وزارة الداخلية في اليوم المفتوح للتوظيف

أثناء إطلاعي للفرص الوظيفية التي تقدمها الجهات الحكومية و الشركات في يوم المهنة , لفت إنتباهي وجود وزارة الداخلية ضمن الجهات التي لديها فرص وظيفية في يوم التوظيف

فياليت أحد يعطينا نبذه عن ماهية تلك الوظائف , وهل فعل يأتي مندوبين عن الوزارة في أيام التوظيف السابقة

لا أعرف ماهية الوظائف لكن بالفعل في أيام التوظيف السابقة كان لهم جناح (بوث) خاص ويوجد ممثلين لهم بلبس عسكري… طبعا لم أفكر مرة في سؤالهم :expressionless:

اتوقع مركز المعلومات الوطني التابع لوزارة الداخلية كان هناك!

اذكر مرة جيتهم وعندهم عرض اللي فوق 3 تكون الدورة العسكريه فقط 3 شهور
وأيضا يقدمون بعض المميزات لكن الطلاب ساحبيين عليهم ماأشوف أحد يجيهم
والحد الادنى عندهم هو 2.5 اما في الوزارة أو المركز الوطني ماأذكر

هم جايين عشان دورة الضباط المتميزين …دورة عسكرية لمدة ثلاث شهور بعدها المهندس يعيّن على رتبة ملازم اول المعدل مايقل عن 3 او 75% … التخصصات المطلوبه هي هندسة وطب وبعض تخصصات الكمبيوتر … التوظيف للدكاتره يكون في مستشفى قوى الامن والمهندسين في الغالب يكون مركز المعلومات الوطني التابع لوزارة الداخليه واحيانا في قسم المشاريع التطويريه. الوظيفه مدنيه والراتب من كلام الموظف فوق ال14 الف …

دورة السنه الماضيه “الدفعه السادسه” قبلوا 41 طالب وتخرج 36 طالب والخمس اللي سحبوا من الدوره هم اطباء. الدوره كانت في 5 الرمضان اللي طاف وتخرجوا بعد عيد الاضحى! مجموع خريجين هذي الدوره منذ انشاءها 120 ضابط. 6 منهم في امريكا حاليا 4 ماستر واثنين دكتوراة… وتقريبا 14 في فرنسا دورة لبرنامج بتسويه وزارة الداخليه. الدورة في اكاديمية الامير نايف.
القبول صعب جدا ولأنهم ياخذون من كل تخصص حول 5 طلاب الى 7 طلاب واكيد 3 منهم بواسطه!
الوظيفه تكون تكنيكال مره وخصوصا لطلاب الكهرب والكمبيوتر.

دوام مريح+ راتب مجزي+ رتبه- عسكريه “مافيه سفر” … وملاحظه اخيره مانيب متأكد 100% منها, موظفين مركز المعلومات الوطني مايحتاجون لشاغر عشان يترقون! اول ماتجيك الترقيه تترقى وحتى لو انك راح تبقى على نفس مهامك!

وبالتوفيق :rose:

شكرا AutoWorld 3

+ رتبه- عسكريه “مافيه سفر” ما فهمت هالنقطة ؟

اذا فيه أحد عنده معلومات اضافية عن طبيعة العمل و ((( الاضرار ))) من دخول هذا المجال يا ليت يفيدنا

اول شي راح تتخرج برتبة ملازل اول عسكري و بكون راتبك الاساسي تبع سلم رواتب العسكر اللي اللواء فيه اعلى راتب له 25 الف يعني لو رايح اي شركة بتوصل اكثر و فوقها ما راح تقدر تسافر الا بموافقة العمل و تمنع من الزواج من اجنبية
زيادات خرطي تقدر تقول ان بعد عمر طويل اكثر زيادة بتحصل 700 ريال
يعني عسكرية تاخذ لحم ترميك عظم

اذا جيت تسافر لازم تاخذ اذن من جهة العمل او ما يسمحون لك … الا اذا وصلت رتبة عميد وفوق وما يحتاج …