كل عام وانتم بخير … ابي اجيب هديه لروميتي عشان العيد وش تنصحوني ايفون والا كانون ؟؟
ترمت معي السمستر الجاي؟ 
ههههههههه 
هـذا رد كتـبته أول لأحـد الأعضـاء كان يشتكـي من رومــيته
يمكـن يفــيدك (حاليـاً قبل تخـتار رومـيت … أو بعـدين إذا كـان رومـيتك مايناسبك)
أنت اهم شي حآول تحب روميتك !
يعطيكم العافية شبآب. .
الله يرزقنا الروميت الطيب بس. .
اسمع طيب … أنا من سكان الشرقية وما احتاج غرفة … اذا ودك بغرفة واتنازل لك فيها كاملة 
… بس لا جت المناسبات 
لا أوصي حريص … ونوع يعني سمستر كاميرا سمستر جوال وهلمجرا
نصيحه مني اتبع الآتي
1/احرص ان يكون بنفس طباعك ولامانع من اختلاف قليل فهذا شي وارد
2/يفضل يكون شخص تعرفه مسبقا وماخذين ع بعض ولو ماتعرفه مو مشكله الحياه بالنهايه تعارف وعشره
3/لاتدقق كثير بتفاصيل الامور خلك انسيابي عشان ترتاح
4/ابتسم دايما عشان تضفي البهجة في قلب شريكك عفوا قصدي روميتك لان الابتسامه لها مفعول سحري
5/لو شفته متضايق خله بروحه ولا تلح عليه تعرف شفيه لين يجيك بنفسه
6/خلك كريم وسخي ووقت ضيقه او زنقته ادفع مافيها شي
وفيه امور كثيره بس هذا اللي ببالي
لكن عموما انت ان شاء الله مو محتاج نعلمك بالخطوات وش تسوي وكيف تتعامل
كلنا بالنهايه اخوان
وربي يوفقك ويوفق الجميع
نصيحة لك ,
اذا ما تبي مشاكل مستقبلا لا تطق الميانة مع روميتك بالمررة يعني يكون فيه رسمية شوي افضل .
ويكون جو الاحترام هو السائد حتى اذا طلبت منه شيء او هو طلب يكون سهل عليكم التفاهم.
برايي ان الروميت عكس الصديق اللي برا تقابلهم , هذوليك تشوفهم يمكن كل يومين او ثلاثة او اكثر وتقعد معهم كم ساعة فقط وترجع لغرفتك , بينما قضية الروميت مختلفة هذا بتجلس معه يوميا ويشاركك في عيشتك وكل تفاصيل حياتك الجامعية.
لذا انا اشوف ان اللي عنده اخويا ما يحتاج يصير روميته صديقه بالمررة , حتى يرتاح من هَم الاختلافات.
وجهة نظر وقد يخالفني الاجتماعيين بزيادة.
طنش تعش تنتعش , رضى الناس غاية لا تدرك
سوي موازنة صديق كله مية مية
أهم شيء أن الواحد يترك عنه الوسوسة والظن أن روميته يسوي الشيء عشان يغيضه ! … ويأخذ الشيء بطيب نفس، وأضمن لك أن أكثر من 95 بالمية من أفعال روميتك اللي تضايقك أنه يسويها بفطرته …
فإما أنك تنبه بأدب وبشكل غير مباشر (أو مباشر اذا كنتوا متفاهمين جداً، ولا أحبذ هالشيء حتى مع أخوي!) أو أنك تعتاد عليها هالشيء ولا يصير في نفسك على روميتك شيء …
حاول أنك تكون صافي النية دائماً …
شكلها بتصير مشاكل بيني وبين روم ميتي
انا وضعي غريب بالغرفة…لازم ظلام والغرفة باااردة الى حد الثلج >تشبيه بليغ 
ولو أسمع صوت نفس ما يجيني نوم
اهم شي يكون نفس جووووك
ويكووون قريب من مستواك الدراسي
تحياتي لك
قل ابي انام لحالي وخلاص 
…
^^^
الله الله
اقتباسات طريفه /
أمور مهمة /
اهم شي التسلييييييييييييييييييييييك
كل ما عقدت الموضوع كل ما ازداد سووء
^^^^^^
كل شي سووه الا التسليك …
عالي الطموح + 10000
نفس نظامك … ظلام و مكيف بارد … << احلى من هالجو مافيه
مجرد اني افكر ب هالجو استانس 
:d
ما ادري ايش اقول وايش اخلي !!
