ترى الجامعة مادرسوك 7800 مادة كيميا !!!! " درسسسوك مادة وحدهـ " BASIC ! وهي عبارة عن تذكيـرررر
وبتقول لي وش بستفيد منها لا منها فايدهـ يالفاهمـ !
انا بضرب لك مثآل ! Corrosion كلها كيميا في كيميا ومع ذلك هي مادة موجودة في قسم الهندسة الميكانيكية !!!!
افتح الكتاب حق هالمادة " الميكانيكية " وابيك تفهم شي واحد لو ما اخذت الكيميأ101 !!
لاتقول لي بالثنوي ومدري ايش !! أغلب الطلاب نسـو اللي بالثنوي + تدريس الثنوي ماكان عمق الـ 101 !
افتح الكتاب هذاك وشوف " بتلاقي كله كيميأ " !!!!
عارف ردك والله ! بتقول “” المفروضضض هالمادة يحطونهآ بالهندسة الكيميائيـة وشدخلنا فيها فيها معادلات وايونات وخرابيط وشتبي جاية لنا بقسسسمنا غاثتنا "!!! بس ياخي عشان لاتصير عندك حجة وتجي تحجني !
روح اي جامعـة برى " مع اني ماحب هالمقارنات " ولكن فيه ناس مايقتنعون الا اذا قلت له أمريكا أمريكا !
عشان لاتقول إن الكروشن مادة تبع الكيميائية والقسم قام يألف علىك كيفـه !
أدخل اي جامعـة برى وشوف اقسام الهندسة الميكانيكية بتلاقي Corrosion Eng
اسف ع الإطالة مرة أخرى والله يكون بعونـك ويوفقك دنيا واخرهـ والكلام اللي قلته لك مهوب كرها فيك ولا حقدا ولا حتى حبا في الجامعـة " ولكنه الحق " الجامعة فيها سلبيات وفيها أغلاط بنسبة كبيـرررة لكنها ليست بالسسوء اللي تتكلمون عنـه !!
أهلاً يا غالي ،
انا معاك في مسألة الابداع والاختراع وهذي أصلاً الجامعة ماهي معطيتك هي
اذا جامعة تهلكك في مذاكرة اولد اكزام وهوم ووركات واشياء ما منها فايده
من وين بتخترع ؟ إلا هذا قتل لطموح الطالب وامكانياته , بل حتى ما تعطيك فرصه
انك تطلع عن المنهج اللي هم يبغوك تدرسه …
وعلى فكرة , من يوم دخلت الجامعة الى يومك هذا ما اعتمدت على مدرس في تعليمي والشرح
والاوفيس اور ما رحته إلا عشان اشيك درجاتي وفقط …
دراستي كلها من نفسي استخداماً للكتاب ولبعض المذكرات …
والحمد لله درجاتي ممتازة , ومعدلي فوق 3 …
ولكن هذا ما يعني اني ما اعترف بعيوب النظام , بل بالعكس انا اكثر شخص ادري انه نظام غبي ( كـ طالب ذاكر ويختبر ويحل )
لأن الأسئلة الي تجي في المياجر ما تعتمد على فهمي للمنهج اكثر من حفظك للأفكار
من أسئلة اختبارات قديمه … والمضحك أن الجامعة معتمده على هذا الشي فعلاً
فلو كانت الجامعة تبغاك تفكر , تعطيك وقت اكثر في الاختبار ولكن تجد مثلاً ان السؤال
اللي ينحل في 6 دقايق بالتفكير , الجامعة تحط لك عليه وقت 3 دقائق … لماذا ؟
على أساس انك عارف وحال السؤال ذا قبل كذا !
