ومع الوقت مثل مانوهت قبل قليـل : تعلمت وصرت كويس واعرف أسأل واناقش … و و و و

في النهاية أتمنى اني اكون قد صورت لك صورة ممتازة عما تبحث عنه وأي سؤآل انا حاضر لك أخوي
أسأل الله التوفيق للجميع

16

أخوي \ م … تركي

بالنسبة للأسئلـة التعجيزية " هذا رأيي أنا ياخوي " : أرى أن الأسئلة جدا مناسبة : بحيث ، أن الأسئلة اللي تجيك بالجامعة مو نفس نظام المدرسة : احفظ تجيب 100% ، لأ ، فالوضع في جامعة الفهد مختلف تماما ، فالإختبارات تكون على فهم الطالب لا على حفظه ، لدرجة أن فيه بعض الاختبارات تكون " OPEN BOOk " أي انك تدخل الإختبار والكتاب معآك ! فمستحيل يجيك شي انت شايفه بالأسئلـة ، طبعا هم مراح يخترعون لك شي من لاشيء ! راح يجيبون لك اسئلـة قريبة من اللي شفتهم ولكن يغيرون فيها بعض المعالم ليرو مدى مهم الطالب فيها . يعني أضرب لك مثال جدا بسيط " لو عندك عمود فيه قوة مركزة بالنص : هذا هو السؤال اللي انت حافظه " فبالإختبار بيجيك سؤال مثلا " وش راح يصير لو القوة على هالعمود هذا صارة بالزاوية " ؟ " إن شاء الله تكون فكرتي قد وصلت لك اخوي "

بالنسبة لطلاب المدرسة الأهلية : انا من وجهة نظري أيضا : انها تضر الطالب ماتنفعه حتى وإن تخرج منها بنسبـة 100% لانهم " يدلعونه " والمذاكرة ايام الثنوية تكون من اوراق عمل وتسهيلات … إلخ
على عكس المدارس الحكومية " هي أيضا سيئة في التدريس " ولكن مقارنة مع المدارس الحكومية تعتبر ممتازهـ ، على الأقل الطالب في المدرسة الحكومية يتعب شوي على نفسه ويذاكر الكتاب بأكمله أيام الوزارة ويحل الواجبات ويفعل قدر مايستطيع ، يعني لو جاب نسبـة جابها بجدارته على الأقل

كلامي هذا مو معناه انك ياطالب المدرسة الأهلية ان مالك مكان بالجامعة ، ليس هذا ماقوله ، فبالعكس يمكن انك تطلع من أفضل طلاب الجامعـة فهي تعتمد على ذات الشخص نفسـه .

بالنسبة لعدد الساعات المطلوبة للمذاكرة بالنسبة لي ! ومع العلم معدلي مصنف من مراتب الشرف

ابعلمك نظامي في سمستريـن :
السمستر الأول : كنت اتابع الدكتور متابعة جيدهـ جدأ جدأ جدا ولا أغيـب اي غيآب ! وافهم من الدكتور ، فأرجع البيت اذا كان فيه واجب " حليته " مافيه واجب " أطل طلة سريعـة جدآ جدآ وأحيانا ما اطل " يعني ماياخذ مني وقت كثير أغلب يومي يكون فلـة
السمستر الثاني : كنت ما احضر " تكاسلا مني " وإن حضرت " فذهني شارد " … وهذه الحالة مو كويسة ! وراح تتعبك بالمذاكرة والبحث عن المعلومات والفهم الصحيح للمعلومة

باختصار : أن كنت أذاكر بالترم الأول : ساعة وحدة … فالترم الثاني لآتكفيـنـي 3 ساعات !

وفي كلآ الحالات يمكن إنك تجيب معدل كويس ، يعني لو جاك ترم مثلا ظروف أو نفسيتك تعبانة وماتبي تحضر ، فبرضـو لايجيك اليأس وتحس انك مراح تجيب درجات كويسة " لاحظ انا ما اشجعك انك ماتحضر " لا بل أعلمك الوضع تماما كما هو عليه ، فبرضو يمديك انك تذاكر لحالك وتكلمت عن هالموضوع انا في الساحة العامة رح الموضوع اسمه " SELF-STUDY " شوفه وإن شاء الله تستفيد منه مو بس في الجامعة راح تستفيد منه بحياتك كلهآ بإذن الله

إذا انك مانقبلت بالجامعة ، شوف وش ميولك إنت ! فإذا كانت ميولك هندسيـة : فانا أنصح بجامعة الملك سعـود بالرياض أو " تطلع بالخارج " بس بشرط تكون ضآمن دينك ومبادئك وأخلاقك

أي سؤآل انا حاضر لك ياخوي

اسال الله التوفيق للجميع

17

نقطة مهمة جدأ : لاتفكر بالقريدآت ، أي : لايكون همك هو القريدات بحد ذاتها !

تفكيرك خله يصب في فهم المادة فقط ، يعني لاتدرس وتروح الجامعة عشان تجيب قريد ، إنما ادرس ورح الجامعة لكي تتعلم وتفهم مايدور حولك من ظواهر .

انا أضرب لك مثال : يمكن انك تتخرج من الجامعـة وبمعدل ليس سيئأ ، ومعلوماتك العلميـة = 15% " أي : لاشيء "

وانا شفت هالمثال حي في أرامكو " يأتون الطلاب : وفهمهم للفكرة يكون تعبآن وسيء جدآ ، لأنه " Problem-solver " يعرف يحل المسأئل وجيـد حل المسآئل ، ولكن لماذا أحل هذه المسائل ! وماهي التطبيقأت ! وماذا أستفيد من حل هذه المشكلة في حياتي !؟ " كثيرا من الطلاب لا يفكر في هذه الأمور " انما يفكر في " عرفت أحل المسألـة وهذا هو المهم " فهذا للأسف تفكير خاطئ جدا عند كثير من الطلاب
فالأهم الأهم الأهم هو فهم الفكرة العلمية. وللأسف الشديد في الجامعة مايركزون على الـ conceptual qustion " أي : الأسئلة اللي تركز على الفهم " إنما تركيزهم على الأسئلة ذات المسائل الحسآبيـة " ليست حفظأ كما نوهت " ولكن انا اللي اقوله ان المفروض يجيبون هالنوعين من الاسئلة اللي هم : حسابيـة + أفكار تنم عن فهم الطالب

وهذا للأسف الشديد نقطة سيئـة في الجامعـة أرجو إنها تتغير " انا ماقول ان الجامعة سيئة : لايجي احد ويقول لي انت تستنقص وتستنقص " لآ ، أنا ارى هالشيء في قسمي وأسمع الطلاب الثانية في بعض الأقسام يرددون نفس الكلام اللي قلته !

المغزى من كلامي : أن هنا يأتي دورك أنت ايها الطالب في فهم هذا النوع من الأسئلـة اللي نوهته لك
فعلى سبيل المثال : بكل البيوت فيها مضخات " اكيد كلكم تعرفونها " وهي اللي تضخ الماي من الخزان للحمامات " أعزكم الله " وكلنا نعرف وش تسوي بالضبط هالمضخة ؟ " تاخذ الماي وترسله للحمام "
فـ أنت ايش دورك الحين يا مهندس ! " انا اضرب هالمثال لأني أفهم في هالشغلة ، لايجيني طالب يقول ليش قلت مهندس ليش مو اداري !؟ " : دورك ايها المهندس : تعرف تفاصيل التصميم " قطعة قطعة " هذه المضخة ، ولماذا صممت بهالطريقة ، وما هي الأليـة اللي تخلي هالمضخة تسحب الماي ، وهل هي أفضل مضخة موجودة أم في أفضل منها ، اذا فيه افضل منها : ليه وكيف أفضل منها !

