ياشفت بعض الردووووووود
لاحوووووول
متأكد ان بعضهم مايفتح الكتااااااب
مذاكرة مسميته !!!!!!!! المشكلة بالمدرسين , وغيره
ابعطيك بكل بساطة نبذة عن الجامعه والله الموفق 
الجامعه بوجه عام مو صعبة ولكن حنا غير مستعدين لها , مساوئ… 
1- يعني هل انت من النوعية اللي تنتبه مع المدرس لو انه ممل وتركز وتذاكر 3 ساعات يوميا ؟؟ اذا جوابك ايه اذا انت تصلح للجامعه وسهله وانسى الردود السابقة كلها ,
اذا لا ولكن يمديك وبتسوي وووو - صدقني كل اللي دخلو الجامعه قالو هالشي ومعظمهم مايقدر لأنه غير مستعد يضحي او عنده مشاكل في التركيز وغيره من العوامل -
2- الفهم بتفهم ولكن يبيلك تجتهد , ابعرف الاجتهاد حتى ماتنصدم
اجتهاد في الثانوي حق نسبة 99 حكومية بدون مساعدة مدرسين يعني افشل مدرسين
تقريبا تحتاج 500% من هذا لمعدل 3+ ع الاقل
يعني بالعربي الثانوي لعب ورعان , هنا يبدا مشوارك الدراسي - انت طالب جامعي -
3- سوق العمل يعطي جامعي البترول اولوية لأجل انه فاهم بالتخصص ولكن الأولوية اللي ترشحك وتفضلك بالوظيفة عن غيرك المعدل - وفهمك للتخصص , مو اسم الجامعه
4- اسئلة الاختبار , كما قالو الطلاب ليست على فهم مبدأ المادة انما هي تحدي 
مقدور عليه لو مجتهد ولو ع الفهم فقط اعطيك 60% كحد اعلى في الاختبار - بشكل عام -
5- الجامعات الاخرى يفرقون في الاسئلة السهلة وقلت الواجبات والاختبارات القصيرة واللي تكون بالغالب من الواجبات - البترول العكس -
6- بالنسبة للمذاكرة هي الكتاب + الامثلة + الاسئلة اللي بالخلف تقريبا 60% و الاختبارات القديمة بالغالب 5 اختبارت وكل سؤال راح ياخذ منك 5 الى 10 دق بشكل عام غير مذاكرة الكتاب وانت عليك حسبة الوقت , الجامعات الاخرى الكتاب- بالغالب ملخص- + الامثلة + اسئلة الواجب اعتقد تكفي
_____________________________________________________________________
1- الجامعه تخليك مستعد لحياتك المستقبلية تعلمك الانظباط وتطورك للافضل ,
2- الجامعه سهله ولكن يبيلها استعداد انت جرب نفسك وذاكر 3 ساعات يوميا - لمادة ماتعرف وش هي مثلا فيزيا نووية ومادتين غير تكون نفس النمط - اذا شفت نفسك والله عادي ومبسوط وتقدر تحل الاسئلة , اذا ماعندك مشكلة ,
3- لها سمعتها في المجتمع صدقني هالشي له - وزن ثقيل - 
4- المدرسين اغلبهم اكفاء , ولو مافهمت حاجة تجيهم بالمكتب ويشرحون لك ويفهمونك بدون اي مشاكل ولكن من منا يروح لهم 
ومافيه اي تلاعب او خربطة يعني مستحيل تتعكر في مادة اكثر من مره عشان الدكتور , لأن تقريبا كل المواد لها اكثر من دكتور وفي المنتدى معلومات كافية عن كل الدكاتره
5- منتدى الجامعه والتراكر , بيعجبونك ~~
6- بالنسبة للكلام انك بتذاكر اغلب وقتك ومافيه وقت تنبسط , زي مقلت لك 3 ساعات يوميا مع فترة الراحة بينهم نقول بالكثير 4 ساعات لو ان من النوع اللي تاخذ بريك طويل ~~
+ 6 ساعات دوام
+ 10 ساعات نوم - يعني 9 ساعات وساعة فترة مابعد النوم او قبل النوم -
ويبقى لك 4 ساعات دق فيها اصبع , غير الخميس والجمعه
وكل ترم اللي هو 4 شهور منه شهر ونص برى الحسبة وقت اختبارات يعني نوم اكل مذاكرة فقط
7- وكل الجامعات حلوه وف انت وش تبي الفله والراحة او السمعه و شي يعلمك الانظباط ويخليك تستعد واء للعمل او الماجستير او غيره , وفي كلا الحالتين الطنخة موجوده 
:
, both