شكرا على المعلومات بس ايش هو الــpdp
لا حصلنا ذا و لا ذا مع ان المعدل 2.8
و ارامكو صعبتها مرة بالأسيسمنت تيست
الحمدلله على كل حال
بصراحه من معلومات الشباب سابك رح تكون الافضل مع وجود منافسة من ارامكو …
شخصيا كنت اخطط على ارامكو لكن شكلي بغير وجهت نظري 
…
ويعطيكم العافية شباب …
بالنسبة لاختبار الاسيسمنت حق ارامكو اغلب من اعرفه عداه ووصل على الاقل للإنترفيو
بالنسبة لسابك قم بتحديث طلب توظيفك على النت كل اسبوعين وبتحصل لك على انترفيو برضو على الاقل … وحليفك التوفيق ان شاء اللله
مشكورين الأخوان جميعاً وصرااحة نقاش و معلومات مفيده جداً لأي شخص محتار بين هالشركتين الكبار ,
أحب أسأل و اقارن :
- نفرض وفقنا الله و عديت الانترفيو و انقبلت بسابك أو بأرامكو كم مدة العقد بينك و بين الشركة ؟؟ هل هو سنوي أو كم بالضبط ؟
وشكراً
شباب في اشياء انا ما قارنتها لأنها نفس الشي … ترفيه و الاشياء اللي مع احترامي سخيفة ما تدخل بالتفقييم ما قارنتها لأنها موجودة بالشركتين … برنامج الادخار موجود بالشركتين … هذي اشياء ما اتكلم فيها لأنها ما تنفعنا ابد.
ارامكو بالنهاية 17.6 راتب … 12 راتب على كل شهر + 3 رواتب سكن بالسنة + راتين هدية + 0.6 راتب بدل اجازة.
سابك اقل شي 17 : 12 راتب كل شهر+ 3 رواتب سكن+ اقل شي راتبين بونص … السمة الماضية 3 رواتب … + 10% من راتبك الشهري بدل نقل … السنة الماضية سابك استلموا 18 راتب غير حول 12000 ريال حق نقل بالسنة .
طبعاً لما نتكلم عن ارامكو ريموت اريا … حسبة ارامكو اللي فوق غلط لها حسبة ثانية .
انا اشوف ان سالفة ناية الخدمة مو مفهومة لكم … باوضحها : نفرض ان اثنين … واحد بارامكوو الثاني بسابك … و خدموا نفس المدة اللي هي 25 سنة … و كل راتبهم 30000 ريال اساسي باحسب نهاية الخدمة للاثنين :
سابك : 30000 *5 + 30000*20*2 = 1350000 مليون و ثلاث مية و خمسين الف ريال .
ارامكو : 30000*0.5 *5 + 30000*20 = 675000 ستمية و خمسة و سبعين الف ريال .
اللي بسابك ياخذ دبل اللي بارامكو …
بالنسبة للبيت ما في كمبوند … بالجبيل عادي لكن بيوت تصميم و تنفيذ سابك … و الاراضي على حسب فيه الكبير و الصغير … و كل شي بسعره … الجبيل ما في قروض سكن من الاساس … ما في الا تملك البيوت و بالجبيل. الرياض فيه قروض سكن
بالنسبة للاعمال الدولية … انا ما تطرقت لها لأنها نفس الشي … و على فكرة … سابك لهااوبيراشن برا عكس ارامكو اللي كل الاوبيراشن بالسعودية … مالها الا مكتب برا بس … اقصد ان ارامكو مالها مصافي برا تملكها ارامكو بالكامل … عكس سابك اللي شرت جي اي بلاستك ولها مصانع بكل العالم تملكها هي …
عموماً بالنسبة للشغل برا … انسى بالشركتين الا اذا كان قريدك عالي … ابو واحد من العيال قريد 18 عرضوا عليه يصير مدير مكتب سابك باستراليا … قريد 11 و 12 انسى
سابك و أرامكو من الناحية المادية متقاربتان جدا
فيه نقطة حاب أضيفها وهي تتعلق بـ ماذا يلائمك (لأن ما يناسبك لا يناسب الآخرين والعكس صحيح)
يعني مثلا
هل تفضل العمل المكتبي أو الميداني؟
هل ترغب بالعمل في مكان قريب من أهلك أو ما تفرق معاك؟
هل ترغب بالعيش في مدينة فيها أماكن ترفيه متعددة مثل (الخبر والرياض وجدة) أو في مدينة لا يتوفر فيها إلا أساسيات الحياة (الجبيل أو ينبع)؟
هل ترغب في إكمال دراستك الجامعية (ماستر وبي اتش دي) أو ما تفرق معاك؟
الخلاصة…
يجب أن تحدد أولوياتك ورغباتك فما يناسب غيرك قد لايناسبك والعكس صحيح
طبعا هذا في حال كان معدلك كويس (3 وأنت طالع) وكلما ارتفع المعدل أكثر زادت خياراتك
^^
مشكور يا يوسف على تفاعلك في الموضوع والشكر موصول للأخوة الأعزاء
الموضوع هذا ناقشناه كثير
يمكن بالنسبه لك سخيفه
لكن تحسب ميزه يعني شاطئ ومطاعم ومسابح وحدايق وسينما
و اقرأ عن الإسطول الجوي للشركة اللي يتكون من 38 طائرة. بما في ذلك الطائرات العمودية
وتمتلك 3 طائرات من نوع Embraer170 وطائرتين من نوع طائرات بوينج B737-700
وتسطيع السفر أنت أو أحد أفراد عائلتك إلى الرياض أو جده بدون مقابل ببلاش
طبعاً برنامج الإدخار في أرامكو تأخذ ضعف في سابك ولكن كما سمعنا أنه (حرام)
ولاتنسى فرق كبير بالنسبه للرواتب الأساسيه ويلاحظ هذا في المستقبل أي بعد 15 أو 20 سنه
أي عند مقارنه مرتبه 14 في أرامكو مع مقابله 13 في سابك تجد الفرق علماً أن مرتبه 14 في أرامكو موظف عادي أي أنه ليس مشرف أو ناظر بل بمسمى وظيفي ((مهندس أول)) فقط
وعند مقارنه الحد الأقصى لكلا المرتبتين نجد أن الفرق 7500 ريال لصالح أرامكو
وكذلك عند مرتبه 15 في أرامكو ومرتبه 14 في سابك الفرق 14166 ريال للحد الأقصى للراتب الأساسي للمرتبتبن لصالح أرامكو طبعاً
ولاننسى أن عدد موظفي أرامكو 18+ 250 شخص اللي أقل واحد فيهم راتبه الأساسي 60000 ريال يعني مع البدلات 90000 ريال
طبعاً أكيد سابك مافيها ربع العدد هذا
ولاننسى أن موظف سابك لايستطيع أن يكفل أحد على عكس موظف أرامكو والحكومه
؟؟؟؟؟!!!! يا أخي في أرامكو الأغلب مرتبه 11 و12 و13 وخدمتهم من 4 إلى 10 سنوات
أعتقد عدد موظفي أرامكو خارج المملكه يساوي عدد موظفين سابك بأكملها
ويوجد أحد أشهر أعضاء المنتدى تخرج قبل 4 سنوات وهو الأن يعمل في أرامكو أمريكا
مشكوووووووووورين يا شباب عالمعلومات
تحيه للشباب الموضوع ليس للتحدي واظهار من هو الافضل (بعض المعلومات المذكوره مغلوطه)وهي كالتالي:
1.طبعاً برنامج الإدخار في أرامكو تأخذ ضعف في سابك ولكن كما سمعنا أنه (حرام)
نظام الادخار نوعين استثمار(وهو على الاغلب محرم من كثير من المشايخ) وبدون استثمار وهو موجود في سابك وارامكو
2.سابك: 12 راتب أساسي + 3 سكن + 3 بونس + 1.2 مواصلات = 19.2
هذا الكلام غير صحيح البونص على حسب الارباح يعني ممكن يكون واحد او 2او3او4
3.ولاننسى أن موظف سابك لايستطيع أن يكفل أحد على عكس موظف أرامكو والحكومه
معليش عزيزي عمر موظف سابك ماله وجه مثلا موظف سابك يقدر يكفل والدليل انه لما توقف اخي في المرور بسبب حادث قال جب لنا موظف ارامكو او سابك او الخطوط السعوديه والسالفه ترى موو ميزه بس عشان اذا بغوا يجيبونك يقدرون بدون تعب ومثلك اعرف 
============================================================
في الختام الموضوع ليس لاستعراض منهو احسن بدون حياديه الشباب يبون يستفيدون لاتخاذ قررات مصيريه بالتحاق باحدى الشركتين اتمنى ان نذكر المساوئ قبل اللمميزات وكلام االاخ Ittihad spirit
عين العقل اتمنى للجميع التوفيق
بالنسبه للعد الموظفين
أرامكو 55000
سابك 33000
بالنسبه لعدد موظفي سابك أعتقد أنه 31000
لأن في موقع الشركه مكتوب 13816 وأعتقد عندهم غلط في كتابه العدد
http://recruitment.sabic.com/arabic/arprogramnew.htm
واحده من الشركات التابعه لأرامكو
هي شركة خدمات أرامكو في هيوستن
الأعمال:
إدارة الخدمات الفنية: تضم أقسام الهندسة، والكمبيوتر، والاتصالات، والأعمال.
إدارة التوريد والخدمات اللوجستية: تضم أقسام الشراء، وخدمات الشراء والحركة، والحركة البحرية، والحركة الجوية.
إدارة العلاقات الصناعية: تضم أقسام تطوير الكفاءات الوظيفية، وخدمات التوظيف، والعلاقات بالموظفين، والمرافق والخدمات الإدارية، والأمن والسلامة.
الإدارة المالية: تضم أقسام الاستثمار، والأعمال المصرفية، والائتمان، والتأمين.
الإدارة القانونية: تضم جميع الشؤون القانونية لشركة خدمات أرامكو والشركات التابعة لها.
إدارة الشؤون العامة: تضم العلاقات الإعلامية، والعلاقات العامة، وتجهيز طلبات التأشيرات للمسافرين إلى المملكة العربية السعودية
أما باقي الشركات التابعه لأرامكو في العالم
أغلب أعمالها
تقوم بشراء الزيت الخام وبيعه وتحتفظ بمخزون كبير من الزيت الخام
تشرف على برنامج دولي لتبادل الزيارات لمساندة التدريب والتطوير والتعليم لموظفين مختارين من أرامكو السعودية والشركات التابعة لشركة خدمات أرامكو.
تقدم خدمات النقل البحري المحلية والدولية للزيت، وما يرتبط بذلك من خدمات
خدمات مساندة التسويق والشحن عبر المحيطات
تقدم خدمات مساندة المواد
هههههههه
الموضوع مو موضوع استعراض … يا حبيبي عدد الموظفين ما يدخل بالمعيار … وش دخل عدد الموظفين بالموضوع … انت كل اللي يهمك كم تدخل بجيبك و المميزات اللي تجيك و بس … و على فكرة عدد الموظفين فوق 33 الف اللي عندك قديم … بعد ما شروا جي اي بلاستيك زاد العدد
عموماً علشان لا احد يقول انا حاسد او حاقد … جاني ( اكثر ) من عرض من ارامكو … لكن بعد مقانة جيت سابك و الحمد لله … و اللي خلاني اجي و اصر على سابك بعد هي بعض الظروف .
يوم كتبت مالهم الا مكتب ترا بالغلط … قصدي مالهم الا مكاتب برا … مو مصانع و انتاج … عموماً انا وضعت التفاصيل بناء على العروض اللي جتني …
طبعاً للي يسألون عن الابتعاث … سابك ما فيها ابتعاث الا بادارة الابحاث و التقنية … سواء الجبيل او الرياض يعني اللي يجيله اوفر بالادارة هذي يعرف ان الماستر و البي اش دي مو خيار بالنسبة له … هو شي لازم
في ميزة مهمه جداً نسيت أذكرها وهي ميزة المناطق النائيه في أرامكو
يعني أنت مهندس في الظهران وأحتجت زياده في الراتب تقدر تروح اسايمنت إلى خريص أو شيبه أو أحد المناطق النائيه لمدة سنه أو سنتين
في شيبه راح يطلع لك بدل نائيه والاوفر تايم 100% من الراتب الأساسي
وفي خريص تقريباً 60% زياده على راتبك الأساسي
الله يوفقك يا أخ يوسف وين ماكنت
ما أعتقد أن في مهندس في أرامكو ماجاه عرض من سابك
عموماً في ناس تهتم بالراتب والإبتعاث (ماجستير ودكتوراة) وهذول راحوا أرامكو
وناس يهتمون بالإستقرار والقرب والراتب المناسب راحوا سابك
والله يوفقك الجميع
يوسف شاهين للمعلوميه كلنا في نفس الفريق
وبالمناسبه انا مريت ع الشركتين واعرف الكثير عن الانظمه المميزات في كل شركه أشياء ما تلاقيها في الثانيه
ويبقى الخيار الاول والاخير لك ولاولوياتك
اتمنى للجمبع دوام الصحه والعافيه
الآسطول الجوي … كان ميزة
الحين لآ … لآنهم أضافوآ حتى موظفي الكونتراكت مثل شلمبر و سامرف و و
و يبئى آبلني لو حقزت
هذآ غير الواسطة في الحجز
و الآستقعاد من السوبرفايزر تبعك آذآ كان الأبروفال من عنده
و لك مرة أو مرتين في السنة … أمر آركاب
إلآ آذآ الشركة أرسلتك طبعآ
عيب أرامكو الحين … الآسسستقعاد
لو تنسى تربط الحزام … رفعوا فيك ريبورت
قريت خبر في جريدة ناسيهآ
آن أرامكو تطلب من الداخلية تزويدهم بمخالفات موظفيهآ من نظام ساهر
آسسستقعاد حتى تنسى الترقية
لو كنت في الشاطئ و كسرت شيء بقصد أو بدون … ريبوووورت 
تطبيق نظام … لكن بدون تحكيم للعقل
واحد من زملائي … توظف الصيف الماضي
و جاله آسايمنت أو شيء من هالكلام في آبقيق
طبعآ رآح بسيارة الشركة … المهم واقف عند الآشارة
إلآ و يجيه واحد من ورى و يصدمه
الآدارة رفعت فيه ريبورررت مع آنه مو غلطااااااااان
و بحب الخشششوم و المطاليب و داخلن ع الله ثم عليك
شالوه عنه …
الحين لو آنرفع الريبورت راح مستقبله في أرامكو … غلطة
.
.
عـ العموم
كل يشوووف الآوفر اللي يناااآسبهـ
و اللي يوصل للتخرج و هو للحين مو عارف وش المناسب له
و وش اللي مو مناسب … مصيبة
