أولاً الله يبارك فيكم شباب وعقبالكم …
ثانياً أنا مخطط إذا بدا الترم الصيفي وأخذت السيلابس …
إذا في تعارض بين المياجر وزواج أخوي كلمت الدكاترة …
إذا ما في أمل حذفت الترم والله يعوض …
أما إذا مافي تعارض فبكيفهم يقبلون العذر أو لا …
إن شاء الله ما يكون في غيابات عندي وغيابين بدري عالـ dn …
موفقين حبايبي …
كآن الله في عونك
وألف مبروووك زوآج أخوك
وما أزيد على كلام الشبآآب
اتوقع لو بتحضر زواجك ما بيعطونك عذر
عالبركه مقدما
رح للدكتور على طول…وشف وش يقولك…
عاد انت وحظك…
وشؤون الطلاب أعتقد ما راح يفيدونك بشي…
ما أتفق مع هذي الجملة … النظام وُضع لضبط المنشأة … وما دام انه يمشي على الجميع وبدون اي استثناءات لأطراف معينة او لأشخاص معينين اشوف انه ما فيه اي مشكلة … اذا النظام ما كان ثابت وكانت فيه ثغرات معينة … معناها انه نظام مهزوز وفيه خلل في المنشأة هذي … والشغل على كذا ما راح ينتهي ابد … لازم يكون عندك نظام محدد بوقت … والجامعة اشوف اكبر ميزه فيها هي انها ملتزمة بالوقت وتطبيق الأنظمة هذي …
اي شركة او اي منشأة “محترمة” من سابع المستحيلات انك تلقى فيها مثل هذا النوع من الاعذار الشخصية “بشكل رسمي” … لكنها ممكن تتوفر بشكل “غير رسمي” وتكون بينك وبين مسؤولك المباشر … اللي هو الدكتور في مثل وضع صاحب الموضوع …
ان شاء الله الدكتور يتفهم
كلامك صحيح أخوي , لكن ما يتنافى مع إلي قلته , أنا ما قصدي إن كل شوي استثناء وتغير عشان حالات خاصة
النظام النظام ولازم الكل يمشي عليه
لكن بنفس الوقت إحنا بشر وإحنا إلي حطينا النظام من الأساس عشان فائدتنا موب علشان يضرنا
خليني أضربلك مثل
لما الدكتور يعطينا محاضرة ويخلصها قبل نهاية المحاضرة بساعة ,
وبعدين يطالع بساعته ويقول its too early to leave , عشان يلتزم بالنظام ويطلعنا عالوقت!
طيب ياخي الساعة هذي ممكن أسوي فيها أي شي , أما تقعدني في الكلاس لا تبي تشرح ولا في شي تسويه وتقلنا سولفو!! يعني أيام المدرسة ما كنا كذا يمكن
بالحالة هذي النظام رح يضرنا بدل ما يفدينا وهذا عكس الهدف من النظام أساساً
يعني اجمع بين كلامي وكلامك , لازم النظام يكون دقيق والكل يمشي عليه ومافي استثناءات لفلان وغيره
بهدف إيش؟؟ التنظيم - العدل والمساواة - كل شيء يفيدنا في النهاية
لكن لما تنقلب المصلحة , خلي النظام يضرب راسه في الجدار