برنامج المتابعة الجامعية تبع ارامكو

السلام عليكم

انا حاليا جونير و افكر اقدم على برنامج المتابعة الجامعية تبع ارامكو ccp , انا دخلت على الموقع وشف شروطهم
لكن ابي اشوف اذا فيه احد من الشباب مقدم عليهم ويعلمنا عن تجربته وش الي الاشياء الي سواها وطلبوها منه

او اي احد يعرف اي معلومه وش الاشياء الي تسويها بعد التقديم

عليكم السلام

تقدم طلب وتحدثه كل ترم
وتنتظر اتصال منهم بموعد الفحص
بعدها توقع العقد وتبدأ معهم لين تتخرج
طبعا لهم مكافئات وبدلات وانظمة تخص الدراسة

هذا بشكل مختصر

لازم تكون مخلص 60 ساعة دراسية غير الأوريا

الرجال خلاص جوينور ،

المهم لا تنسى التحديث

مثل ماتفضل يحيى …

لاتنسى الترانسكربت ترفقه بعدها يكلموك على الفحص اذا تمت الموافقة المبدأية
تأكد انك من ضمن التخصصاات المطلوبة .

التحديث يتم عن طريق رفع ترانسكربت وسي في جديد موضح فيه المعدل وعدد الساعات

نصيحه لوجه الله ، اذا معدلك مرتفع ولك طموح ، اعرف القسم اللي بتخشه
يوم اوقع معهم ماقالو لي وش القسم ، ماعرفت الا بعدين انهم مختارين لي قسم وكل شي

^
سجلت دخول عشان اييدك

جد والله الموضوع خطير ناس معدلاتهم حول 4 ووقعوا معهم واخرتها حطوهم باقسام سيئة جدا ً

معروف انه ارامكو حسب قسمك فحرام تخاطر هالمخاطرة بالذات اذا معدلك كويس …

تخرج بمعدل فوق ال3 ورح يوم المهنه تشوف الاقسام موجوده قدم على اللي يعجبك … ولاتقول ادفع لهم

فلوسهم اذا ماعجبني القسم تراها مو سهله لانك لازم تدفع رواتبهم + مبلغ دراستك اللي دفعوه للجامعه اللي هو تقريبا 30 الف

للترم الواحد

واحد اعرفه توه منسحب من سابك

كلامك غير صحيح

الطالب ملزم ب دفع المبالغ اللي استلمها فقط وليس مسؤول عن المبالغ المدفوعه للجامعه

على الاقل عند سابك ومتأكد ان ارامكو نفس السياسه

وارامكو يعلمونك القسم اول ما توقع معاهم عكس سابك قبل التخرج بشوي

^^

ياخي الكريم ليتك ماتخطيني بدون دليل واضح ارامكو شركة وسابك شركه اخرى مو مجال توقع هنا بارك الله فيك

اذا انت تعرف واحد منسحب من سابك انا شخصيا منسحب من برنامج ارامكو واعرف واحد زيي ودفعونا (:

ارامكو كانوا مايهتمون اول وكثار يسحبون بدون مايدفعون اما الحين الوضع تغير

عموما البرنامج له ايجابيات وسلبيات بس حبيت اعطي الطلاب صورة كاملة قبل الانضمام لهالبرامج

قبل ما توقع العقد ، يقولون لك عن كل شي

جزاكم الله خير

انا معدل التخصص فوق 2.5 بشوي , لو نزل معدلي خلال هذا الترم او الاترام القادمة
وش بيسون؟

ارامكو تعلمك بمكان عملك وإسم قسمك قبل التوقيع …
وإن كان في امكانية تغير القسم مايقصرون معك بإذن الله .

قبلوك ؟

لا باقي ما قدمت :cowboy_hat_face:

بس ذا الأشياء تدور براسي ومتوتر شوي

^
عادي ي رجال

اذا نزل بعد ما يقبلونك ، فيه انذارات وكذا

واذا قبل ما يقبلونك ، فحدث كل ترم حتى لو ما يقبلونك الا آخر ترم