1\ لا تنسى ان اي شي تسويه له حق انه هوا يسويه >> كيف ؟!
يعني اذا يوم قاعد تتكلم بالجوال من داخل الغرفة وروميتك نايم >> لا تزعل اذا صار العكس
واذا يوم مثلا دق جوالك وروميتك يذاكر لميجر وطلعت وتكلمت برى صدقني اذا سويتها كم مرة يصير يسويها اقلها احتراماً لك لانك احترمته
اذكر اثنين من الشباب رمتوا مع بعض وكل واحد ساحب على الثاني واحد نايم والثاني صاحي وكل واحد متكي عند اصحابه كأنهم شايلين على بعض >> المهم كان عندهم احد الايام نفس الفاينل > اختبار نهائي < واحد فيهم صحي وسحب على الثاني !!!!! بس الحمد لله لحقنا صحيناه
2\ المكيف _ كانت عندنا معضلة >> انا احب يكون الجو ثلج وروميتي نفسه ينام بدون مكيف > ايه والله > اذكر مره ايام اختبارات كنت عند الشباب ورجعت اخر الليل طبعا لقيت المكيف مطفيه ونايم
الحل اللي وصلناله تم تغير ترتيب الغرفة وصار فيه سرير يصك فيه المكيف وواحد بعيد عن هوا المكيف وبعدها غيرنا اماكنا وحتى احيانا انا اقفل المكيف
3\ الشروط والأحكام انا عن نفسي اكره ان احط شروط (ديموقراطي) او اكون تحتها (تقدر تقول متمرد ههههه) يعني لو دوبي جاي للجامعة ويجي واحد يقلي ننام الساعة 11 ونصحى 7 والغدا 12 … عن نفسي اكره هذا الاسلوب > حاول تكونوا متفاهمين
لان دوام الاوريا بالذات بعضهم يبدؤوا بدري 7-8 وبعضهم 10 - 11 يعني لو اجتمعوا الاثنين ذولا بتصير مشكلة في النوم بالذات لانه غالبا بيسهر واللي دوامه بدري يبي ينام بدري
اخرى اشياء ممكن تأثر سلباً على العلاقة بينكما 
1\ اذا كان واحد مهتم بالصلاة و الثاني عكس ممكن يتأثر على الاول
2\ اذا واحد دافور والثاني عكس ممكن يتأثر الاول خويه سحبات وفللله وذاك بس قاعد يذاكر هذا يؤثر وبقوة >> اعطيك تجربتي الشخصية بوك وانا اخوك :
انا مستواي دراسيا متوسط يعني افرج يعني مع الشعب رمت في اول ترم لي بالجامعة مع احد الشباب وانطرد من اول ترم كان اخلاق وطيب الله يوفقه بس دراسة لأ وسحبات على الكلاسات بالذات اللي بالصبح >> هذا اثر علي نهاية الترم الاول كيف انا وقت الاختبار يعني وقت المذاكرة باقي يومين على الاختبار النهائي ابغى ابدأ اذاكر واشوف خويي يلعب ولا يناظرك انك دافور فتكسل وتأثرت بقوة من ذا الموضوع فانتبه لذا الشي وغير روميتك اذا لاسمح الله ماتوفقتوا في الصلاة والدراسة > لانك جاي الجامعة وسايب اهلك عشانها فحاول تجيب شي مرضي
انا رمت مع 3 شباب اول اثنين انطردوا من الجامعة لذلك تشوف اني متأثر من ذا الشي 
3\ التدخين
شطحه ||
من اجمل الاشياء اللي عجبتني بين الطلاب تنوع الثقافات واللهجات
والحمد لله اولا واخراً و صلى الله وسلم على نبينا محمد
والله يوفقنا واياكم