رابط خربان… للاسف في كثير ماعندهم اسلوب للنقاش والحوار
لكن اسلوبك واخلاقك تشكر عليها
واخوي the flame…هذا شي راجعلي اجلس فيها او اطلع… ولو قريت كلامي كامل بتعرف ليه ماطلعت
اخوي رابط… ما اقصد ظلم من الدكاتره… عذي ميزه عندنا ان الدكتور مايقدر يحرك ساكن ب ظلم
انا اقصد ظلم من الادارة… مثل اغتصاب الاجازه (عذراً على التعبير )
ف بأي حق تاخذ الخميس لمدة 3 اسابيع فالصيف ؟
وامور اخرى مظلومين فيها
وبالنسبه للائحة المخالفات… انا ما اقول غلط انهم سحبو الشيشه… انا اقصد ان الامن عندنا سيء لاني خالفت… المفروضيطبق النظام واطرد من السكن او اعطى انذار… مو يستر علي عشان الشيشه عجبته وياخذها له!!
ويوم تكلمت عن المايكرويف او الفرن هذا مو من عيوب الامن… هذا من عيوب السكن انه مايسمحلك بابسط حقوقك وهي وسيلهانك تاكل اذا حسيت بجوع مثل اي ادمي ثاني بدال ما نبلع من اللوزين
أهلاً بحور الشوق ، ردك أحترمه لكن اسمح لي أرد على بعض الأشياء :
أنا مدحت السكن ، ما قلت إنه مثالي :
* خمس دقايق وتكون في المباني الأكاديمية
* سعره مناسب جداً لطالب جامعي
* خدمات تمشي الحال
خرجت عن إطار نقد الجامعة ونقدت السكن ، لذلك أقول :
* الموية تقطع بالشهر مرتين ؟ ياخي قلنا تقطع ، لكن أنصف بقولك ! كثيرها مرتين بالترم !
* النت يقطع (ومزعج لما يقطع) ، لكن لو ما ناسبك فبإمكانك تشتري باقة من موبايلي ولا الاتصالات … وفيه مشروع تركيب انترنت أرضي من مزود خدمة (غير حق الجامعة ـ الاتصالات أو موبايلي ماني متأكد) بحيث أنت تكون بالخيار تستخدم نت الجامعة السلكي أو تشتري باقة من مزود الخدمة …
* الأكل ، تبي تقنعني لو سكنت برا بتطبخ كل أكلك ؟؟ وثانياً مطعم الجامعة كويس (والله يمشي الحال وأسعاره كويسة) … وثالثاً : التفتيش ما يفتح الدولاب (ولو فتح اكسر إيده على مسؤوليتي) …
وأخيراً ، لو نقدك للسكن مو للجامعة ، وتشوف الجامعة كويسة ، وأنت مقتدر مادياً ، اسكن برا
ما سمعت عن مبتعث رجع وجالس بالبيت بدون وظيفة ؟
عموماً هذا الي عندي ، وجهة نظر تمثلني ، أنا طالب سفمور هندسة كيميائية .
شوف حبيبي … انا مريت بنفس تجربتك عام ٢٠٠٥ … اول سنة يفتحون البعثات … و احترت نفسك الحين بالظبط … و دخلت البترول … و تخرجت و انقبلت فبها ماستر و باخلص بعد كم شهر ان شاء الله.
مختصر الكلام … جامعتك اللي انقبلت فيها هي بين ستيت ما عليها كلام ابد … زي ما على البترول كلام ابد … الدراسة هنا صارمة … و هذا اللي ينبهونك منه اغلب الشباب … مع انه دراسة صارمة تعني جامعة قوية … تعني مستقبل افضل.
طيب نوصل لرايي … انا سالت ابوي وقتها قبل ٨ سنوات … و قالي ادخل البترول ولا تقكر في شي ثاني … ابوي كان ولا زال ماناجير بشركة … و قالي خريجين البترول سمعتهم ضاربة … و انا ابي لك الخير !
الحين بعد ٨ سنوات لو رجع فيني الزمن ورا بادخل البترول … ليه ؟
اولا الدراسة هنا ما احد يقدر يقول انها اي كلام … التدريس مرة بطل … في دكاترة سيئين بس زيها زي اي جامعة بالعالم … لازم تلقو سيئين … الشي الثاني … لاحظ ردود الشباب … (تفلها )…(تنبسط )… عوامل غير منطقية للمقارنة اصلا.
