صيانة الخطوط الشركة الوطنية لنقل الكهرباء

السلام عليكم ورحمه الله وبركاته

موقع الوظيفه مهندس كهرباء صيانة الخطوط , في قطاع النقل في شركة الكهرباء الدرعيه الرياض

((الشركة الوطنية لنقل الكهرباء))

قطاع النقل انا عندي خلفيه عنه والرواتب كذالك

بس حبيت استفسر عن صيانة الخطوط ((ميداني )) بشكل مفصل ( ساعات الدوام والاوفر تايم والدورات والعمل متعب او لا

شكرآ

للرفع احد يفيدك ان شاء الله

وبخصوص الرواتب هل نفس الرواتب لشركة الكهرباء او تغيرت ( 11850 ) ؟

طبعًا راح تشتغل اما في الكيابل او الخطوط الهوائية … اللي اعرفه ان الهوائية يداومون بدري من 6 الصباح تقريبًا والعمل فيه ميداني بس اتوقع كل الكرف على الفنيين …المهندسين وضعهم راح يكون اريح شوي … طبعًا الخبرة والفائدة على مااسمع من الشباب الخبرة تكون في صيانة المحطات والمشاريع - اذا حصلت فرصة لك -
اتمنى لك التوفيق اخوي كاوي

انا في ادارة خطوط الرياض …

العمل متعب للفنيين ، المهندسين يطلعون الموقع ويصورون ويكتبون تقارير

وبالنسبه للدوام من 7:15 الى 2:50

فيه دورات وانتدابات

الاوفر تايم موجود بشكل كبير في الكيابل ( شهرياً )

افضل شي في سكيكو من وجهة نظري

- راحه في العمل ( للمهندسين السعوديين )
- راتب ممتاز
- الانتداب الاسبوع الواحد 5400 ريال + بدل تذاكر

اي استفسار انا حاضر

موفق

يعطيك العافيه على ردك المميز

طيب بنسبه لاول سنه تدريب او سنتين وكيف وضعه بالتفصيل

شكرا

أول سنتين تقييمك ممتاز لانك خارج النسبه pdp

اول 3 شهور احتمال دخولك وخروجك بالكرت بعدها ع جهازك الكمبيوتر

وبداية كل سنة ميلاديه الادارة تطلب سيارات وتسلمها للمهندسين الجدد

موفق

شباب وش الفرق بين (صيانة خطوط) و ( صيانة الشبكة) في نفس قطاع النقل ؟؟؟؟؟؟

لا اله الا الله … الله اكبر الله اكبر

EE-TechEng طيب اخوي انا اعرف ان شغلهم غالبا يطلعون صيانه محطات 100 كيلو او اكثر هل يعطونهم تعويض ؟
هل فيه دورات خارجيه للمهندسين ووين يودونهم بالضبط يعني اوروبا او امريكا ؟؟

والدورات الخارجيه تكون المصاريف شامله على الشركه او لا ؟

وطيب هل فيه برامج تدريبيه للمهندسين اذا ناوي يكمل ماستر ؟

وجزاك الله خير

الخطوط على اسمها اما كيابل او خطوط هوائية
الشبكة يعني صيانة محطات التحويل بما تحتويها من محولات … الخ

اخوي كااوي
اليوم نزل قرار بصرف بدل طبيعة عمل 20% من الراتب الأساسي
بالتوفيق اخوي

اخوي كااوي
اليوم نزل قرار بصرف بدل طبيعة عمل 20% من الراتب الأساسي يعني الاساسي للكهربائي راح يصير 10800
بالتوفيق اخوي

الاساسي 9000 ما يتيغير بس بيزيد بدل طبيعة العمل 20%

الخطوط على اسمها اما كيابل او خطوط هوائية
الشبكة يعني صيانة محطات التحويل بما تحتويها من محولات … الخ

يعطيك العافية ع الرد بس وش برايك افضل ؟ ومين الي يطلع انتدابات اكثر؟ :slight_smile:

صدقت أخوي … الله يعطيك العافية :slight_smile:

المحطات وانت مغمض :slight_smile:

الف شكر على الخبر الحلووو والقادم افضل ان شاء الله

بدل طبيعة عمل هل هو شامل لكل موظفي المحطات او لفئه معينه

فئة معينة … و تحصل ناس يشتغلون ب نفس المحطة … بعضهم ياخذ 20 و بعضهم اقل و بعضهم ما ياخذ شي ابدا … التصنيف ما تدري كيف صاير …

اما التصنيف على كيفهم

الله يوفق الجميع

هل فيه احد يصرف له هالبدل وياليت يعرف بوظيفته هل هو شغل ميداني مرره او ع الخفيف او اداري او بالمحطه
وكم شهر تم صرف هالبدل

ومشكور اخوي اللي فوق علئ الرد وموفق خير

العفووو …

و على حد علمي … كونك تستحق البدل من عدمه و نسبة اللي تستحقه … كل هذا راجع لمديرك و مدير المحطة … يعني السالفة كلها مزاجية أشخاااص … حتى توزيع النسب ما تدري كيف صاير … تحصل ناس يشتغلون بنفس المحطة … في اللي 5% و فيه 10% و فيه 15% … و فيه اللي ماله شي ابد …