هالجامعه جابت لي الهم :)

والله الجامعه جابت لي الهم .
كلها دراسه في دراسه حتى ما عندك وقت تفل فيه وش فله ليت عندي وقت انام فيه .
وش السالفه انا لحالي اللي كذا ولا كيف ولا عشاني اوريا ؟ علي ضغط وكذا .
مع ان درجاتي حلوه بس افكر اسحب يا اخي ما عندي وقت زي غيري .

انا اوريا ونفس وضعك

لكن اصبر السنة ذي وراح تزبط امورك :slight_smile:

دخول الجامعة سهل ، الصعب هو الصبر فيها …
وبشكل عام سنة الأوريا ليست صعبة بموادّها ولكن صعبة بالضغط النفسي والجسدي …

أدعُ ربّك وشد حيلك //
الله يوفقك وييسر أمرك :rose:

الله يعينكم … اتوقع ماعندكم الا الويك اند
مابقي الا ترم … اصبروا ورح ترتاحون بعدين

ورح تستفيدون من هالضغط في الوظيفة

إصبر ثم إصبر ثم إصبر , انا في التحضيرية اجتمع علي جدول سيء جداً في كل الترمين واجتمعت علي مسؤوليات إضافية غير مسؤوليات الدراسة حتى اني كرهت الدنيا كلها , لكني صبرت على المر والآن منزل لي جدول 14 ساعة حلو وممتاز عدد ساعات الدوام اليومية اقل من 3-4 ساعات

انا أحترم من رد قبلي ولكنني أعارضهم …
بالنسبة لي … جدولي الترم ذا 14 ساعة …
لكنني أتمنى لو أرجع للأوريا …

على كل حال …
انا أعلم أن الضغط والتعب ذا راح يطوّر مني … وراح استفيد منه …

فجميل لو تفكر كذا :blush:

كان يمديك تنزل الحد الأقصى 19 ساعة :flushed:

اخوي صدقني الشيطان يوسوس لك هالشي …صحيح فيه ضغط لكن مب نفس الي تتصوره …يمكن عدم تنظيم الوقت اثر عليك لكن صدقني هي فترة وتخلص .
لاتوهم نفسك ان هذي الجامعة الوحيدة الي تضغط عليك وتخلي وقتك مشغول ومافي وقت فلة …
انا درست سنة تحضيرية في جامعة ثانية وكنت مضغوط جدا تخيل كل الايام ابتدي من 7 واخلص 5 وعشر ومع مسافة الطريق ما اوصل البيت الى 6وشوي وكنت مجبر اني راجع واذاكر للكويزات والاختبارات
وصدقني جاني الشعور الي انت تحس فيه الحين وكان ضايق خلقي اول الأيام لكن تعودت على الوضع وحاولت اصبر روحي ومشت اموري مع اني كنت امر بظروف صعبة جدا غير الجامعة ولكن الحمدلله جبت معدل عالي ويوم جيت البترول ماحسيت بفرق كبير نفس الضغط لكن تقبلته وصبرت
فالزبدة لاتخلي الشيطان يقص عليك ويقول لو كنت في الجامعة الفلانية او الشركة الفلانية او اي محل ثاني راح ترتاح … لا …كل تخصص او جامعة لها صعوبتها حتى وان كانت اقل من البترول …خلال دراستك راح تواجه صعوبات سواءا من ضغط في الوقت او دكتور سيئ …
توكل على الله قبل كل شي وكل ماجاك هالشعور وحسيت انك مضغوط وزهقان من الدراسة تذكر والديك وكيف راح تكون فرحتهم فيك في حفل التخرج .
واسف طولت عليك لكن انا مريت في هالحالة وبغيت اوصل لك الفكرة حتى وان كنت في جامعة ثانية راح تمر بنفس الشي وبنفس الشعور بسبب ضغط الدراسة او شي ثاني .
موفق اخوي

هههه
:smiling_face_with_three_hearts: :heart:

بالنسبة لعدد الساعات ايش المقصود فيها
سمعت احد قال منزل 15
ويدرس 4 ساعات في اليوم ياليت توضيح
وشكراً €

لكل مادة عدد ساعات كـ وزن في المعدل ، مب شرط تكون نفس الساعات الفعلية اللي تداومها

مثل انجلش 00 … 4 ساعات
ماث 001 … 4 ساعات
الفيزياء … ساعتين
وهكذا …
كل شي محدد في الخطة الدراسة وفي الجدول

علمتني الجامعه

الصبر على البلاوي :crazy_face:

بالتوفيق لك

كلام غير صحيح الاوريا اسهل من الفرش

الاوريا ضغط دوام الجبل ضغط دراسة وتشتت ذهني

“اللهم فرّج همي و يسّر أمري و أرحم ضعفي و قلّة حيلتي و أرزقني من حيث لا أحتسب يا رب العالمين”

اقرا هذا الدعاء

شوف أكون معك صريح

في التحضيرية الدوام كرررف لكن المود بطبيعتها سهله نوعا ما

لكن في الجبل العكس…عادة يكون الدوام مريح نوعا ما لكن الموااد كرررررف

في نظري الحالة وحده يعني انت ما راح يكون عندك وقت فاضي كثير… لكن مجملا الوقت الفاضي في الجبل أكثر بقليل

شوف…في هالجامعة لازم تتعود على الضغط…لازم تعرف انك خلال هال٥ سنوات ما راح ترتاح كثير

وحط ببالك شيئين مهمين جدا…
الاول: ان هذا الضغط بيفيدك بعدين كثيير
والثاني والأهم: انك بتتخرج وعلى الوظيفة على طول (إن شاء الله) على عكس أخوياك اللي في جامعات ثانية اللي بيجلسون عاطلين باطلين ببيوتهم بعد التخرج لمدة لا يعلمها الا الله

الله يوفقك…استعن بالصبر والصلاة وكثّف الدعاء

تحياتي

مشكورين على الردود , ولاتنسوني من دعائكم

يا أوريات لا يضحكون عليكم الكبار
ترى أسهل سنة في الجمعة هي السنة التحضيرية و الله ياهي فلللللللللة
إذا طلعتم الجبل إن شاء الله رح تتذكروا كلامي خصوصا بعد الفزكس

اذا تحاول توصل الى كفاءة آلة كانو لازم ضغط وحرارة عاليان مع وقت طويل
تقدر تصير مثل محرك البترول او الديزل سريع لكن كفاءة اقل وبدون ضغط زايد

طبعا تكلفة آلة كانو اقل بكثير من تكلفة محرك البترول والديزل

دخلت الجامعة قالو اصعب شيء التحضيرية وترتاح وخلصنا وصرت فرشمان وقالو لي اصعب سنة فالجامعة وهكذا :slight_smile:

^

خلاص ما بقي لك الا السفمور والجونيور والسينير هذي الثلاثة هي اصعب شي وبعدها ترتاح :smile: