استفسار لطالب كوأب, فزعتكم يا شباب

بسم الله الرحمن الرحيم…
أنا طالب هندسة كيميائية مرشح للتطبيق “Coop” السمستر الجاي, جهزت الCV حقتي ولكن احس اني ضايع و مش عارف كيف والا من وين اسجل؟ و وين الأفضل لي أطلع السمستر الثاني و الا في الصيف؟ و شنو الشركات اللي تنصحوني بها؟؟ و شكراً

كم ساعه باقيتلك ؟؟
الغالبيه من الطلاب يخلوا الكوأب قبل اخر ترم يعني يروح يطبق ويرجع ترم ويتخرج
بالنسبه للفرص أتوقع إنها متوفره للترم الثاني أكثر من الصيف
في نقطه مهمه بالنسبة للمكافأه (إذا طلعت كوأب قبل ماتخلص أربع سنين بالجبل يصير الترم الاول من السنه الخامسه بالجبل تستمر لك المكافأه وإذا اخذته خلال السنه الخامسه تنقطع عنك بداية من ترم الكوأب)
التقديم بالبداية إذا كنت ناوي تطلع الترم الجاي لازم تمر المسؤول عن التطبيق بالقسم الترم اللي راح كان دكتور زهير مليباري يشيك إذا خلصت كل المتطلبات للكوأب وبعدها تاخذ ورقه من القسم وتوديها لقسم التدريب

نجي لخطوة التقديم عندك طريقتين:
1- تجيب شركه لنفسك ياعن طريق يوم المهنه او عن طريق معرفتك
2- قبل نهاية الترم إداره التدريب تنزل فرص تدريبية والمفاضله عن طريق الرغبه والمعدل

مشكور أخوي عالرد…
أنا حاليا أكمل 93 ساعة مع نهاية الترم الجاري فأكون سينير , بس ما فهمت قضية المكافئة؟ أنا اذا طلعت كوأب السمستر الجاي يبق لي سمسترين و أخلص. بس اللي أعرفه أن الأبلايد عندهم سمستر زيادة من ناحية المكافئة، لأن الجامعة تصرف لهم مكافئات لمدة 9 سمسترات. فأرجوا الإفادة

صحيح كلامك
لاكن المكافأه تكمل 9 سمسترات بشرط إنه يكون الكوأب بالسمستر الثامن أو قبل
يعني إذا كان الكوأب بالسمستر التاسع أو بعد راح تنقطع المكافأه إبتداءا من السمستر التااسع

أها … طيب شنو أكثر الشركات المتعارف عنها أنها تاخذ طلاب كوأب, و في شركات أقدر أسجل فيها من موقعها؟؟

بالنسبة للكميكال سابك ينبع أخذت 10 السنه اللي راحت وسابك الجبيل أخذت 15
التقديم كان عن طريق موقع إدارة التدريب

في اليوم المفتوح في شهر محرم قدم سيرتك الذاتية إذا أنت مستعجل مرة على الخروج من جو الجامعة

ولكن من الاحسن انك تطلع الترم الصيفي133 + الترم الاول 141 ويتبقى لك ترم واحد بعد الكوأب

هذا رأيي والمشورة لك

يعطيكم العافية شباب … أخوي " صانع القرار " أنا كنت ناوي أبدي الكوأب من الصيف ولكن بعض الشباب دخلوا الفكرة براسي و من ناحية ثانية ما أحب أبدي الكوأب من شهر رمضان بعكس اذا اخذته الترم الجاي ما راح يجي الشهر الفضيل الا و انا تعودت على الروتين و احتمال الجماعة يسرحوني مع العيد ^_^. أنا إن شاء الله ما راح أطلع كوأب الترم الجاي الا اذا حصلت لي شركة كبيرة والا احتمال ابدي في الصيف.