فانا مثلاً لو بحط سؤال ابغى اختبر قدرة الطالب على الابداع والتفكير , باعطيه وقت عشان يفكر
حتى مدرسين الماث نفسهم يحتاجوا وقت عشان يفكوا في حلول حتى ان بعض المسائل ممكن
تنحل بأكثر من طريقة … واذا الانسان ما مر على المسألة ذي من قبل … صعب يعرف أيهم الطريقة المختصره
وهذي من تجربة من مدرسين الماث , فأنا مثلاً ألاحظ في الكلاس ان مدرس الماث
بدون الورقة اللي معاه وينقل منها اللكشر حقه , ما يعرف يقررر أي طريقة لحل نظام معادلات من الدرجة الثانية
هي الطريقة اللي راح تكون مختصره ! حتى ان بعض الاحيان الطلاب يعطوه طريقة اكثر اختصاراً
بمعنى آخر , الأسئلة الصعبه في الميجر تختبر شي واحد فقط , هل حفظت افكار من اولد اكزام ولا لا ؟
والله ان يا كثير من الأحيان , من كثر أسلوب الغباء اللي تعلمته هنا
صرت ادخل بس اشوف شكل المسألة اتذكر وين شفتها قبل كذا مع طريقة الحل
ويدي لحالها تتحرك وتكتب الخطوات مع بعض الحسابات … ويطلع لي الحل النهائي
وانا ما استخدم عقلي إلا في حساب الارقام فقط , طرح ضرب جمع
الشي الثاني لما تتكلم عن أسئلة اختبار وابداع كلامك صحيح , يا حبيبي يحطوا لك أسئلة
تفكر وتبدع على قولك , ولو انت فاهم المنهج تمام ومع شوية امكانات تقدر تفكر وتبتكر حل
اما معليش … طلاب الجامعة هنا نظامهم مو ابداع , نظامهم ذاكر اولد اكزام
يعني بالعربي احفظ أفكار , وكل ما حفظت افكار اكثر وجاتك الفكرة حليت !
وين الابداع بالموضوع ؟ انك ضيعت وقتك وقعدت تحفظ افكار عشان تحلها بالفاينل ؟
وبالاخير ما راح تستفيد منها ؟
صدقني الابداع ماهو بالطريقة ذي , الابداع في داخل كل شخص … انت عليك تترك له المجال
ماهو تقفل عليه من كل ناحية بحجة الابداع !
اذا على كلامك , فهذا معناه ان نيوتن في جامعته اللي درس فيها كانوا يحطوا له أسئلة
فيها افكار , مستحيل انك تطلعها إلا لو ذاكرت اولد اكزام وبالتالي صار انسان مبدع
وجاته قوانين الحركة فجأة !!!
لا , اللي وفرته له دراسته هناك , انها اعطته وقت فراغ كافي حتى يفكر ويبدع ويطلع من خارج
المنهج حتى ظهر بما ظهر …
النقطة الثالثه …
انت لما تتكلم عن العمل في السعودية , ترسم له مرسوم خيالي يرسموه الناس لاطفالهم
خلينا في الواقع , الآن اذا تخرج أي موظف من هنا وحطوه في شغله …
ما راح يعرف يسوي أي شي إلا بعد ما ياخذ دورة فترة معينه واحد يشرح له وش يسوي
واي واحد اخذ الدورة هذي أو جرب الشغل في الشركات يعرف ان الشركة تقدر تبدله
بـ هندي , وتعطيه 500 ريال … يسوي نفس شغله على اكمل وجه … بمجرد حضور الدورة ذي
الشغلات الحساسة , ماسكينها اجانب … أصلاً كل الأجهزة اللي تستخدمها أرامكو
تابعه لشركات أمريكية وبريطانية ومدارة من مهندسيهم الاجانب …
ومع هذا , فلا يمنع وجود بعض السعوديين اللي ابدعوا او ممكن قدروا يصيروا مسؤولين مباشرين على هذي الاجهزة بدون الاعتماد على الاجانب … ولكن مو هذا اللي تبغاه اي شركة
انا لو عندي منشأة حساسة وجيت ركبت فيها اجهزة من شركة سيسكو …
ما راح أأتمن أداء ومراقبة هذي الاجهزة إلا من شركة سيسكو نفسها … مهما وصلت كفاءة المهندس … هم اللي صنعوا الشي وهم ادرى فيه …
فما بالك في شركة مثل أرامكو !