وقس على ذلك جميع الأشياء الأخرى : هذا إن أردت أن تكون مبدعآ

اتمنى للجميـع التوفيـق

18

أخ (( نقطة )) لا أعلم ما اقول
أشكرلله الذي وهب لنا شخص مثلك …
كلام جميل قل ما نجده مثيله ، اسلوب راقي
و معلومات منثوره بطريقة قل نادراً ما نجدها
اخ نقطة شكراً لك

* بالنسبة للاسئلة فهمت بأن الحل واحد لكن السؤال يختلف
يعني يأتي بطريقة أخرى ,

+++

19

قبل لاتدخل الجامعه …وش المواد اللي كان فيها ضعف عندك ؟؟

كحال الشعب السعودي … الانجليزيه رغم اني كنت مميز بين اقرآني بالمدرسة بس طلع السر ان الشعب ماعندهـ سالفه ] :laughing:

وهل هي تحسنت بعد دخول للجامعه؟

كثير … الحمد لله الحين اتحدث انجليزيه بسهوله :laughing:

الناس تقول الجامعه صعبه , وش كان انطباعك عنها ؟

أنا أقول الحيآة كلها صعبه … :slight_smile:

لكن بالعمل و المواظبه ع الدراسة … رآح تشوفهآ سهله …

مشكلة الطلاب لمن يدخبون الجامعه يفكرون نفس نظآم الثانوي … احضر و اذا جاء قبل الاختبآر بيومين يبدأ يذآكر

هذا الشي السبب الرئيسي لـ صعوبة المنهج و رسوب الطلاب …

وصدقني المواظبة في المذاكرة يوميآ … أفضل من المذاكرة الطويلة في اسبوع :slight_smile:

وبعد مادخلتها هل تغير انطباعك ؟

بعد ما عرفت السر اللي فوق … تغيرت نظرتي … :rose:

مثلا اذا عضوا مايحب الرياضيات ويكرهها بس يمشي فيها هل يقدر يدخل الجامعه ؟

شوف … لمن تبدع في شي رآح تحبه … أوكي :heart:

صدقني لمن تذاكر وتحس انك تحل صح والسؤال اللي بعدهـ صح ووو … رآح تحب الكورس :laughing:

المواد رياضيات وانجلش وفيزكس هل درستوا نفس اللي درستوه بالثانوي ؟

درسنآ يمكن أقل … لكن بالانجليزي

:اصعب موقف واجهك بالجامعه ؟ ووش تنصح طلاب الثانوي فيه ؟

الاخفاق في الاختبارات … خاصة اول اختبار في الاوريآ … لكن جلسة جلسة مع نفسي واخذت وعد اني اغير … والحمد لله تيسرت حالتي … :slight_smile:

نصيحتي انكم تشدون حيلكم بالثانوي ألحين … وتستمتعون بآخر أيآم الفله والسحبه ع الدراسة …
لان من تدخلون الجامعه رآح يكون شعآركم حان وقت العمل لا رجوووع … زنقه زنقه :grin: ]

نصيحه اخرى؟ شي حلو بالجامعه او موقف جميل … اذكره ؟

اول شي لمن تصير بالجامعه … رآح تحس بقيمة انك انسان مهندس محترم … :laughing:

و صرآحة أكثر شي حببني فيهآ … نظرة اعجاب الناس لك … لمن تقول جامعة البترول :slight_smile:

اول اسبوع كيف كان ؟

غثييييييييييييييييييييييييييييث بمعنى الكلمة … دوام من 8 - 5 … وفكرت انسحب اكثر من مرة … لكن الحمد لله اني ما صملت :laughing:

أتمنى من كل قلبي أني اكون افدتكم … :rose:

20

شعور قلبي - م-تركي - نقطه - •°•أبـ فيصل ـو•°•
مدري وش اقولكم :astonished:
صراحه ماتوقعت الموضوع ينعطى وجه!!
لكن مااقول الا الله يجزاكم خير ويوفقكم دنيا وآخره :heart:
اضيف سؤال اذا ممكن :
- أنه كان أختيار التخصص برغبة شخصية أو بتأثير من أحد؟

:rose: :rose: :rose: :rose: :rose: :rose: :rose: :rose: