الله يعينك و مثلك كثير و انا واحد منهم
المعذرة إن كنت أزعجتك لكن الكلمة دي مالقيت لها مرادف يعطي نفس الانطباع لذلك فضّلت ابقائها بالانجلش …
شكرا على حرصكـ وأنا تراني برضو أشجّع استخدام العربي 
ههههههههههههههههههههههههههه
you know what’s does mean GORBA ??
أنا فالجبيل و أهلي بالطائف … وأروح كل شهرين ويكند أ, اجازة أسبوع 
والوضع عادي , بعدين خذها نصيحه مني :: ترى الحياة بعد الزواج في المدن الصناعية ( الجبيل - ينبع ) 
هذي تجربة زملاء لي شايفهم قدامي
طيب ياجماعة الخير لو جاني عرض وظيفي في جدة شركة بارسونز او الخطوط هل تنصحوا ان اذهب اليها ولا استحمل في ينبع ارامكو , انا اخاف عالمدى البعيد لو اشتغلت بجدة الراتب مايكفي متطلبات الحياة .
والله اسمح لي ، بالنسبة لنا احنا كعيال الغربية ، عندنا ينبع اهون من الجبيل ، اقل شي ينبع قريبة من المدينة لو حاب تزور مسجد الرسول صلى الله وعليه وسلم ، ولو حاب تروح للاهل في جدة ، ولو بغيت تاخذ عمرة في مكة ، اما تقلي الجبيل وعشان الخبر بجنبكم والا البحرين امسك سرا ساعتين في الجسر عشان اشوف لي فيلم والله هذي مو بسطة
1 Like
ماراح يحس بكلامي هذا الا اللي ولد وتربى ودرس في جدة بس
افهم كلامك بالضبط 
??? 
الله يهديك بس, خليتني أتندم على ردي الطويل العريض السابق
قعدت في ينبع شهرين ايام التدريب الصيفي, والله كانت أيام جميلة, كل اسبوعين نازل جدة عند الاهل
و في رمضان طلعت مع الشباب و أفطرت في الحرم النبوي على ساكنه أفضل الصلاة والتسليم وكنا
نفطر مع بعض يوميا… حاليا جالس في شقتي في الخبر (لوحدي للأسف) و قاعد أشيك على موقع
ناس أشوف الرحلات… واحمد ربي وأشكره على نعمه
احمد ربك , احمد ربك … من رأى مصيبة غيره, هانت عليه مصيبته…
والله الشباب ما قصروا … كل ما جت فكرة في رأسي أبي أقولها لقيت واحد جايبها 
…
أنا بأقول لك تجربتي بإختصار شديد :
أول ما توظفت لقيت شركة في منطقة نائية تابعة لأرامكو تبعد عن الأهل 1600 كلم …
في البداية تعبت ووصلت لدرجة ما أنام ووكل ما شفت صورة في الجوال لواحد من الأهل أقرب أبكي 
فكرت أفصل وأطلع من الوظيفة بس تحملت ويمكن بعد ثاني إجازة للبيت صار الوضع طبيعي لدرجة إني تعودت على المكان اللي أنا فيه وكأني من أهل هالديرة …
وهذا أنا كملت سنتين الحمد لله ما ينقصني إلا الزواج
إستعن بالله وكون علاقات تطلع وتروح معهم وتتسلون سوا …
والله ييسر أمرك 
انا من الغربية دخلت ينبع عشان اختبار ومقابلة … بعد ماشفت المدينة وتنقلت فيها … خشيت الاختبار اليوم الثاني ونفسيتي صفر لدرجة اني بعض الاسالة في الاختبار اعرف جوابها الصح واحط الغلط عشان ما اجتاز الاختبار … قاعد اهوجس في الاختبار … انا لو انقبلت كيف بعيش هنا وأتأقلم مع الوضع !! لكن للاسف عديت الاختبار :d
ماودي احطمك ياصاحب الموضوع لكن يبدو ان نفسياتنا تتشابه ههههه
وفي النهاية الموضوع على قولة الرويشد " مسألة وقت " والوضع يمشي زي اول ويمكن احسن
والله يوفقك
شوف يالحبيب. انا زيك متوطف في الرياض و مع اني من سكان الشرقية وارجع كل ويكند عند اهلي الا اني متضايق جدا من الرياض لدرجة اني اكره اني اطلع اي محل. اطلع من الدوام اخذ غداي وعلى الشقة ولا اطلع الى وقت الدوام من بكرة. ولا اقولك تاقلم بالعكس خل هذا الشي دافع لك انك تبدع في شغلك عشان باذن الله لما تشوف لك سواب اذا انت متوطف في ارامكو او حتى يكون كرت قوي في يدك عشان شركتك تنقلك لوين ماتبي. انا عارف الغربة صعبة لكن المشتكى للباري. والله يوفقك
هذا اللي ابغى اوصل له ، حتى رحلات طيران مافي ، نصيحة مني احجز من الان عشان رمضان
يا عمي قول الحمد لله انك موظف فيها ومعاك سيارتك تقدر تروح جدة في اي وقت تبغاه
احمد ربك ماجاتك وظيفة في الجبيل ، ساعتها حتقول ( يا ينبع محلا جمالك بين المدن ) . 
1 Like
الله يسعدكم يارب والله هونتو عليا كثير الله يصبرني ويعينني يارب ويرزق الكل ويقرب كل بعيد
تزوج واستقر قرب مكان عملك
شباب الزواج اكيد انه استقرار
بس مسالة الواحد يتزوج عشان يروح شعور الغربه عنه ما دخلت راسي !
على كذا المبتعثين برى مفروض ما يطلعون الا هم متزوجين
بعدين حتى لو تزوج غالبا بياخذ وحده من ديرته لنفرض من جده و يوديها للجبيل … طيب هو بيداوم من 8 او 7 الى 4 !!
زوجته وش بتسوي طول هالوقت !
لازم فيه حلول ثانيه … انا اكثر واحد اكره بعد الاهل و افضل الجلسه معهم … بس لازم يعود الواحد نفسه و يعتبر بعده عن اهله مرحله مؤقته بس لين تجيه فرصه ع الاقل في مدينه قريبه من اهله
انا معاك في النقطة هذي ، فيه واحد من اصحابي نفس وضعنا هو من جدة وعمله في الجبيل ، يقول كنت مرة متضايق وطفشان الين ما نصحوني ناس بالزواج عشان استقر وانسى جدة ، يقول بعد ما تزوجت صار الوضع اسوأ من اول ، انا من جدة والحرمة من جدة وكلنا طفشانين ، بدل ما كنت اشيل هم نفسي اول ، صرت اشيل هم نفسي وهم زوجتي معي .
اللي ابغى اوصل لو ، انو مو شرط الزواج يخليك تنسى الغربة
عاد سمعتنا شينه يالمهندسين 
اذكر فيه موضوع وحده تقدم لها مهندس ومدرس , كل الحريم ينصحون بالمدرس ويقولون لها خليك على ابو طبشوره احسن
<بسبب طول الدوام ويرجع منهك وماعنده وقت لأي شي , بس اتمنى تتغير النظره هذي
واتمنى من اخواني المهندسين المتزوجين حالياً تحسين الصورة شوي
قلت اللي بقلبي
احس فيه ناس اخذين الزواج الحل السحري لكل شيء
تراه يا حبيبي مسؤوليات مو اي واحد تنصحه يتزوج وانت ما تدري هو جاهز نفسيا للنوعية هذي من المسؤولية ولا لا
ومضة: كل ساعة توجد 3.4 حالة طلاق بالسعودية