والسوق قدامك وروح قلب في الموظفين واساله بالله وش علاقة وظيفتك بتخصصك
او بالعربي فرضاً لو ما درست التخصص , هل بتقدر تشتغل نفس الوظيفة ولا لا
واسمع الجواب بنفسك
نقطة مهمة , اللي هندسة ميكانيكية ويشتكي من الكيمياء كلامه غير منطقي
لأن الميكانيكا فيها احتكاك كبير ومنطقي بالكيمياء من ناحية المواد اللي تستخدم في القطع المختلفة
بحسب مقاومتها لدرجة الحرارة , والاحتكاك , وطريقة اختيار المادة المناسبة للـ lubricating
لكن فيه بعض التخصصات مالها أي علاقة لا من قريب ولا من بعيد بالمادة ذي …
شي آخر … وهو مسألة كلامك في التذكير بالثانوي مع الزيادة عليها , من ناحية كلامك
فأظن ان اي شي تدرسه ومالك علاقة مباشرة فيها راح تنساه , إذاً شي درسته في الثانوي في 3 سنوات متتالية
ونسيته خلال سنة واحدة بالجامعة , فهذا يعني اني ادرسه مره ثانيه بالسنه الثانية وبترم واحد ,
ويخليني ما انساه لمدة 7 سنوات قدام !
كلامك غير منطقي !
الحمد لله , أيام تواجدي بالمدرسة … تعلمت 7 لغات برمجة , وعدة نظم تشغيل وطريقة ادارتها وامور كثيره جداً
يمكن يبغالي ادرس دبل ميجر 4 تخصصات واخلص بكالوريوس وماستر ودكتوراة عشان اتعلم نفس الأمور
ويمكن ما أكون عملي فيها مثل ما أنا الحين … السبب ان كان عندي وقت كافي للابداع والانشغال بالشي اللي احبه
واشتغل فيه , من دخلت الجامعة , الآن مرت علي سنة كاملة , ولأول مرة في حياتي , ما قريت أي كتاب
ما تعلمت أي شي جديد خارج اللي اعرفه , وحتى اللي كنت اعرفه صارلي فترة طويلة ما طبقته
بسبب ضغط الدوام والهووم وركات والكويزات اللي تعطيني هو الجامعة أسبوعياً , وفي النهاية ما استفدت أي شي
غير من كورس الانجليش , واللي حسن لغتي بنسبة كبيرة جداً ولله الحمد
بقية الأمور , rubbish … أضاعت وقتي وجهدي وجزء من عقلي …
لا أحد يجي يقولي الجامعة تخليك انسان مبدع أو حتى انها تخليك انسان عادي ,
الجامعة تضغطك وتاخذ وقتك كله , لدرجة انك تتخرج منها وتجد ان اللي في عقلك واللي تعرفه
نفس اللي عند فلان وعلان … لأنه كله كلام كتب ومنهج درسوك هو … والمشاريع اللي تشوفوها في اقسام الهندسة
كلها مشاريع جاهزة , سواء الروبوتات ولا غيرها … نادراً تلقى واحد فعلاً اشتغل بنفسه وسوى شي كبير
إلا وتلقاه على حساب وقت الدراسة … وبالتالي مستوى اكاديمي طايح …
الأخ نقطه ابيك تدخل التراكر وتحمل الفلم Movie name : 3 Idiots 2009 عشان تعرف الفرق بين التعليم اللي ندرسه المعقد … ولما تاخذ الشي البسيط واللي يعتمد على فهم المنهج … صحيح الفلم هندي … لكن صراحه كل شي فيه صحيح من ناحيه الجامعه والدراسه !!
Alsareeh \ الله يعطيك العافيـة وكلامـك فيه كثيـر من المنطـق !
بالنسبـة لمعدلك ماشاءالله الله يحفظك ويزيدكـ
ثانيا : بالنسبـة لإعتمادكـ على الأولد إكزام وتتكرر الأفكـآر ، انا ماعممري إعتمممدت على الأولد أكزآم ! " إلا في مادة وحدة وليتني مافتحت أولد اكزامها لأني جبت في النهائـي 40 من 100 !!!!! كانت مادة لفل 3
غيرها ما اعتمممد ابدا على الأولد أكزام !!! يممكن الأسئلة والأفكار تتكرر انا مععاك صح !!
ولكن انا بضضرب لك مثال انا عشتـه ! كان ميجر 2 بإحدى المواد وجاب لنا الدكتور أسئلـة صعبـة صعبة !! يممكن أقولك إنه اغرب اختبار بالجامعـة ! وكانت كل حلولي لاتتجاوز الـ 4 أسسسطر واشوف الطلاب معبيـن الأورااااق ! والطرق اللي استخدمتها كل وحدة كانت على طريقـة السسؤال يعني ماقد شفت مثلهم !
خلص الاختبار وجات الدرررجات ! الأفرج 22 من 50 ! كنت جايب 48 ونص تقريبا ! ناداني الدكتور قال لي لاتحضر الفاينل خلاصصصص !!!!
كيف حليت انا ! “” من أولد أكزام “” !!!!!!!! لا من فهمممي لاني مططلع على الكتاب واسئلته وافكاره وكلش ! " مع العلم الاسئلـة ماكانت مكررة ولا حتى الرسومات الموجودة مهيب من الكتاب !
يمكن لو دورت بأولد إكزام بلقى شي قريب ، لكن لو كان فيه شي قريب من أولد إكزام ! ماكان الأفرج 22 !
والحمدلله معدلي فوق الـ 3 ، وبالنسبـة إنك ماستفدت شي من الجامعـة ومافهمممته !!!
تكلم عن نفسـك ياخي ، أنا عن نفسسي تعلمممت اشياء كثثثثير بالجامممعة والله !!
ثالثا : بتجي بتقول لي ارامكو وما أرامممكو لاتتكلم عن أراممممكو انا اشتغل فيها والأماكن الحساسة الحين كلها سعوديين ! ورح شف الـ Org Chart وشوف بنفسـك !!!!
وتو قبل فترة بسيطة نزل موضوع بمنتددى الجامعة عن 4 نواب بشركة أرامكو " كلهم خريجين البترول " !!
شوف انا معععاك اذا بتشتغل في الششركات الكبيرة " هندي يمكن يسسوي شغلك " !! وانا داومت بأرامممكو وشفت الشغـل كلام فاضضضي !
ولكن ! " داوم بشركات المقاولات " !!!! وشف الشغل اللي يسسونه !
روح شركة العبدالهادي ! روح ششركة كوربرو ! خليج قولف !
بعدين جيب الهندي حقـك وعطه 500 ريال !!!! وشوف يسوي الشغل ولا مايسسويه !!
فيه فرق بين ششركة كل شغلها إداري وشركة كل شغلها هندسسسي !
اعرف مهندسسسين واجد بالشركات اللي قلت لك عليها وتعاممملت معهم ! وشفت الشششغل اللي يسسسونه ! كله من صلب وصميم تخصصهم !!
بالنسبة لكلامممك ماعندك وقـت والجامعععة ضاغطططتك ضغط الويـل !
ياخي نظم وقتك ويصصير عننندك وقـت ! مشكلتك اذا كان وقتك ملخببببط !
بتقول مافيه مجججال يخلونك تبببدع ! ماسكينك !!!
انا ( واعوذ بالله من كلمة أنا ) وكم واحد من اخوياي بالتخصص ! شاركنا بكذا مشروع مع الدكاترة “” مالها شغل بالمواد ولا لها شغل بالقريد ولا شي " برى الجاممعة وكان عندنا وقـت ونسوي شغل الجامممعة من كويزات وهوموركات وااكزامات ونشتغل مع الدكتتور بالمشروع حقـه !! وبالنهاية استفدنا ومعدلاتنا الدراسية بذاك الفصـل
كلنا كانت معدلاتنا الفصلية فوق الـ 3.5 !! “” وش معناها : ماعندنا وقت “”" !!!!
بتقول لي كل وقتنا كررف بقولك لأ مو كررف كل وقتنا " فيه تعببببببب وكررف " لكن كان عندنا وقت نرفه عن نفسنا فيـه بالمعقققول وبما يكفينا !! ولجات الإجازه " لاتنزل صيف " خلها كلها لـك والعب ووسع صدرك لين ماتقول آمممين ! تتاخر ترم ، ترممين ، المهم بالنهاية تطلع بحصصصيلة علمممية !!!
