حبيبي ارامكو اذا ابتعثك برى تبعثك لجامعات افضل من البترول !!!!!
انا اتكلم عن الجامعات العاديه في امريكا يفضلون خريج البترول ولو معدله اقل معليش اخوي اذا واحد محتار بين بعثه لجامعه عاديه ولا البترول في هالحاله البترول افضل له من ناحيه الوظيفه والمستقبل وامريكا افضلها اسهل وفله ويعيش حياته !!!
لكن اذا واحد محتار بين الجامعات التوب في امريكا ولا البترول هنا بالتأكيد برى افضل مستقبل وظيفي وجو دراسيي وكل شي !!!
تمتمات مطر … معليش بس ممكن اسآل ليه طلعت من الجامعة ؟
انا والحمد لله ، مرتاح فيها و معدلي ممتاز ولله الحمد . و ما قد شفت ظلم ( و الله يشهد علي ) من المدرسين الا
من المدرسين الآنجليز و الآمريكان .
اما تقولي من ناحية التعليم ، الجامعة الحمد لله ممتازه و معترف فيها و اهم شي ان معها الآبت ، جامعات كثيييره في امريكا ما معها ابت .
ومن ناحية اللغة ، لغة الجامعة تكفي و تزود ، و لسا ، بيئة العمل بتعلمك اكثر ، هذا اذا ما معك امكانية انك تدرس لغة برا في الصيف .
و بالنسبة للمناهج ترا هيا هيا نفسها ، هنا ولا برا ، الكتب كلها من برا يعني ما تفرق .
و انا اقول من ناحيتي ترا العلم في الراس ، مو في الجامعة و لا المدرسين ، هم عامل مساعد ولكن ليس اساسي .
و انا ترا اعرف ٢ من جماعتي درسوا برا سنتين ورجعوا ، و كملوا في الملك سعود ، وطبعا الاسباب كثيره و منها اسقعاد الملحقية و عدم الحرية في اختيار التخصص .
وفي الآخير اقول ، اللي ما يعرف للصقر يشويه و يفطر عليه بعد ، وسلامتكم
اوه ، نسيت شي
اما اذا جيت من ناحية الوظايف فأول شي أقولك اياه ان الأرزاق بيد الله
و ثاني شي ، أذا انت دافور بالعربي ، أول شركتين بتطاق عليق من أول ما تخلص التحضيرية هم أرامكو و سابك آذا انت في جامعة الملك فهد .
اما اللي يقول الدراسة برا فيها فرص وظيفية أكثر ، فأنا اقوله شكلك ما تتابع داوود الشريان ، فيه حلقه كامله عن العاطلين عن العمل و هم متخرجين برا ، وبعضهم معهم الماجستير ، و واحد من المتصلين قال انا متخرج من امريكا هندسة و رجعت السعودية و لا لقيت وظيفة ، ورحت اكمل ماجستير عسى الله يفتحها لي و برضوه ، لما رجع ما لقى وظيفة الا الحين .
فزبدة الكلام لصاحب الموضوع، الدراسة في الملك فهد ممتازة جدا ، خصوصا أذا انت تحت ال ٢٠ سنة و مو متزوج و ما تعودت انك تسافر برا . مالها داعي تروح و تخربها بالعربي 
لا تستهر بذا الكلام ، يا كثر من سافر و خرب ، و كثير منهم كانوا ملتزمين ، شوفت عيني يا خوك برا .
فلا تخاطر بمستقبلك عشان الناس تقول " شوفوا فلان متخرج من امريكا "
وسلامتك
من خلال تجربة شخصية في عقد مقابلات للتوظيف لمهندسين شاركت في مقابلة 10 مهندسين 3 منهم خريجين البترول والملك عبدالعزيز والبقية من امريكا
المفاجأة كانت ان طلاب جامعاتنا المحلية كانوا افضل وبمراحل من خريجي امريكا حتى بعضهم كانت لغته اقل من عادية وأقل من خريج البترول
المحصلة من السبعة قبلنا واحد فقط
وقبلنا جميع خريجين جامعاتنا المحلية
هذا ليس تقليلا من خريجي امريكا ولكن نقل تجربة واقعية
في النهاية اللي يحدد مستقبلك هو حجم المعلومات اللي تكتسبها بالاضافة الى ثقتك بنفسك وليس مكان او موقع الجامعة