أنا طالب مستجد بالجامعة ( أوريا ) بس من اول ثانوي وانا افكر اطلع برا ويوم انقبلت بالبترول مادري وش صار فيني وقلت خلاص بدخل البترول وجازم 100% والحين احس اني متحسف واتمنى لو اني طلعت برا …
فهل فيه مجال اطلع برا لامريكا (( مبتعث على حساب خادم الحرمين الشريفين )) بدون ما اضيع سنة على الفاضي بما انني لم اتعمق بالجامعة هل ممكن الجامعة تبتعثني لو جبت معدل عالي بالسنة التحضيرية ودرجة حلوة بالتوفل
خلاص اسحب ملفك واطلع يعني ما فيه شيء يخليك تجلس في الجامعة من ناحية عدد الساعات اللي أنهيتها وكذا يعني بالعربي ما ضاع عليك وقت كبير أبدا بالعكس انت جربت الحياة الجامعية في جامعة البترول وما عجبتك يعني مو متحسف عليها لو طلعت
بما انك اوريا قدم على ابتعاث خادم الحرمين للسمستر الجاي واسحب ملفك وروح مافيه شي يمنع انك تطلع او قدم على ابتعاث سابك وارامكو ترم ثاني بس اتوقع ابتعاث خادم الحريمن يطول شوي
بخصوص ابتعاث خادم الحرمين ما فيه تفديم الا في رمضان يعني انتهى التقديم حق هالسنة
وأصلا لو تبي تدرس هندسة ما تقدر لأن الابتعاث للبكالريوس محصور على التخصصات الطبية
ما فيه الا حل واحد انك تطلع على حسابك وتنضم للبعثة من هناك وبكذا تقدر تدرس هندسة
بس استخير قبل تسوي أي شي ولا تسحب ملفك من الجامعة الا قبل السفر بكم يوم يعني اذا جبت القبول والفيزا وكوووول شيء
انا كنت مثلك باني أحلامي على الابتعاث لكن ما الله كتب لي مع اني جبت قبول وطلعت الفيزا وكل شيء لكن قبل السفر بكم يوم استخرت والله خلاني أجلس في البترول والحمدلله اني جلست ولا سحبت ملفي
شوف وانا اخوك, السرعة في اتخاذ قرارك رح يفديك اكثر من صحته. اختار لك يا البترول يا الأبتعاث ولا تفكر في نفس الموضوع مرة ثانية .
نقطة ثانية شوي شاطحة
تعرف ليش في أدمان للقمار عند الأجانب ؟؟؟
لان في البداية يحاول يلعب فقط للعب و بعدها يا يخسر يا يفوز . المشكلة اذا انه خسر رح يحاول ثاني عشان يعوض خسارته و رح يحاول مرة ثالثة و رابعة ويسير بين نارين يا انه يرضى بخسارته او يحاول و تزداد الخسارة . الي احاول اني اوصل له أذا الجامعة ما ناسبتك وشفتها صعبة اتركها ولا تحاول فيها لأن الوضع رح يزداد سوء و رح توصل لمرحلة ما تدري تستمر عشان الساعات الي خلصتها ولا تحول بسبب المعدل السيئ . طبعا الكلام هذا اذا كانت الجامعة صعبة بالنسبة لك وشكراا