* معليش طرحت الموضوع هنا لأنه سؤال عاجل يبي له اتخاذ قرار في أقرب وقت و لأن هذا القسم نشط جدا و ممكن نستفيد من خبرات الأعضاء الأعزاء
اخواني انا عندي سؤال عن التالي:
عندي شركة صغيرة مكونة من 100 شخص تقريبا في مبنى واحد.
احتاج مساحة تخزينية لهم تكفيهم … طبعا بمبدأ المشاركة عن طريق شبكة او اي شي آخر مناسب لمشاركة الملفات
سؤالي:
وش افضل الخيارات بالنسبة لي؟
هل هو سيرفر؟ ام شيء آخر ك هاردسك خارجي مشبوك بالكهرباء و مساحته عالية؟
فيه عدة نقاط لازم نعرفها في البداية علشان نعطيك الحلول المناسبة
1- ايش نوع الملفات اللي تبغون تتشاركون فيها … هل هي مجرد ملفات عادية (MS Office Files) مثل Word ، Excel ، ملفات pdf … إلخ أو لا … راح يكون فيه تطبيق معين لكل المستخدمين (مثل ما قال أخوي bootchy) وهذا التطبيق له قاعدة بيانات Database ولكل مستخدم اسم خاص فيه وكلمة مرور.
2- هل الـ 100 مستخدم موصلين على الشبكة … بمعنى ثاني هل أجهزة الكومبيوتر حقتهم موصلة على شبكة واحدة ؟! إذا الإجابة بنعم … كم سرعة الشبكة 100 ميجا أو 1 جيجا ؟!
3- هل المشاركة (Sharing) راح تكون بشكل مؤقت … يعني مثلا تحتاجونها لـ 6 شهور قدام … أو أنكم راح تحتاجونها على طول ؟
4- تقدر أخوي تحسب لي السعة التخزينية (التقريبة) اللي تحتاجها الشركة بالجيجا بايت أو بالتيرا بايت ؟
بما إنه ما فيه شبكة … فالخيارات المتاحة لك راح تكون قليلة
إما تأخذ مساحة (Storage) مدفوعة الثمن من قبل إحدى الشركات المختصة بهذا الشئ … وبكذا تقدر تعمل مشاركة مع أي شخص عنده اتصال بالإنترنت من خلال اسم مستخدم وكلمة مرور
أو تستخدم إحدى المواقع الشهيرة المجانية مثل Dropbox أو SkyDrive أو غيرها … ولكنها محدودة الجحم … بعضها تعطي 2 جيجا بايت لكل مستخدم
أو تشتري NAS Drive … وكلمة NAS هي اختصار لـ network attached storage … فهذا مثل القرص الصلب ولكنه راح يتم توصيله على الشبكة وبيكون له عنوان ثابت (IP Address) وتقدر من خلال هالعنوان إنك تدخل على المساحة التخزينية …
ممكن هالقرص الصلب (NAS Drive) يتوصل على Wireless Access Point بحيث تسمح لك الدخول لاسلكيا على المساحة التخزينية وتغنيك على توصيل كيابل للشبكة … ولكن - مثل ما أنت عارف - إن تقنية WiFi ما توصل تغطيتها لمسافات بعيدة !
أخيرا … يمكن تعمل sharing لملفات اللابتوب … يعني تعمل مشاركة لعدد 10 لاب توب موجودة بجنب بعض من خلال Ad-hoc … وبدون شراء أي شئ !
وعليكم السلام ورحمة الله bootchy & حمد ما قصروا يعطيهم العافيه بس عندي تعليق ،لعلك أعلم به، على نقطة ذكرها أخوي حمد لكن من باب التذكير
إما تأخذ مساحة (Storage) مدفوعة الثمن من قبل إحدى الشركات المختصة بهذا الشئ … وبكذا تقدر تعمل مشاركة مع أي شخص عنده اتصال بالإنترنت من خلال اسم مستخدم وكلمة مرور أو تستخدم إحدى المواقع الشهيرة المجانية مثل Dropbox أو SkyDrive أو غيرها … ولكنها محدودة الجحم … بعضها تعطي 2 جيجا بايت لكل مستخدم
من المهم جداً انك تقرأ الـ Terms and conditions و تطّلع على الـ privacy statement حقة أي شركة ممكن تستخدم منتجاتها لاسيما أن الملفات قد تكون خاصة بالشركة فقط. يفضّل لو تعمل بحث بسيط عن سجل الشركة يمكن تلقى ما يشجعك للاشتراك معهم أو يصرفك عنهم.
أو اذا ما لك خلق هالخطوة، خذ استضافة وثبت عليها owncloud، مجاني وبديل للدروب بوكس: http://owncloud.org/