الغربة شينة … شوف انا احيان اطلع امريكا ولا اوريا اسبوع ولا اثنين للعمل … اشتاق للرجعة و احن … هذا و انا اكبر منك ب ٨ سنوات على الاقل … انت كل اللي تبيه بالبكالريوس … تدريس صح على يد اساتذة صح و كتب صح … و هذا كله متوفر بالبترول … وش لك بالغربة و دوخة الراس …
اسمحلي كتبت على عجالة وراي دوام كلامي مو مرتب … بس خلك بالبترول هذي نصيحتي لك
مشكور اخوي يوسف الشاهين على ردك… رفعت معنوياتنا حتىاحنا… وماعندي اي تعليق على كلامك
الفارس العنيد
انا تكلمت فالبداية عن الجامعه بشكل عام لكن في كم شخص تطرق للسكن لذلك رديت عليه بخصوص السكن
الموية بالغت يوم قلت فالشهر مرتين …لكن الله حق ان السمستر اللي راح انقطعت حوالي 4 مرات
الطبخ ماراح اطبخ كل الوجبات …لكن على الاقل لمن اكون مفلس …لمن اكون مضطر … لمن اكون توني صاحي الصبحيه
وبالنسبه للنت انا اشكر الجامعه اصلا انها موفرة لنا نت فالسكن لان غيرنا “كلية الجبيل” ماعندهم نت فالسكن
لكن مقصدي انه “سلبيات السكن كثيرة للي يقول احمد ربك ان السكن ب 150”
لانخرج عن الموضوع الاكاديمي لموضوع السكن …لو تلاحظ اول رد لي كتبتله ( اذا انت مستعد تذاكر كل يوم …ومستعد تكرف فالويكندز …ومستعد تترك حياتك الاجتماعيه مثل مابعض الناس مرتاحين كذا … فحياك فالبترول … اما اذا كنت مثلي دارس ثنويفمدارسنا اللي تعودك ع الدلع والوناسه وانت اجتماعي ومن النوع اللي ماتقدر تحبس نفسك وتذاكر توكل ورح امريكا
وبالنسبه ل كلامك ( ماسمعت عن خريج من امريكا مالقاله وضيفه ؟ الا والله سمعت كثير واولهم ولد عمي… لكن الرجال يقول ان الجامعه من افضل 50 جامعه يعني مستواها احسن من البترول
فالاخير… انا انصحه انه يستخير وهذي مجرد اراء… باقي يحط رايه فوقهم ويستخير ربه
وهذا لايعني كرهي للبترول بل احبها وكل ماتواجهت مع طالب جامعه اخرى حسيت بالفرق فالثقافه… فالاسلوب… وفوق هذا ف معرفتنا بمايخص الجامعه واللي ماتحصلها فطلاب باقي الجامعات اللي بعضهم مايعرف اصلا ان في مواد تفتح مواد وكانه طالب ثنوي ينتظر من يسجله جدوله
المقصد ان فيها ضغط وصعوبه مو اي شخص ممكن يتحملها… وممكن احصل شهادة بقوتها واقوى بمجهود اقل
هذاهو اللي نسويه… نسوي لنفسنا شي خفافي ونصبر نفسنا بدون ماحد يدري… وامس طبوا علي الامن وانا مسوي قهوة ونشبولي على الدافور لكن ربك ستر هههههههه
وبالنسبه للي معدله 2 من 4 حتى فالبترول ماتنفعه… لذلك اروح جامعة من افضل خمسين جامعه اسهل من البترول احسن
ع العموم ياليت نقفل النقاش لان احس صاحب الموضوع لو دخل وشاف الردود بيسحب ع البترول وبيسحب ع البعثة ويشتغل سكيورتي فالظهران مول ويقول الله يعلن اللي يدرس ههههههه
شباب الجامعات اللي تجيبونها قوية … انا معكم … بس بالبكالريوس كلها نفس الشي … الجامعات هذي تكون الابحاث فيها عالية و مدعومة و هذا اللي يخليها توب … فالبكالرويس كل اللي تبيه … دكتور كويس … كتاب كويس … و تجهيزات مختبرية كويسة … لو تروح للام اي تي بتلقى نفس المواد هنا بالظبط ! اذا كان دكتورك كويس و هم غالبية الجامعة ان شاء الله … خلاص لا تخاف!
تيكساس اي اند ام كان جاري بالعمارة الله يذكره بالخير راح لها تيرم بالاكسشينج بروقرام … يقول كرفت نص الكرف اللي اكرفه بالبترول و طلع بكل مواده a و هو كان هنا يلعب على b+ او a بس بعد شدة حيل … خلص من كاوست ماستر والحين هو بامريكا يخلص دكتوراه !
