التطوير ما أقدر أفصل فيه لاني جديد, لكن عموما فيه اهتمام واضح, وحط في بالك انك راح تحتك بالمدينه الطبيه بالرياض بشكل مستمر, يعني لو انت في الماليه بالاحساء, حط في بالك انك راح تروح اجتماعات وكورسات وورش عمل مع مالية الرياض اقل شئ 3 مرات في السنه, وقس على ذلك الادارات الأخرى.
أكيد ما راح تحصل الاهتمام اللي يحصلون عليه الأطباء والطاقم الصحي عموما, لكن برضو فيه اهتمام جيد جدا بالأطقم الأخرى, والا ما شفت المزايا الماليه والعلاج والقروض …الخ الخ.
بالنسبه للتقديم على المستشفيات
http://www.ngha.med.sa/Arabic/Pages/Default.aspx
الجامعات
http://www.ksau-hs.edu.sa/arabic/Pages/default.aspx
فيه توجه كبير للتوظيف بالاحساء وهذا ما لاحظته.
أولا هي المدينه الطبيه الثانيه حجما بعد الرياض
ثانيا سيتم توسعة المستشفى من 160 سرير الى 560 سرير, يعني منطقيا يحتاجون اطقم طبيه واداريه اضعاف الموجود حاليا بعد كم سنه
بالتوفيق وما نبغى منكم الا الدعاء
أنا شغال في الخدمات الطبية بالهيئة الملكية … والصراحة من ردودك السابقة … أتوقع إن سلالم الراوتب عندكم أفضل من عندنا …
فاللي حاب أعرفه … الله لا يهينك
كم يستلم عندكم مهندس الشبكات وأمن المعلومات … خبرة 5 سنوات
يعني كم يطلع تقريبا الراتب الأساسي … وهل عندكم بدل سكن وبدل نقل ؟
وهل فيه بدل حاسب أو بدل طبيعة عمل لموظفي it ؟
وأخيرا … تعرف إن المستشفيات ما تتوقف عن العمل 24 ساعة … فكيف نظام الأوفر تايم والاستدعاءات خارج أوقات الدوام ؟ هل هي كثيرة ومتعبة ؟!
أنا راح أتكلم عن IT فريش
بيسك : 12 ألف وكسور
سكن : 25 %
بالاضافه الى بدل نقل.
يطلع الفل باكيج 15ألف وكسور.
اللي عنده خبره بين 4-5 سنوات, يطلع فل باكج حوالي 20 ألف
بالنسبه للأوفر تايم : الساعه تستلم عليها ساعه ونصف. لكن نادر تاخذ اوفرتايم, لان الاوفرتايم والشفتات ممن اختصاص ال Technicians (حملة الدبلوم). اللي مثلنا يكون موجود وقت تحديث النظام اللي هو شغال عليه (يعني يمكن مره او مرتين بالسنه).
الله يعطيك العافيه اخي الكريم على المعلومات القيمه
عندي استفسار بسيط؛ أنا قدمت عن طريق الموقع؛ لكن مثل ما سمعنا انه التقديم عن طريق المواقع يطول
هل أقدر اروح شخصيا واقدم مثل ما ذكر الاخ صاحب الموضوع؛ طبعا اتكلم عن الحرس في الاحساء
تحياتي لك
لا يوجد تقديم يدوي.
وفعلا عن طريق الموقع يطول.
راح يطلبونك لاختبار اللغه, واذا اجتزته يكون ملفك جاهز للمقابلات
ايش الوظائف او المستشفيات الي في جدة ؟
الاخوة اللي يسالون عن التقديم اليدوي
انا تم اخذ السيرة الذاتية يدويا من مختص التوظيف وبعدها بشهرين بدات الاجراءات
يمكن ماتكون معلنة لكن كان فيه اشخاص يقدمون يدويا
اللي قريب يقدر يمرهم لو حب, واللي بعيد يستخدم الموقع
الطريقتين وظفت متقدمين واجراءاتهم تطول عموما
يعطيكم العافية يا شباب
و حبيت اسأل عن مقرهم وين بالضبط ؟
طيب يا اخوان كيف بخصوص التطوير الوظيفي ؟؟ … وكمهندس ميكانيكي وش راح تكون شغلته هناااك ؟؟ … راح تقولي مهندس صيااانة … اوكي بس صيااانة ايش في مستشفى ؟؟؟ مافيه شي ميكانيكي في المستشفى الا التكييف و السباكة فقط !!
وغير كذا ولنفرض واحد خدمته 20 سنة أو أكثر وش راح يكون منصبه وقتها ؟؟ … يعني يترقى وش المناصب المتاحه له ؟؟ …
الموضوع فيه غموض بالنسبة لي ياليت أحد يوضح
هم على المدى القصير جيدين بشكل عام
اكيد ماراح تكون خبرتهم مثل الشركات الكبيرة, لكن خبرتهم جيدة عموما, اتكلم عن الهندسة الكهربائية تحديدا
ونفس الكلام على باقي التخصصات
التطوير الوظيفي يهتمون فيه من كلامهم بالمقابلة وفيه دورات وورش عمل وامور راح تستفيد منها اكيد
الخلاصة الموضوع يعتمد عليك, لو حبيت تبدا معهم وعينك على الشركات الكبيرة فكثير سووها ونجحوا بسبب بيئة العمل الجيدة
ولو حبيت تستمر معاهم فيبقون جيدين بالعموم
واحد اهم مزاياهم العلاج بمستشفيات الحرس شاملة لكل شي بما فيهم الوالدين
بالتوفيق للجميع
عندنا … أشوف المهندسين الميكانيكيين مسؤولين عن أنظمة التكييف والسباكة وأعطال المصاعد وعن حاجة تشبه الغلايات الكبيرة أعذرني … لكن هذا ما هو بتخصصي
وبالإضافة إلى المهام حقتهم … تحصلهم أعضاء في بعض اللجان … مثل لجنة السلامة
أما بخصوص المناصب … فهي راح تكون كالتالي :
مهندس ميكانيكي --> مهندس ميكانيكي أول --> مشرف وحدة --> رئيس قسم الصيانة --> مدير إدارة الصيانة والخدمات المساندة
طبعا هذا الكلام عندنا ويمكن باقي الشباب يفيدونك أكثر
^^
فعلا
مدير الاداره يسمى Director
ورئيس القسم Manager
والمشرف اما supervisor او team leader
حط في بالك ان فيه ادارات اخرى ممكن تشتغل فيها مثل Project Task Force أو Quality Department أو Communication Department (تحديدا الهندسه الكهربائيه) بالاضافه الى بعض الادارات الاخرى اللي ممكن يكون فيه بوزشنز.
بالنسبه لل IT تبدأ كالتالي :
Programs Analyst اذا بتشتغل في التطبيقات أو System admin اذا بتكون في الشبكات(فريش)
Application Analyst اذا في التطبيقات أو Network specialist في الشبكات (تاخذها بعد 3-4 سنوات اذا تقييمك أوكي)
Team Leader (مثلا تيم ليدر الأنظمه الطبيه أو تيم ليدر أنظمة تخطيط الموارد أو تيم ليدر تطوير التطبيقات …الخ)
Manager (رئيس قسم التطبيقات او رئيس قسم الشبكات والتشغيل أو رئيس قسم الدعم الفني)
Director (مدير إدارة خدمات المعلومات)
اللي عنده ماستر وفريش يعطونه Senior programs analyst (أقدمية سنتين), هذا المسمى عادة ما تمر عليه وتاخذ Application Analyst على طول, لكن حطوه عشان حقين الماستر الفريش
طيب يا اخوان … ياليت أحد يفصل في المزايا التالية :
1- الراتب الأساسي للفرش ؟
2- هل يوجد بدل سكن وكم ؟
3- هل يوجد بدل نقل وكم ؟ وهل هو نسبة أو رقم ثابت ؟
4- التأمين الصحي يغطي كل شي ؟ وهل هو مدى الحياة ولا بانتهاء الخدمة ؟
5- العلاوة السنوية كم تكون هل هي ثابتة ولا على حسب التقييم ؟
6- التطوير والدورات الداخلية والخارجية والمؤتمرات وغيرها ؟ هل فيه تطوير حقيقي وقوي ولا لا ؟ وهل بالامكان أنهم يرسلون للدراسات العليا ؟
7- هل جميع المهندسين يتعينون على مرتبة واحدة ولا يختلف باختلاف التخصص ؟؟
وفي الأخير ردكم يا اخ xCISx و حمد جميل … لكن بالمختصر المفيد … بعد خدمة خل نقول 20 سنة … وش راح يكون منصبي وكم راح يكون راتبي تقريبا ؟ ( طبعا بافتراض أنه تقييم طبيعي وكحال جميع الموظفين ) …
واخر سؤال : أنا أعلم أنه العمل نصفه حكومي ونصفه خااص … لكن راح أكون مسجل في التأمينات ولا التقاعد ؟؟
ايش افضل واسرع طريقة الواحد ممكن يتوظف فيها
وايش فروع المستشفيات في الغربية ؟
في المنطقة الغربية … عندك جدة
فيها مدينة الملك عبد العزيز الطبية … وفيها بعد المدينة الجامعية
http://www.ngha.med.sa/Arabic/MEDICALCITIES/Jeddah/Pages/default.aspx
هل في احتياج للميكانيكال انجينير في الاحساء؟
المميزات تم ذكرها سابقا.
المستقبل لا أحد يتنبأ به.
العمل على التأمينات وليس التقاعد (كأنك قطاع خاص)
^^
يااخوي أنت ذكرت المميزات بالنسبة لل it فقط …
ياليت تقرأ اسألتي اللي فوق مضبوط وترد عليهاا وجزاك الله خير مقدما
ما أقدر أفتيك بالتخصصات الأخرى, لأن السلم غير معلن رسميا.
-اللي أعرفه ان المهندسين معنا على نفس القريد, أتوقع ان البيسك حق الاداريين أقل منا بشئ قليل, يعني اتوقع بين ال10 وال11.5 للفريش.
-بالنسبه لبدل السكن كما ذكرت هو 25% للكل, بدل النقل ناسيه لكن في مراتب ياخذون 400 ومراتب 600 ومراتب 700.
-العلاج مدى الحياه طبعا وشامل لكل شئ, ويغطي الموظف والوالدين والزوجه والأبناء.
-العلاوه بالتقييم
-الابتعاث صعب لغير الأطباء, لكن تقدر تدرس ماستر في احد جامعات الحرس الوطني للعلوم الصحيه (حاليا الماستر في جامعة الرياض فقط). عندهم تخصصات مناسبه ولكن بتوجه صحي.
مثل :
- نظم المعلومات الصحيه
- إدارة الأنظمه والجودة الصحيه
- الإحصاء الطبي
- الصحه العامه
واذا جاك قبول ماستر في جامعه سعوديه ما يمانعون ويكون فيه تسنيق بالنسبه للدوام لو صار تعارض.