ما عاد ابغى اذاكر !!

Dr.6moh · February 27, 2012, 9:38pm

افضل رد

user6200 · February 27, 2012, 10:15pm

انا من بداية الترم ماقدرت اجلس على كتاب اكثر من ساعة

والله مشكلة

بس ما احس بتانيب الضمير يمكن لاني اخر ترم بالجامعة وتعودت

هع هع

user4216 · February 28, 2012, 7:37am

اهتم بدراستك:

أغلب الطلاب يمروا بمثل حالتك ، واللي ما تجيه مثل هالحالة هذا فيه عقدة نفسية ، لكن بس تمسك الكتاب أو السلايدات (ابدأ بالأكثر تشويقاً منهم) تمشي الأمور ولا ودك تتركه ، وحاول تحل أسئلة بعد كل درس (علشان تفرح نفسك وأنك سويت شيء له قيمة)

ونفس ما قالوا الشباب
أولاً : اتصل على أهلك ، وخصوصاً أمك واضحك ونكت وسولف معهم ، لكن إياني وإياك تقول لها ماني مشتهي أذاكر ، لأنها بتخاف عليك وكل شوي تتصل وتتطمن عليك ، لكن ما ينمع تقول لها تدعي لك بالتوفيق

ثانياً : ذاكر في الغرفة وبس ، لأن مجرد التفكير في مكان ثانية يعتبر مضيعة للوقت وتهرب من المذاكرة
الغرفة فيها كل اللي تحتاجه مثل الكتب والمذكرات ، لكن لو تبقى تروح مكان ثاني مثل المكتبة تحتاج نص ساعة رايح ونص ساعة جاي ويمكن تنسى شيء ضروري ولا تعرف تذاكر

ثالثاً : حاول إنك ما تتعشى مع شباب كثيرين ، يعني أنت ورورميتك وإن كثرت زيدوا واحد فقط ، لأن بعض الطلاب يخربوا عليك ويقولوا لك مشينا نتمشى كلها ربع ساعة أحنا راجعين وفي الأخير تقضي الليلة كلها تمشية
لكن ما يمنع أنك تجمعهم كل إسبوعين

رابعاً : قوي علاقتك بالله سبحانه وتعالى ، ومنها المحافظة على الصلاة ، يعني مو شرط تصير مطوع وتطول لحيتك وتفلسف كثير ، أهم شيء تعمل الواجبات وتجتنب المحرمات وخلاص
لو التزمت بهالنقطة بتحصل الراحة النفسية و الدرجات الحلوة

بارك الله فيك

احسنت وكفيت