أنا قدر الله علي ونمت عن ميجر me216 … ياشباب بشرح الموضوع بشكل مختصر !
هذا أول سمستر لي سفمور … منزل المواد التالية :
me216
me217
me210
ce201
math201
ias201
الحين راحت علي 25 درجة في الميجر الأول … حاولت مع الدكتور لكنه الله يهديه متعنت ومتمسك برأيه ومايبي الا عذر رسمي وانا الصراحة ما اقدر ادبره … المهم اذا حذفت المادة زي ما انتم شايفين يصير معي 11 ساعة … سمعت انها حالة خاصة ولها اجراءات معينة … وش هالاجراءات بالضبط ؟
ثاني شغلة ابي استفسر عنها … انا انسان ما ابي اتأخر وابي قد ما اقدر اخلص دراستي في وقت ممتاز … اذا اضطريت احذف هالمادة وش اللي لازم اسويه من وجهة نظر خبيرة عشان اتدارك التأخير ؟
اللي اعرفه انك اذا بتقل عن 12 ساعة لازم تطلع بيتشن من الديبارتمنت
وتقريباً يطلعلك البيتشن مرتين بس خلال دراستك الجامعية
هذا اللي اعرفة واتمنى الشباب يفيدوك اكثر
بالتوفيق
وش اللي لازم اسويه من وجهة نظر خبيرة عشان اتدارك التأخير ؟
يبدو أنك مخطط ، الترم الصيفي الي ما قررت تاخذ فيه شيء نزّل فيه عدد ساعات بقدر المادة المحذوفة ، غير كذا راح تضطر تضغط نفسك بترم عادي ، دائماً يسوء الطلاب اللفظ ولكن العبرة بالمعاني
ما دام قررت تحذف … فأيه من جد لازم تسوي كل شئ بيوم واحد اخر يوم للحذف
اما عن الخطه فأنصحك بطريقه حلوه امسك الفلوتشارت حق الكوركيولوم واحذف كل المواد الي انتهيت منها بالحبر
وامسك قلم رصاص واجمع كل الكورسات بدوائر كل دائره سمستر وانتبه تخاف اذا كثرت الكورسات بسمستر معين الامور سهله وبتتفاجئ بسهولتها وانت تدرس ومهتم
وايه خذ صيفي قد ما تقدر لا تأجز ابد ابدا لانه من جد شهر بالسنه كفايه اجازه + كل شهرين اسبوع او اكثر + اليوم الوطني … المهم لان ابتعاث ارامكو وسابك دايم يختاروا الطلاب الي ينزلوا صيفي وما يوقفوا ابد<< حقيقه … اذا انت مخطط على كذا
الله يوفقك يا رب
ولا تلوم نفسك ابدا مو غلط انك نمت و خليها حافز اقوى لك