ياخوك من عذرهم يمنعونه كل شي كان تمام اخذت يدي ورحنا بعيد . وفجأة تركت يدي وخليتني لحالي من غير مبررات …
هذا ما فعله مقالك معي فلم توضح لماذا كانت احلام لماذا تغيرت وجهتك ونظرتك للجامعة " وش شفت منهم …؟ . ما ذا واجههت من معوقات او رجالات اعاقو طريقك . ادفايزر . مدرس . مسجل او المدير ؟؟؟؟
الأخ الصريح … واضح انك ما شاء الله انسان فاهم واوريا له مستقبل واعد ان شاء الله
لكن يقال خذ العلم من مجرّب ولا تاخذه من طبيب … وانا اقول لك تو الناس والى الان ما عندك المعطيات الكافية اللي تعطيك الفرصة في انك تحكم على طبيعة الدراسة في الجامعة … اولد اقزام ما ينفع وما راح يمشّيك حتى لو مشّاك في الاوريا … الاوريا لها وضعها الخاص واللي يختلف تماماً عن الجبل … شخصياً … الاولد اقزام ما اعترف فيه … وفي الغالب ما يكون عندي وقت اجلس اطقطق عليه اصلا! ادخل الاختبار على الفهم اللي عندي … والحمدلله الامور ماشية وفي الوضع السليم … صحيح فيه عندك بعض الكورسات لازم يكون عندك اطّلاع على طريقة الاسئلة عشان تكون عندك خلفية عن وضعك في وقت الاختبار ولازم تتدرب عليها … اما سالفة اولد اقزام كذا على عماها وبدون فهم … هذي ما تنفع ابداً وانا اخوك!
بالنسبة لسالفة هل الدراسة في الجامعة تعطي الطالب فرصة انه يبدع او ان الجو هنا يشجع على الابداع … فالجواب في وجهة نظري هو لا … على الاقل الى الان ما شفت الشيء اللي يدّل على هذا الكلام … لكني ما زلت في بداية المشوار ولاحق على خير ان شاء الله … وانا متأمل في الجامعة ذي خير … لكن اعرف وتذكر وحط في بالك دائماً انك انت كطالب تقدر تخلق الفرصة هذي لنفسك اذا انت شاركت وتحرّكت … انت اللي تعطي نفسك الفرصة هذي … اذا انت اثبتّ نفسك وبينت قدراتك للجامعة … ابشر بعزّك والجامعة باللي فيها كل ابوهم بيكونون اكبر داعمين لك … ولك في اخونا مهند ابودية المثال … وغيره كثير ما يحضرني منهم احد الآن …
الاخ نقطة … بارك الله فيك وكلامك جميل جداً … وما دام فيه ناس مثلك تجي وتكتب تجاربها وتلخصها لنا … احنا بخير والله! شكراً لك على مشاركتك ووقتك …
ما اعتمدت على اولد اكزام لتكرار الأفكار يا غالي , والاولد اكزام يعتبر مذاكرة اساسية ثانوية
الأساس هو الكتب , واللي تاخذ منه الكونسبت , واللي في الاختبار ما راح ينجحك
الاولد اكزام , مسائل بأفكار جديدة ومتفرقة لم تذكر في الكتاب ولا حتى في أسئلته
انا الآن تقريباً مخلص السنة التحضيرية والحمد لله , فتقييمي كان بناء عليها
سواء من ناحية ضغط الوقت والهووم ووركات , انت شكلك خريج قديم
فما لحقت على الحالة الآن , وكثير من الطلاب هنا يخالفوك في كلامك
وبخصوص الوظايف , ترى انت تتكلم عن حالات قليله بالنسبة للأغلبية …
حتى الشركات اللي ذكرتها الظاهر انها صغيره لدرجة اني اول مره اسمع فيها !
أخيراً مسالة الوقت اللي لقيته انت , يعتمد على نوع تخصصك
بالاضافة للمشاريع اللي تتكلم عنها , أود أن أسألك , كم مرجع اضافي خارج المنهج قد قرأته في خلال سنواتك الجامعية , أو بالأصح كم كتاب قرأت عن تخصصك من خارج الكوريكلوم حق تخصصك ؟
وايش المشاريع اللي طبقتها بناءً عليه ؟ ثم شوف الجامعة اعطتك وقت ولا لا
مثل ما ذكرت مسبقاً أنا قيمت بناء على السنة التحضيرية واللي أأكد انها حرق لوقت الطالب
بدون فائدة كبيرة ما عدا في كورس الانجليش ومادري كيف الوضع بالجبل
ولكن من حديث الطلاب بأن الدراسة في الجبل تعتمد على الكتب أكثر من العمل
والاهم انها تضغط بشكل كبير , كما ان بعض التخصصات معروفة بهذا الشي
كما اترك لك التقييم من خلال رأي الطلاب , هل الجامعة تعطي وقت لأداء مشاريع كبيرة وخارجية أم لا ؟
أهلاً يا غالي ,
مثل ما ذكرت مسبقاً , الاولد اكزام يعتبر كتاب ثاني للمذاكرة بعد مذاكرة الكونسبتز من الكتاب الأساسي … اما مسألة واحد يعتمد على الاولد اكزام بدون مذاكرة فهذي ما تجي
ومستحيل يقدر يحل شي !
