مناقشه زياده الراتب مع سابك وعده استفسارات

السلام عليكم ورحمه الله وبركاته

شباب انا طالب محاسبه

وجاني عرض من سابك

طبعا على سلم الرواتب جريد 8
الاساسي 8100

انا ابغى افاوضهم على اني اصير على جريد 9 مثل المهندسين

والمعروف انه المحاسبه عليها طلب كبير بالسوق لقلة عدد الخريجين والرواتب تاصل الى 12,000 كاساسي عند ارامكو واكثر عند البنوك الى 13,000

هل فيه مجال تتفاوض معاهم ؟

وعطوني رأيكم ب سابك للي ناوي يكمل فيها الى التقاعد ان شاء الله

الزيادات السنويه والبونس وكم عدد ايام الاجازات بالسنه

ولو مثلا بعد 3 سنين كم يصير الراتب؟ لو فرضنا اني بديت 8100 اساسي

والله يعطيكم العافيه

ما تقدر تناقش في نظام الشركة

لو عندك خبرة ممكن تفاوضهم

اللي اخبره المهندسين وال IT قريد 10 والا؟

عموما بما انك فريش ما تقدر تفاوضهم لان الرواتب Fixed

وسالفة انك بتقول لهم الخريجين قليل والشركات الاخرى تدفع اكثر. ما راح تفرق معهم لأن غيرك كثار يحلمون بهالشركه سواءا خريجين السعوديه او القادمين من الابتعاث بأعداد كبيره

يمكن اني ملخبط بالنسبه للجريد

بس قصدي ان طلاب الاداره يتعينون على درجه والمهندسين على اللي بعدها

واتمنى من باقي الشباب اللي عندهم اجوبة على الاسئله ولو جزء منها انهم يفيدونا

وشكرا لكم

عزيزي اذا انت خريج مافيه مجال للتفاوض في الراتب وما انصحك تفتح الموضوع وتحرج نفسك ويمكن تضيع على نفسك الفرصة

بالنسبة لموضوع ان العدد الخريجين قليل هذي شيلها من دماغك

اللحين كل من هب ودب معاه شهادة والتعليم عندنا اسهل منه مافيه متوفر بسهولة كل من بغى يدرس يلقى مقعد وحصل شهادة وخصوصاً التخصصات الادارية عدد المتخرجين منها اكثر من المطلوب بكثير خذ لفة على المنتدى بتجد انه اغلب العاطلين تخصصاتهم ادارية

اخوي الظاهر انت طالب ما تخرجت وماعندك فكرة عن سوق العمل والواقع اللي نعيشه نصيحة من اخ يحب لك الخير لا تضيع على نفسك الفرصة وكمل مع سابك واذا جاك عرض احسن اطلع منها

يا رجل المهندسين ما هم محصلين وظائف

بالتوفيق للجميع ولا تنسانا من الدعاء

+++1

كلامي اخوي صحيح انا خريج مالية ومعدل عالي ولاحصلت شي حتى الان ,

وفعلا التخصصات الادارية عدد خريجينها كبير جدا جدا , وخذ لك مثال طلاب كلية ادارة الاعمال بجامعة سعود , اكبر عدد من الكليات الثانية وبشكل مهول !!,

لاتضيع على نفسك الفرصة وعظظظظ على اللي حصل لك ,

والله يوفقنا وياك

اخوي صاحب المتصفح
وقع العقد وخل سوالف التخصص عليه طلب,خذخبرة ودورات من الشركة وبعدخمس سنوات ان شاء الله رايح تتضح لك قيمتك في سوق العمل عند هالوقت اذا(خبرتك عالية,دوراتك ممتازة,واثق من قدراتك)رايح ان شاء الله الاتش ارات هي الي تطلب ودك!
كلامي عن خبرة سابقة في سوق العمل.
مع امنياتنا لك بالوظيفة المناسبة وكل عام انت ومن تحب بخير…

الله يعطيكم العافيه جميعا

ما قصرتوا

وانتظر اراء باقي الشباب

اذا ذاكرتي باقي تخدمني ، مفروض يعطونك قريد تسعة
الراتب صحيح
ما انصح أبدا انك تفاوض. راح يجيك 2500 بدل سكن و 10٪ بدل نقل
يطلع الراتب اجمالي حوالي 11400
الزيادة سنويا اذا راح أكون واقعي ومتحفظ شوي 6٪
انصح بشركة سابك وبقوة في بداية حياتك العملية
بالتوفيق إن شاء الله

Sky
جزاك الله خير

عادة الفرش مالهم مجال في التفاوض, خصوصاً عند الشركات الكبيرة اللي ماشية على سستم قريد معين
يعني لو قلت لهم ساووني بالمهندسن بيقولون لك وين شهادة الهندسة!!
ولو قلت لهم تخصصي عليه طلب بيقولون لك دور غيرنا أجل!!

ممكن تتناقش معهم بخصوص الدورات أو التطوير اللي ممكن يقدمون لك بعد ماتتوظف

وبالتوفيق لنا ولك وللجميع

اي قسم حطوك؟
انا كنت اشتغل عندهم لمدة 7 شهور تقريبا
وعصفور في اليد ولا عشرة على الشجرة
اتوكل وخذ الخبرة والدورات
وسابك اسم جدا قوي في السي في

ما بعد حددو

التحديد قبل التخرج ب شوي

وشكرا على الرد والاضافه

انا أقول اسأل الناس الي تشتغل بسابك هم يفيدونك

سؤال … حسب سلم سابك الجديد كم راتب المهندس الماستر الاونر؟؟!!

انا أقول اسأل الناس الي تشتغل بسابك هم يفيدونك

المشكله ما اعرف احد ب سابك

سؤال … حسب سلم سابك الجديد كم راتب المهندس الماستر الاونر؟؟!!

اعتذر منك ما عندي اي خلفيه