يا إخوان اختباري التوفل بعد اسبوع… وبنظري الاختبار ذا اهم من بقية اختباراتي كلها!
لاني كنت مزفت في ميجر الماث
فبعدها ركزت على الانجليزي… لاني لو عديت التوفل
يصير دوامي في اغلب الايام لكلاس الماث بس وارجع البيت!
فـ عندي وقت اكثر اذاكر فيه واعدل درجاتي واعوض بالميجر الثاني
السؤال هو… ابغى اي مساعده اضافيه تساعدني في التوفل أكثر… ابي اضمن ال500 من الحين!
رح الاختبار وانت مروق ونايم كفاية … الاختبار اشوفه سهل لكن اصعب شي يمكن الريدينغ حاول تركز في الليسنينغ ولا تضيع ولاسؤال واذا ماسمعت عدل محادثة ضلل بسرعة الفقرة الي تحسها صحيحة (خمن مب تشويز عشوائي) وانتقل على طول للفقرة الي بعدها لأنه ماراح يمديك تفكر فيها زيادة …
في الجرامر اشوفهم يركزون و plural - singular subject verb agreement يعني افهم الجملة واعرف وين الفيرب وين السابجكت وين الابوجيكت لأنه يمكن يغير فيهم ويبدل او يخلي الجمع مفرد و من هذي الأشياء لكن انت تدرب على الاختبارات الي موجودةفي الكتاب الاحمر يمكن ماتكون كافية لكن راح تفيدك نوعا …كلما حليت اكثر وفهمت كلما راح تكون اسرع في الحل وفي اكتشاف الأخطاء الي يخلونها في قسم الجرامر
في الريدنغ كانت طريقتي اني ابتدي بالاسئلة الي عن الفوكابلري والبروناونز تالي اروح للأسئلة الباقية لأنه غالبا اسئلة الفواكبلري والضمائر تكون سهلة وفي نفس الوقت وانت تحاول تستنج معنى الكلمة من السياق راح تقرا سطر او سطرين من القطعة فراح تاخذ فكرة عن القطعة وعن شنو تتكلم واخر سؤال احله هوالسؤال الي عن الغاية من الموضوع او راي الكاتب لأنك ماراح تعرف هالشي الا اذا حليت بقية الاسئلة وعرف اجزاء القطعة . لكن خلك شوي سريع واحتمال تنضغط خصوصااذا وصلت اخر قطعة حاول تحل اسئلة الفوكابلري وتخمن البقية و لذا بقى لك شي في اخر دقيقة لا تخلي شي فاضي شوز … انا الحمدلله خذت 547 بهذي الطريقة وان شاء الله الاعضاء يفيدونك ويصححون لي اذا كان في كلامي شيئ خطأ + نصيحة لاتهمل الماث