واللي بالاحمر هو اللي نقاشنا غالباً عليه … واختصرته بجوابك
وانا اقتراحاتي لحل هذي المشكلة هي انه يتم التخلص من الامور التي لاداعي لها
فمثلاً عندما يكون للماث هووم وورك ورقي وهووم ورك اون لاين وكلها تعطي نفس النوع من الأسئلة
واللي مستحيل يجيك في الميجر او الفاينل …
بالتالي واحد منهما وقت اضافي يؤخذ من الطالب بلا فائدة , من المفترض انه يحذف
الشي الاخر كورس زي الوورك شوب في التحضيرية مقسمينه خمسة اقسام
وكل قسم عليه اسبوعين مدري ثلاث اسابيع , ويجيك المدرس يلحس لك الدنيا ويمشي
ويدرسك في نص ساعة من الوقت اللي معطى له ، لدرجة انك تطلع من الكورس ما تدري وش الطبخه ولعلي اذكر جزء صناعة الصندوق … لاتخطيط سويناه بنفسنا , ولا حتى انشرح كيف يتسوى التخطيط وكل الاجهزة مصممه لصناعة الصندوق , انا طلعت من الكورس مادري الى الآن وش الفايدة , غير انه من قطعة ستيل مكعبة يمديك تسوي صندوق …
وبالتالي الكورس ما اخذت منه الفايدة المرجوة ، الحل , تقليل الكورس
حذف الجزء اللي ماله داعي وبالتالي يصير فيه وقت اكثر للمدرس
يعني الطالب اللي غلط في الصندوق او ما كفاه الوقت , او حتى ما فهم مافيه شي اسمه اعادة
ويترك كل شي ويرجع الاسبوع القادم ويلقى الصندوق واحد مسويه من جديد ( الفنيين )
بالله وش الفايدة ؟
وامور مثل هذي …
ولكن كما ذكرت , ما اقدر احكم على الجامعة كلياً لأني توي مخلص اول سنة
واترك الرأي والحكم للطلاب من السنة الثالثه وما فوق
اخوي اولا انا ماني خريـج قديـم ! انا على وشك التخرج باقيلي ترم واحد بس
تخصصي هندسة ميكانيكية
اول شي أبي أقولك اياه " الاوريا " مافيها ضغط لا بالمذاكرة ولا بالدوام ! يعني أنا أذكر الأوريا كان كل وقتي فاضي برى الدوام " إن كثرت وضغطت على نفسسي ساعتين باليوم " ايام المياجر ماكان فيه الا الممماث وماكنت افتح اولد أكزام !
ناتي للشي الثاني الشركات اللي قلت لك عليها ماهي صغيره
شركة العبدالهادي والمعيبد للاستشارات الهندسيـة ( AMCDE ) ماهي صصغيرة !!!! على حسب علممي فهي أفضضضل شركة استشارات هندسية تفضلها أرامممممكو وهي اغلب شركة تسوي التصاميم الاوليـة لمشاريع أرامممكو !!!
أنا ما اعتقد إنك مطلع على الشركات الموجودة بالسعودية " يمكن انك تعرف أرامكو وسابـك " !!
انا ماقول إن فيك غلط ، لا بس يمكن انك مو متطلع على الششركات !
انت قلت لي ان الشغل يسسويه اي واحد ، اننت لمما تتكلم عن الشركات الإدارية " مثل أرامممكو وسسآبك " قليل شغل الهندسـة والتصاميم فيها ! " ماعدا لكم دائـرة نستثنيها لان الأغلب مايكونون في الدوائر اللي فيها تصاميم وتطوير !!! انا معععاك صصصح الشغل مايحتاج لواحد مختتترع وقاهر للعادهـ ، يحتاج لواحد نششيط ويبي يوصصصل لمنصصب معيـن
اما باقي الشركات " الكونتراكت مع أرامكو وسابك " هي كلها شركات هندسية فيها تصاميـم ودورنقز ! وعممل هندسسسي بحـتتتتتت يحتاج إلى انك تكون فاهم في تخصصك !! " صحيح بيعطونك دورات …إلخ ولكن تحتاج يكون عندك الـ Basic اللي تاخذه من الجامممعه " !
بجيك للكتب الخارجيـة " ما قرات كتاب كاممممل خارج الكروكيلوم " !! بس المراجع فهي كثيرة ماقدر أحصصيها لـك ، بعضها من الإنترنت بعضها من مكتبة الجامعـة بعضها من بحوث قديممممة لدكاترة !! ماهو شرط اقرى كتاب كامممل ، المعلومات اللي ابيها واحتاجها أبحثثث عنها !
انا ابقولك شغلة ، الجامعة ماعطتني وقـت كويسسس ولكن الدكاترة كانو متعاونين معاي بشكل ممتازززز !!! ابذكرلك موقققف !
كنت شغال مع دكتـور في بروجكت حق تحليـة الميآهـ " خارج الكورس " وكان عندي بروجكـت لدكتور اخر " داخل الكورس " وخل اكون صادق مععاك ! " اهمملت في الكوررس هذآك عشان البروجكت اللي مع الدكتتتور ورحت لهذاك الدكتور وقال لي قريداتك كويسة ودرجاتك ممتازة ليش مهمل البروجكت ! " قلت له كيت كيت كيت " وبعد ماتأكد من الموضضضوع وانتهى الترم شفت عطاني قريد فوق اللي أستحقققه !!! ومع العلم ان المشروع هذاك أعرف معطياته واعرف مخرجاته وأعرف شغلات كثثثيرة فيه لكني ماكنت حريصص عليـه !!! يعني كنت فاهمممه
انا مستغرب منك من شغلة وحدهـ وهي تقول إن الجامعة ماعطتك وقت وماعطتك وقت " وانت توك بالسنـة الأولى " !!! يعنى لسسسة مادخلت في تخصصك !!!!! وجالس تتكلم وتقول الجامعة والجامعة وماعطتك وقت !!!!!!!! ولا شفت الشباب كلهممم يقولون مافيه وقت مافيه وقت وقلت معاهم !!!
شوف اخوي انت قلت كلممة الا وهي " بخلي الطلاب يحكمممون ، بخلي الحكم للطلاب " !!
خل الحكم حق عقلك وانا اخوك مهوب للطلاب " مو معناها إن 100 طالب يحكمممون " فهم الصح !!! يمكن في نظرهم وعقلهم صح لكن إنت لك نظظرة ثانية وتعتقد إنها هي الصصصح !! يمكن تكون حكمك أفضل من هالـ 100 طططآلـب !! فالسالفة مهو بس معاهم معاهم عليهم عليهم !!
وأحذر من مثبطيـن الهمم ! " اللي دايم يحطممممون " واللي دايم يقولون " حنا مانقدر حنا ماعندنا دعم حنا ماني عارررف إيشش "
أحد الاخوان ضرب مثآل أبو ديـه واششكره جدأ ! فهذا مثآل حححي جدأ فالرجال عنده أكثر من 20 براءة إختررراع " مامعناها " !!!!!!!! هو لقى دعم وانتم لآء !!! الكلام يخوي انه هو اجتهد بينما هالنوعيـة والفصيلة من الناس هذي ماجتهدو " يبون كل شي بالسهولة يجيهم " !!! يبون الدكتور يجيهم لعند السكن يقول لهم " لو سمممحتو تكفون بعطيكم فلوس فوقها ومكافأت بس شاركو معاي في بحثي أو في مششروعي “” !!!!!
أرجو ان تتقبل هالنصصصيحة كأخ فوالله لا أرجو إلا كل خير لجميع اخوانننني الططططلاب
ادري انه فيه شي اسمه ابتعاث وفيه شي اسمه كو اب
لكن مستحيل اجي اقول لأحد اني اعمل لدى شركة , فالعبارة الدارجة
انا سويت كو اب عند شركة كذا … حتى يقدر الشخص فترة العمل
ونوع الاحتكاك الحقيقي …
خاصة في موضوع نقاشي يتحدث عن بيئة العمل لدى شركة كبيرة زي ارامكو
على كل هذه ليست مشكلة , مجرد أمر أشكل علي ولاحظته
ولايقلل من رايك وقيمة كلامك , فمثل ما ذكرت مسبقاً … هذا رأيك وانا احترمه
لكن استغرب من واحد حاط لي بالتقييم الرسالة ذي على الرد اللي فوق :
هذا ليس اسلوب وصدق من قال الانسان عدو ما يجهل - تحياتي ، ون
أي أسلوب طال عمرك ؟
أتمنى فعلاً أن يشارك الطلاب بوجهات نظر مختلفه لعلها تثري النقاش
ونخرج منها بفائدة
أولا : كو أب + تريننق " كلها نوع من انواع العمل " ! فهي تعلمممك طبيعة العمممل على أي حـآل !!!
فعندما قلت لك اني اعممل معاهم " قد اكون كو اب قد اكون تريننق قد اكون موظف " مايحتاج اعطيك تفآصـيل لاحاجة لنا فيها ! " يعني بالأحرى : ما اعتقد اني لازم اقول لك بعد كم مساحة المكتب اللي معطيني إياه "!! نكتفي بأني أعررف طبيعة العمل وأعمممل معاهم ! سواء كان كو أب تريننق !!! مهو موضوع نقاش تناقششني فيه موضوعنا شي وانت خرجت عن الموضوع !
بالنسبـة للاخ اللي رد عليك بالتقييم
الاخ كاتب لك أسمه ! " يفضل إنك ترسل له رسآلـة على الخاص وتقوله وش الأسسسلوب اللي انا غلططت فيه " !!
لا يالغالي تفرق كثير … مثل لما تسأل طالب عن رايه العام في الجامعة فكونه طالب في الجامعة
لايكفي , ويهم السنة اللي هو فيها , بحيث انه يقدر يحكم على الجامعة بشكل عام , أو حتى عن سنة بعينها بشكل خاص … ولذلك ذكرت مسبقاً , بأن وحهة نظري مبنية على تجربتي في السنة التحضيرية ، وقد يكون الوضع في الجبل مختلف والله اعلم …
اما بخصوص الشخص المذكور هناك , أنا ما أعتب عليه أو عندي مشكله معاه
ولكن هو علق عن رايه في الموضوع أو في أحد ردودي في مكان غلط
والأدهى انه استخدم عبارة تصفني بالجهل بطريقة غير مباشرة … ( قل خيراً او اصمت )
لا اني استفدت وعرفت غلطي , ولا انه غيري اللي استفاد واخذ راي جديد على الموضوع
وحبيت لو يشاركنا برايه , لا أكثر ولا أقل
وكثير من الطلاب عندهم آراء مشابهة لرأيي , ولكن أستغرب عدم ردهم على مواضيع مثل هذي
والاكتفاء بالتقييم للتعبير عن آراءهم , من حق كل شخص يعبر عن رايه , ولا يشترط أن يكون مع أو ضد
وكونك مشرف في منتدى تابع للجامعة لايعني انه عضويتك لابد تكون مخصصه لمدح الجامعة وفقط !
حتى وان لك راي آخر !
وأذكّر مرة أخرى , أنا اكتب رايي هنا لتجربة خضتها وتقييم منهج انا درسته , والمسؤول ماهو الشخص المناسب لتقييم المنهج
المسؤول يجتهد ويسوي عليه , والتقييم على الطالب والمدرس لأنهم الشخصين الوحيدين اللي يكون لهم اتصال مباشر
مع المنهج ويعرفون عيوبه والامور التي يجب تعديلها والامور التي لايجب , اذا انا وانت ما كتبنا تجاربنا وكتبنا عيوب النظام
من اللي راح يكتب ؟
بالعكس الآن لو جات الجامعة واخذت ردي انا ورد عشرات الطلاب من السنة التحضيرية عن رايهم في امور خاطئة في منهج
السنة التحضيرية وعدلوها بناءً على آراءنا أو اللي يشوفوا انه الأفضل , لا أظن بأن هناك مشكلة
بل بالعكس الجامعة استفادت , واحنا استفدنا …
انا اكلمك عن الاسئله اللي تجي بالاختبار
هياط × هياط